ⵕⵕⴱⴰⵟ..ⴰⵙⵎⵏⵉⴷ ⵏ ⵓⵙⵓⵖⵍ ⵙ ⵜⴰⵎⴰⵣⵉⵖⵜ ⵏ ⵓⴷⵍⵉⵙ "ⴰⵙⵍⴳⵏ ⵏ ⵜⵖⵍⴰⵏⵜ ⵜⴰⵎⵖⵔⴰⴱⵉⵜ"

14 ⴱⵕⴰⵢⵕ 2024 Version Imprimable

ⵕⵕⴱⴰⵟ - ⵉⵜⵜⴰⵡⵙⴽⴰⵔ ⵡⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⵙ ⵓⵙⵖⵉⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵎⵉⴷ ⵏ ⵓⴷⵍⵉⵙ ⵏⵏⴰ ⵉⵜⵜⵓⵙⵓⵖⵍ ⵙ ⵜⵓⵜⵍⴰⵢⵜ ⵜⴰⵄⵔⴰⴱⵜ ⴰⵔ ⵜⴰⵎⴰⵣⵉⵖⵜ "ⴰⵙⵍⴳⵏ ⵏ ⵜⵖⵍⴰⵏⵜ ⵜⴰⵎⵖⵔⴰⴱⵉⵜ"

ⵉⴽⵛⵎ ⵓⵙⵓⵖⵍ ⴰⴷ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵙⵓⵖⵍ ⴳ ⵉⴳⵔ ⵓⵣⵔⴰⴼ ⵏⵏⴰ ⴳⵉⵙ ⵉⵍⵜⵖ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⴰⵜⵉ ⵏ ⵓⵙⴽⵔ ⵏ ⵎⵏⵏⴰⵡ ⵏ ⵉⵙⵏⵜⵉⵏ ⵏ ⵓⵙⵓⵖⵍ ⵉⵣⴷⵉⵏ ⵏ ⵉⴹⵕⵉⵚⵏ ⵉⵙⵍⴰⴳⵏ ⵎⵛⵜⴰ ⵓⵍⴰ ⵜⴰⵎⵎⵜⴰⵏⵜ ⵜⴰⴷⵓⵙⵜⵓⵔⵉⵜ ⵓⵍⴰ ⵉⵙⵍⴳⴰⵏ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵎⵎⴰⵙ ⵏ ⵓⵙⵖⵍ ⴷ ⵜⴰⵏⵜⵜⴰⵎⵜ ⴷ ⵜⴰⵥⵕⵉⴳⵜ ⴷ ⵓⵎⵢⴰⵡⴰⴹ ⵉⴹⴼⴰⵕⵏ ⵉ ⵓⵙⵉⵏⴰⴳ .

ⴳ ⵓⵙⴰⵜⵉ ⴷⵖ ⵜⵏⵏⴰ ⵜⴰⵙⵓⵖⵍⵜ ⵏ ⵓⴷⵍⵉⵙ ⵙⴰⵍⵉⵎⴰ ⵍⴽⵓⵍⴰⵍⵉ ⵜⴰⵎⴰⵔⵣⵓⵜ ⴳ ⵓⵙⵉⵏⴰⴳ ⵎⴰⵙ ⴰⵙⵓⵖⵍ ⵏ ⵉⴷⵍⵉⵙⵏ ⵏ ⵓⵙⵍⴳⴰⵏ ⵖⵓⵔⵙⵏ ⵡⴰⴷⴷⵓⵔ ⵉⵎⵇⵇⵓⵕⴰⵏ ⴰⵛⴽⵓ ⵉⴷⵔⵓⵙⵏ ⴱⴰⵀⵔⴰ ⴳ ⵉⴳⵔ ⴰⴷ ⵜⵣⵎⵎⵓⵎ ⵎⴰⵙ ⵎⵏⵏⴰⵡ ⵏ ⵉⵏⴳⵓⵍⵏ ⵉⵙⵖⵓⵍⵏ ⴰⵔ ⵜⴰⵎⴰⵣⵉⵖⵜ ⵓⴳⴳⵔ ⴱⴰⵀⵔⴰ ⵉⴷⵍⵉⵙⵏ ⵏ ⵓⵙⵍⴳⴰⵏ ⵍⵍⵉⵖ ⵉⵡⵉⴹⵏ 19 ⴰⵙⵓⵖⵍ ⴽⴰ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%95%E2%B5%95%E2%B4%B1%E2%B4%B0%E2%B5%9F%E2%B4%B0%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%93%E2%B5%99%E2%B5%93%E2%B5%96%E2%B5%8D-%E2%B5%99-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%8F-%E2%B5%93%E2%B4%B7%E2%B5%8D%E2%B5%89%E2%B5%99-%E2%B4%B0%E2%B5%99%E2%B5%8D%E2%B4%B3%E2%B5%8F-%E2%B5%8F-%E2%B5%9C%E2%B5%96%E2%B5%8D%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C