Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⴰⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⴰⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ

15 ⵎⴰⵕⵚ 2024 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⵓⵜⵜⴰⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵡⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⴰⵣⵡⴰⵔⵓⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ.
ⵉⴼⴽⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⴳ ⵓⴼⵓⵙ ⵏ ⵍⴰⵎⵉⵔ ⵏ ⵉⵎⵓⵎⵏ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ ⴰⵎⴰⵡⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⵏⵏⴰ ⵉⵙⴰⵡⵍ ⵅⴼ ⵙⵙⴼⵙⵉ ⵏ ⵓⵙⴳⵓⵎ " ⴰⵙⵎⴰⵢⵏⵓ ⵏ ⵓⵙⴳⴷ ⴳ ⵓⵏⴳⵔⴰⵡ ⵏ ⵍⵉⵎⴰⵔⴰⵜ ⵏ ⵉⵎⵓⵎⵏ " ⴳ ⵓⵙⵏⵜⵉ ⵏ ⵍⵃⴰⴷⵉⵜ ⴰⵛⵛⵔⵉⴼ ⵏⵏⴰ ⵉⵏⵏⴰ ⴰⴱⵓ ⵀⵓⵔⴰⵢⵔⴰ ⴰⴷ ⵉⵕⴹⵓ ⵕⴱⴱⵉ ⵖⴼⵙ ⵎⴰⵙ ⵉⵏⵏⴰ ⵓⵎⴰⵣⴰⵏ ⵏ ⵕⴱⴱⵉ ⵜⴰⵥⴰⵍⵍⵉⵜ ⴼⵍⵍⴰⵙ ⵎⴰⵙ " ⵢⵓⵣⵏ ⵕⵕⴱⵉ ⵉ ⵜⵎⵜⵜⴰ ⴰⴷ ⴳ ⵉⵅⴼ ⵏ ⵜⵉⵎⴹⵉ ⵏ ⵓⵙⴳⴳⵯⴰⵙ ⵎⴰⴷ ⵉⵙⵎⴰⵢⵏ ⴰⵙⴳⴷ ⵏⵏⵙ". ⵉⴱⴷⴰ ⵓⵙⵍⵎⴰⴷ ⵜⴰⵎⵙⵙⵉⵔⴷⵜ ⵉⵙⴷⴷⵉⴷ ⵎⴰⵙ ⴰⵔ ⵜⵙⴽⴰⵔ ⵍⵉⵎⴰⵎⴰ ⵏ ⴰⴳⵍⴷⵓⵏ ⵏ ⵉⵎⵓⵎⵏⵏ ⵜⴰⵡⵓⵔⵉ ⵏⵏⵙ ⴳ ⵉⴳⵔⴰⵏ ⴰⴽⴽⵯ ⵜⴰⵡⵓⵔⵉ ⵢⴰⴷ ⵜⴼⴽⴰ ⵜⴰⵢⴰⴼⵓⵜ ⴳ ⵉⴳⵔ ⵏ ⵓⵙⵍⵉⴳ ⵏⵖ ⴷⴷⵉⵏ ⴳ ⵓⴷⵎⴰⵡⵏ ⵏ ⵜⵓⴷⵔⵜ ⴷ ⴰⵣⴷⴰⵢ ⵏⵓⵃⵟⵟⵓ ⵏ ⵉⵙⵜⵙⵢⵏ ⵏ ⵓⴳⴷⵓⴷ ⴷ ⵓⵙⵙⵎⴰⵢⵏⵓ ⴳ ⵜⴰⴷⴷⴰⵔⵜ ⵏⵏⵙ ⵉⵎⵙⴰⵙⴰⵏ ⴷ ⵉⵙⵏⴼⴰⵍⵏ. ⴳ ⵉⴳⵔ ⴰⴷ ⵉⵙⴰⵡⵍ ⵎⴰⵙⵙ ⵜⴰⵡⴼⵉⵇ ⵎⵏⵏⴰⵡⵜ ⵏ ⵜⵙⴳⴳⵉⵡⵉⵏ ⵏ ⵓⵃⵟⵟⵓ ⵢⴰⴷ ⴷ ⵓⵙⵙⵎⴰⵢⵏⵓ ⴰⴷ ⴳ ⴽⵕⴰⴹ ⵏ ⵉⴱⵔⵉⴷⵏ ⵉⵥⵍⵉⵏ ⵙ ⵍⵎⵙⵍⵜ ⵏ ⵓⵙⵙⵎⴰⵢⵏⵓ ⵏ ⴷⴷⵉⵏ ⵖⵎⴽⵍⵍⵉ ⴼⵍⵍⴰⵙ ⵙⴰⵡⵍⵏ ⵉⵎⵓⵙⵍⵎⵏ ⴷ ⵓⵉⵢⵢⴰⴹ ⴳ ⵉⵣⵎⴰⵣ ⵉⵣⵔⵉⵏ ⴷ ⴰⵣⵎⵣ ⴰⴷ ⵍⵍⵉⵖ ⵏⵍⵍⴰ ⴷ ⵓⵙⵙⵎⴰⵢⵏⵓ ⵏ ⵏ ⴷⴷⵉⵏ ⴳ ⵓⴳⵔⴰⵡ ⵏ ⵉⵎⴰⵔⴰ ⵏ ⵉⵎⵓⵎⵏⵏ ⴳ ⵎⵏⵉⴷ ⵏ ⵓⵙⵙⵎⵢⵏⵓ ⵅⴼ ⵓⴳⴷⵓⴷ ⴰⴼⴰⴷ ⴰⴷ ⵏⴰⴼ ⵢⴰⵏ ⴰⵏⴰⵡ ⵉⵣⴷⵉⵏ ⴳ ⵉⵡⵜⵜⴰⵙⵏ ⵏ ⵓⴳⵍⴷⵓⵏ ⵏ ⵉⵎⵓⵎⵏⵏ ⴰⴼⴰⴷ ⴰⴷ ⵜⵢⴰⵡⵙⴽⴰⵔ ⵜⵡⵓⵔⵉ ⵉⵖⵓⴷⴰⵏ. ⵉⵙⴷⴷⵉⴷ ⵓⵙⵍⵎⴰⴷ ⵎⴰⵙ ⵉⵥⴹⴰⵕ ⴰⴷ ⵢⵉⵍⵉ ⴷⴰⵔ ⵍⵄⵓⵍⴰⵎⴰ ⵏ ⵓⵙⵙⵎⴰⵢⵏⵓ ⴷ ⵓⴳⵏⵙ ⵏ ⵍⵉⵙⵍⴰⵎ ⴳ ⵓⵣⵎⵣ ⵣⴷ ⵍⵍⵉⵖ ⵏⵍⵍⴰ ⴽⵔⴰ ⵍⴰⵜⵔ ⵎⴰⵛ ⴷⵙⵄⵡⴰ ⵏⵏⵙⵙⵏ ⵓⵔ ⵜⴼⴽⵉ ⵊⵊⵡⴰⴱ ⵉ ⵉⵎⵓⵙⵍⵎⵏ ⵎⴰⵏⴽⴰ ⵔⴰⴷ ⵍⴽⵎⵏ ⵜⵓⴷⵔⵜ ⵉⵖⵓⴷⴰⵏ ⵙ ⵜⵜⴰⴷⴰⵢⵢⵓⵏ ⵣⵓⵏⴷ ⵖⵎⴽⵍⵍⵉ ⴷ ⵢⵓⵛⴽⴰⵏ ⴳ ⵍⵇⵕⴰⵏ ⵍⴽⴰⵔⵉⵎ. ⵍⵍⵉⵖ ⵉⵙⴰⵡⵍ ⵅⴼ ⴰⵙⵙⵎⵢⵏⵓ ⵏ ⴷⴷⵉⵏ ⴳ ⵍⵎⵖⵔⵉⴱ ⴳ ⵎⴰⴷ ⵉⵣⵔⵉⴷ ⴷ ⵖⵉⵍⴰⴷ ;ⵉⵙⴷⴷⵉⴷ ⵎⴰⵙⵙ ⵜⴰⵡⴼⵉⵇ ⵎⴰⵙ ⵉⴼⴽⴰ ⵕⴱⴱⵉ ⵉ ⵍⵎⵖⵔⵉⴱ ⵙⵙⵍⴰⵎⵜ ⴷ ⵉⵙⵙⵏⵜⵉ ⴼⵍⵍⴰⵙ ⵜⴰⵖⵡⴰⵖⵜ ⵙ ⴰⵙⵜⴰⵢ ⵏ ⵓⴳⵔⴰⵡ ⵏ ⵍⵉⵎⴰⵔⴰ ⵏ ⵉⵎⵓⵎⵏⵏ ⵙⴳ ⴰⵣⵎⵣ ⵏ ⵍⴰⴷⴰⵔⵉⵙⴰ. ⵉⵔⵏⵓ ⵉⵏⵏⴰ ⵎⴰⵙⵙ ⵜⴰⵡⴼⵉⵇ ⵉⵖ ⵓⵎⵥⵏⵜ ⵉⵡⴰⵏⴽ ⵍⵍⵉ ⵉⵃⴽⵎⵏ ⵍⵎⵖⵔⵉⴱ ⵉⵖⴰⵡⴰⵙⵏ ⵏ ⵓⵙⵡⵓⴷⴷⵓ ⴷ ⵓⵙⵙⵎⴰⵢⵏⵓ ⵎⴰⵛ ⴰⵡⴰⵏⴽ ⵏ ⵍⵄⴰⵍⴰⵡⵉⵢⵢⵉⵏ ⵉⵙⴽⵔ ⵉⵙⵡⵓⴷⴷⵓⵜⵏ ⴳ ⵡⴰⴽⴰⵍ; ⵉⵙⵙⴱⵙⵢⵏ ⵎⴰⵙ ⴳⴰⵏⴰⵜ ⵏⵏⴰⵙⴰⵢⵃ ⵏ ⵙⵙⵓⵍⵟⴰⵏ ⵍⵍⵉⴷ ⵢⵓⵛⴽⴰⵏ ⵙⴳ ⴰⵡⴰⵍ ⵏ ⵏⵏⴱⵉ ⵍⵍⵉ ⵅⴼ ⵜⴱⵏⴰ ⵜⵎⵙⵙⵉⵔⵜ ⴰⴷ ⴳⵉⵙ ⵜⴰⴱⵔⴰⵜ ⵏ ⵉⴳⵍⵍⵉⴱ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵉⵕⵃⵎ ⵕⴱⴱⵉ ⵍⵍⵉ ⵢⵓⵣⵏ ⴳ ⵍⴱⴷⵓ ⵏ ⵜⴰⵙⵓⵜ ⵏ 15 ⵏ ⵍⵀⵉⵊⵔⵉ ⵉⵏⵏⴰ ⴳⵉⵙ ⵎⴰⵙ ⵉⴽⵔⵎ ⵔⴱⴱⵉ ⵉⵎⵓⵙⵍⵎⵏ ⵙ ⴷⴷⵉⵏ ⵉⵖⵓⴷⴰⵏ ⵉ ⴰⴽⴽⵯ ⵉⵣⵎⴰⵣ ⴷ ⵡⴰⴽⴰⵍ ⴷ ⵉⵣⵔⴼⴰⵏ ⵍⵍⵉ ⵓⵔ ⵉⵃⵜⴰⵊⵊⴰⵏ ⴰⵙⵏⴼⵍ . ⵉⵙⴷⴷⵉⴷ ⵎⴰⵙⵙ ⵜⴰⵡⴼⵉⵇ ⵅⴼ ⵜⴰⵡⵓⵔⵉ ⵏ ⵉⵎⴰⵔⴰ ⵏ ⵉⵎⵓⵎⵏⵏ ⵙⴳ ⵓⵎⴳⴳⴰⵔ ⵏ ⵓⴳⵏⴰⵔ ⵏ ⵉⵙⴳⴳⵯⴰⵏ ⴳ ⵎⴰⴷ ⵉⵥⵍⵉⵙ ⵓⵃⵟⵟⵓ ⴷⴷⵉⵏ ⵏ ⵜⵓⴷⵔⵜ ⴷ ⵓⵙⵎⵙⵢⵏⵓ ⵏⵏⵙ ⵙ ⵎⵏⵏⴰⵡⵜ ⵜⵖⴰⵡⵙⵉⵙⵉⵏ ⴳⵉⵙ ⴰⵙⵔⵙ ⵏ ⵉⵙⵎ ⵏ ⵓⵏⵙⵙⵉⵅⴼ ⵏ ⵡⴰⵏⴽ )ⴰⴳⵍⴷⵓⵏ ⵏ ⵉⵎⵓⵎⵏⵏ( ⵍⵍⵉ ⵅⴼ ⵢⵔⴰ ⵔⴱⴱⵉ ⴰⴷ ⵉⴳ ⵜⴰⵎⴰⵣⵉⵔⵜ ⵍⵍⵉ ⵉⵃⴹⴰⵏ ⵉⵙⵎ ⴰⴷ ⵉⴱⵏⴰ ⵓⵏⴱⴰⴹ ⵏⵏⵙ ⵅⴼ ⵍⴱⴰⵢⵄⴰ ⴷ ⵍⵉⵍⵜⵉⵣⴰⵎⴰⵜ ⵏ ⵓⵏⵙⵙⵉⵅⴼ ⵏ ⵡⴰⵏⴽ ⵍⵍⵉ ⵎⵉ ⵉⴼⴽⴰ ⵍⴼⵉⵇⵀ ⴰⵙⵔⵜⴰⵏ ⵍⵎⵓⵍⵍⵉⵢⴰⵜ ⵜⵉⵙⵙ ⵙⵎⵎⵓⵙⵜ. ⵉⵣⴰⵢⴷ ⵓⵍⴰ ⵉⵏⵏⴰ ⵓⵎⵏⴰⵡ ⵜⵖⵡⵙⴰ ⵏ ⵜⵡⵊⴰ ⵏⵏⴰ ⵉⵙⵜⵜⵓⵡⵀⵎⴰⵏ ⵏ ⵓⵏⴳⵔⴰⵡ ⵏ ⵍⵉⵎⴰⵔⴰⵜ ⵏ ⵉⵎⵓⵎⵎⵏ ⴳ ⵜⴼⵓⵍⵉⵏ ⵏ ⵓⵙⵎⴰⵢⵏⵓ ⴰⵣⵔⴰⴼⵏ ⴷ ⵡⴰⵏⵏⴰⵍ ⴰⵏⴰⵎⵓⵏ ⴷ ⵓⵙⴳⴷ ⴰⵣⵔⴼⴰⵏ ⴷ ⵜⵖⵡⵙⴰ ⵏ ⵜⵎⵟⵟⵓⵟⵜ ⵏⵏⴰ ⵜⵙⵙⵏ ⴷⴷⴰⵡ ⵏ ⵓⵏⴳⵔⴰⵡ ⵏ ⵍⵉⵎⴰⵔⴰⵜ ⵏ ⵉⵎⵓⵎⵎⵏ ⴰⵙⵜⵓⴳ ⵉⵣⴰⵢⴷⵏ ⵉⵙⵙⴽⵜⵉ ⵎⴰⵙⵙ ⵜⴰⵡⴼⵉⵇ ⴰⵙⵎⴰⵢⵏⵓⵏ ⵏ ⵓⵏⴳⵔⴰⵡ ⵏ ⵍⵉⵎⴰⵔⴰⵜ ⵏ ⵉⵎⵓⵎⵎⵏ ⴳ ⵜⴳⴳⵓⵔⵜ ⵏ ⵉⵣⴷⵉ ⴷ ⵍⴰⴱⵏⴰⴽ ⴳ ⵓⵎⵎⴰⵙ ⵏ ⵓⵙⴽⵔ ⵏ ⵜⵓⵙⴽⵉⵔⵉⵏ ⵏ ⵍⴱⵏⴰⴽ ⵙⵙⵏⵏⵜ ⵏ ⵓⵥⵔⴼ ⵜⴰⴷⵔⴰⵡⵜ ⴷ ⵜⴰⵙⵇⵙⵉⵜ ⵜⴰⵏⴰⵎⵓⵏⵜ ⵎⴰⵢⴰⴷ ⵜⵙⴱⴰⵢⵏ ⵎⴰⵙ ⵜⵉⵎⵓⴽⵔⵉⵙⵉⵏ ⵏ ⵉⵜⵉⴳⵏ ⵏ ⴰⵙⴳⴳⴷ ⵜⴱⵏⵓ ⵏ ⴰⵎⵇⵇⵉⵎ ⵏ ⵜⵉⵎⵜⵜⴰ ⴳ ⵜⴳⴳⵓⵔⵜ ⴰⴷ ⴷ ⵎⴰⵙ ⵍⵉⵎⴰⵔⴰⵜ ⵏ ⵉⵎⵓⵎⵎⵏ ⵜⴳⴰ ⴰⵎⴷⵢⴰ ⴳⵉⵙ.
Dernière modification : 15 ⵎⴰⵕⵚ 2024
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F-%E2%B4%B3-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99