Published on MAPNews (https://www.mapnews.ma/am)

Accueil > ⵎⴰⵙⵙ ⵍⴰⵇⵊⴰⵄ: ⵎⵓⵏⴹⵢⴰⵍ 2030 ⵔⴰⴷ ⵉⴳ ⵜⴰⵡⴰⵍⴰ ⵉⵖⵓⴷⴰⵏ ⴳ ⵓⵎⵣⵔⵓⵢ ⵏ ⵜⴽⵓⵔⵜ ⵏ ⵓⴹⴰⵕ

ⵎⴰⵙⵙ ⵍⴰⵇⵊⴰⵄ: ⵎⵓⵏⴹⵢⴰⵍ 2030 ⵔⴰⴷ ⵉⴳ ⵜⴰⵡⴰⵍⴰ ⵉⵖⵓⴷⴰⵏ ⴳ ⵓⵎⵣⵔⵓⵢ ⵏ ⵜⴽⵓⵔⵜ ⵏ ⵓⴹⴰⵕ

20 ⵎⴰⵕⵚ 2024 Version Imprimable
ⵍⵉⵛⴱⵓⵏⴰ - ⵉⵏⵏⴰ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙⵙ ⴼⴰⵡⵣⵉ ⵍⴰⵇⵊⴰⵄ ⴰⵙⵙ ⵏ ⵓⵙⵉⵏⴰⵙ ⴳ ⵍⵉⵛⴱⵉⵏⴰ ⵎⴰⵙ ⵉⴳⴰ ⵓⵡⵜⴰⵙ ⵏ ⵓⵙⴷⴰⵡ ⴰⵅⴰⵜⴰⵔ ⵏ ⵓⵙⵏⵓⴱⴳ ⵏ ⵜⴰⴽⵓⵙⵜ ⵏ ⵓⵎⴹⴰⵍ 2030 ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⴷ ⵍⴱⵓⵔⵜⵓⵖⴰⵍ ⴰⴷ ⵉⵜⵜⵓⵙⵏⵎⴰⵍⴰ ⵢⴰⵜ ⵜⵡⴰⵍⴰ ⵏ ⵜⴽⵓⵙⵜ ⵏ ⵓⵎⴰⴹⴰⵍ ⵉⵖⵓⴷⴰⵏ ⴳ ⵓⵎⵣⵔⵓⵢ ⵏ ⵜⴽⵓⵔⵜ ⵏ ⵓⴹⴰⵕ.

 ⵉⵏⵏⴰ ⵎⴰⵙⵙ ⵍⴰⵇⵊⴰⵄ  ⴳ ⵢⴰⵜ ⵜⵙⴳⵓⵔⵉ ⴳ ⵜⴰⴼⵓⴳⵍⴰ ⵏ ⵜⵖⵓⵔⵉ ⵏ ⵛⵛⵉⵄⴰⵔ ⴰⵎⴰⴷⴷⴰⴷ ⵉⵥⵍⵉⵏ ⵙ  ⵓⵙⴷⴰⵡ ⴰⵅⴰⵜⴰⵔ ⵏ ⵓⵙⵏⵓⴱⴳ ⵏ ⵜⴰⴽⵓⵙⵜ ⵏ ⵓⵎⴹⴰⵍ 2030 ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⴷ ⵍⴱⵓⵔⵜⵓⵖⴰⵍ ⴳⵉⵙ ⵜⵉⵔⵔⴰ “ⵢⴰⵍⵍⴰ ⴼⴰⵎⵓⵙ2030″ ⵎⴰⵙ ⵉⴳⴰ ⵓⵜⴰⵙ ⵏⵏⵖ ⴰⴷ ⵉⵜⵜⵓⵙⵏⵎⴰⵍⴰ ⵢⴰⵜ ⵜⵎⵖⵔⴰ ⵜⴰⵅⴰⵜⴰⵔⵜ ⵉⵎⵓⵏ ⴳⵉⵙ ⵎⴰⴷ ⵉⴳⴰⵏ ⵜⵓⵏⵏⵓⵏⵜ ⴷ ⵜⴰⵏⴼⴳⴰⵏⵜ ⴷ ⵜⴰⵎⴰⴳⵉⵜ.

 ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⵉⴳⴰ ⵓⵣⵎⵣⵣⵓ ⵢⴰⴷ ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⴽⵕⴰⵟ ⵜⵉⵎⵉⵣⴰⵔ ⵉⵍⵉ ⴷⴰⵔⵙ ⴰⴷⴷⵓⵔ ⵏ ⵜⵎⴰⴳⵉⵜ ⵍⵍⵉ ⵉⵙⵎⵓⵏ ⵜⵉⵎⵉⵣⴰⵔ ⵎⵕⴰⵟ ⵏ ⵉⵍⵍ ⴰⵏⵎⵎⴰⵙ ⵓⵎⵍⵉⵍ ⵙ ⵓⵎⵣⵔⵓⵢ ⴷ ⵜⴰⵎⴰⴳⵉⵜ ⵍⵍⵉ ⵉⵣⵔⵉⵏ ⴳ ⵜⴰⵙⴳⴰ ⵢⴰⴷ.

ⵉⵙⴷⴷⵉⴷ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⴷⴰⵔ ⵜⵉⵎⵉⵣⴰⵔ ⵎⵕⴰⵟ ⵍⵍⵓⵊⵉⵙⵜⵉⴽ ⴰⴼⴰⴷ ⴰⴷ ⵙⵏⵎⴰⵍⴰⵏⵜ ⵜⴰⴽⵓⵙⵜ ⵏ ⵓⴹⴰⵕ.

ⵉⵖⵔⴰ ⵎⴰⵙⵙ ⵍⵇⵊⴰⵄ ⵓⵍⴰ ⵉ ⵜⵉⴽⴽⵉ ⵏ ⴰⴷⴷⵓⵔ ⵉ ⵓⴷⵎⴰⵡⵏ ⵏ ⵜⵎⴰⴳⵉⵜ ⵍⵍⵉ ⵜⵙⵙⵏ ⵜⵙⴳⴰ ⵢⴰⴷ  ⴷ ⵓⵣⵎⵣⵣⵓ ⵉ ⵜⴰⵙⵓⵜⵉⵏ ⵏ ⵉⵎⴰⵍ ⴷ ⵉⵄⵔⵔⵉⵎⵏ ⴰⴷ ⵉⵙⵙⴰⵏ ⴱⴰⵀⵔⴰ ⵜⴰⵎⴰⴳⵉⵜ ⵏ ⵜⵙⴳⴰ ⵢⴰⴷ ⴷ ⵜⵓⴳⵉ ⵏ ⵜⴰⵏⴼⴳⴰⵏⵜ ⵏ ⵉⵎⴰⵍ.

ⵉⵏⵏⴰ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⵜⴰⴳⴰ ⵜⵉⵔⴰⵜ ⵏ ⵜⵉⵎⵉⵣⴰⵔ ⵙⵏⴰⵜ ⴰⵙ ⵢⵉⵍⵉ ⵓⵙⴷⵓⵙ ⵉ ⵉⵎⵏⵉⴷⵏ ⵏ ⵜⵎⴰⴳⵉⵜ ⴷ ⵜⴰⴷⵍⵙⴰ ⴷ ⵜⴰⵏⴼⴳⴰⵏⵜ ⵍⵍⵉ ⵉⵙⵎⵓⵏⵏ ⴳ ⵓⵎⵣⵔⵓⵢ ⴷ ⵖⵉⵍⴰⴷ ⵉⵙⵙⴽⵜⵉⴷ ⵓⵍⴰ ⵜⴰⵢⵔⵉ ⵏ ⵉⵄⵔⵔⵉⵎⵏ ⴷ ⵉⴳⴷⵓⴷⵏ ⵏ ⵜⵉⵎⵉⵣⴰⵔ ⵙⵏⴰⵜ ⵏ ⵜⵓⵏⵏⵓⵜ ⴰⴷ ⴳ ⴰⴽⴽⵯ ⵉⵣⵎⵣⵣⵓⵜⵏ ⵏ ⵉⴼⵉⴰⵢⴰ ⴷ ⵓⵎⴰⴹⴰⵍ .

ⴳ ⵜⴰⵙⴳⴰ ⵏⵏⵙ, ⵉⵏⵏⴰ ⴼⵉⵔⵏⴰⵏⴷⵓ ⴳⵓⵎⵉⵣ ⴰⵏⵙⵙⵉⵅⴼ ⵏ  ⵜⴰⵎⵓⵏⵜ ⵏ ⵍⴱⵓⵔⵜⵓⵖⴰⵍ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⵉⵔⴰ ⵓⵙⵏⵎⴰⵍⴰ ⵏ ⵜⴽⵓⵙⵜ ⵏ ⵓⵎⴰⴷⴰⵍ ⴳ 3 ⵏ ⵜⵉⵎⵉⵣⴰⵔ ⴷ ⵙⵉⵏ ⵉⵎⵏⴰⵣⴰⵡⵏ ⴰⴷ ⵉⴳ ⵜⴰⵡⴰⵍⴰ ⵜⴰⵅⴰⵜⴰⵔⵜ ⵉⵖⵓⴷⴰⵏ ⴷ ⵜⴰⵎⵙⴽⵜⵉⵜ ⵏ ⵉⴳⴷⵓⴷⵏ ⵏ ⵜⵙⴳⴰ ⵢⴰⴷ.

 

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%8E%E2%B4%B0%E2%B5%99%E2%B5%99-%E2%B5%8D%E2%B4%B0%E2%B5%87%E2%B5%8A%E2%B4%B0%E2%B5%84-%E2%B5%8E%E2%B5%93%E2%B5%8F%E2%B4%B9%E2%B5%A2%E2%B4%B0%E2%B5%8D-2030-%E2%B5%94%E2%B4%B0%E2%B4%B7-%E2%B5%89%E2%B4%B3-%E2%B5%9C%E2%B4%B0%E2%B5%A1%E2%B4%B0%E2%B5%8D%E2%B4%B0-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%B4%B3-%E2%B5%93%E2%B5%8E%E2%B5%A3%E2%B5%94%E2%B5%93%E2%B5%A2-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95