Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ  ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ  ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ

01 ⵉⴱⵔⵉⵔ 2024 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵢⴰⴷ ⵉⵎⴰⵏ ⴷ ⴱⴰⴱ ⵏ ⵜⵓⵜⵜⴰⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵡⵓⵜⵜⵓⵢ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵢⵏⴰⵙ  ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵖ ⴹⴹⴰⵕⵍⴱⵉⴹⴰ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴳ ⵓⵙⴳⴳⵯⴰⵙ 1445 ⴰⵀⵉⵊⵔⵉ.

ⵢⵉⵏⵉ ⵜⴰⵎⵙⵙⵉⵔⴷⵜ ⴰⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵎⴰⵙⵙ ⵄⵓⵜⵎⴰⵏ ⴽⴰⵏ , ⴰⵙⵍⵎⴰⴷ ⵏ ⵓⵙⵡⵉⵏⴳⵎ ⴰⵎⵓⵙⵍⵉⵎ ⴳ ⵜⵙⴷⴰⵡⵉⵜ ⵏ ⵀⴰⴼⴰⵔⴷ ⴳ ⵎⵉⵔⵉⴽⴰⵏ ⵉⵙⴰⵡⵍ ⵅⴼ ⴰⵙⴼⵙⵉ ⵏ ⵓⵙⴳⵓⵎ " ⵉⵎⵢⴰⵙⵙⴰⵏ ⵉⴷⵍⵙⴰⵏⵏ ⴷ ⵉⵙⵡⵉⵏⴳⵎⵏ ⵏⴳⵔ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⵜⵏⵣⵔⵓⴼⵜ ⴷ ⵍⵎⵖⵔⵉⴱ ⴰⵎⵇⵇⵔⴰⵏ ".

ⴳ ⵍⴱⴷⵓ ⵏ ⵜⵉⵎⵙⵙⵉⵔⵜ ⴰⴷ ; ⵉⵙⴷⴷⵉⴷ ⵓⵙⵍⵎⴰⴷ ⵎⴰⵙ ⵉⵎⵙⴰⵙⴰ ⵓⵙⵏⵜⵍ ⴷ ⵡⴰⵡⴰⵍ ⵏ ⵙⵉⴷⵉ ⵕⴱⴱⵉ ⴳ ⵙⵓⵔⴰⵜ ⵍⵃⵓⵊⵓⵔⴰⵜ ⵍⵍⵉ ⵉⵏⵏⴰ ⵎⴰⵙ ⵉⵅⵍⵇ ⵕⴱⴱⵉ ⵉⴼⴳⴰⵏⵏ ⴰⵔⴳⴰⵣ ⴷ ⵜⵎⵟⵟⵓⵟ ⴷ ⵉⴳⴷⵓⴷⵏ ⴷ ⵜⵉⴰⴱⵉⵍⵉⵏ ⴰⴼⴰⴷ ⴰⴷ ⵉⵙⵙⴰⵏ ⵉⵏⴳⵔⴰⵜⵙⵏ ⵢⵉⵍⵉ ⵡⴰⴷⴷⵓⵔ ⴱⴰⵀⵔⴰ ⵙ ⵜⴰⵇⵡⴰ.

ⵉⵔⵏⵓ ⵉⵏⵏⴰ ⵎⴰⵙ ⵍⵍⴰⵏⵜ ⴳ ⵍⴰⵢⴰⵜ ⴰⴷ ⵚⴹⵉⵙⵜ ⵍⵍⵉ ⵉⵣⴷⵉⵏ ⴷ ⵉⴼⴳⴰⵏⵏ ⴰⴽⴽⵯ ⴷ ⵍⴰⵚⵍ ⴳ ⵍⵃⴰⵇⵉⵇⴰ ⵏ ⵓⴼⴳⴰⵏ ⵎⴰⵙ ⵓⵔ ⵉⵜⵜⵓⴳⴰ ⵙ ⵚⵓⴷⴼⴰ ⵎⴰⵛⴰ ⵉⴳⴰ ⵍⵎⵅⵍⵓⵇ ⵏ ⵕⴱⴱⵉ .ⴳⵏ ⵉⴼⴳⴰⵏ ⵢⴰⵏ ⴳⵔ ⴰⵔⴳⴰⵣ ⴷ ⵜⵎⵟⵟⵓⵟ ⵓⵔ ⵎⵙⴰⵙⴰⵏ ⵉⴼⴳⴰⵏⵏ ⴳ ⵍⴰⵃⵊⴰⵎ ⴷ ⵉⵎⵢⴰⵙⵙⴰⵏ ⵜⴳ ⵍⵃⵉⴽⵎⴰ ⵏ ⵕⴱⴱⵉ ⴰⴷ ⵎⵓⵏ ⴰⴽⴽⵯ ⵉⴼⴳⴰⵏⴰⵏ ⴳ ⵓⵎⴰⴹⴰⵍ ⴳⵏ ⵢⴰⵏ ⵡⴰⵎⵓⵏ ⴰⵏⴼⴳⴰⵏ ⵉⴱⵏⴰ ⵅⴼ ⵜⵓⵙⵏⴰ ⴷ ⵓⵎⵙⴰⵙⴰ ⴳ ⵙⵍⴰⵎⵜ ⴷ ⵎⵢⵣⵏ ⵉⴼⴳⴰⵏ ⵙ ⵢⴰⵜ ⵜⵖⴰⵡⵙⴰ ⵉⴳⴰⵏ ⵍⴰⵅⵍⴰⵇ ⴷ ⵜⴰⵇⵡⴰ.

ⵉⵙⴷⴷⵉⴷ ⵓⵙⵍⴰⵎⴷ ⵎⴰⵙ ⵉⴳⴰ ⵙⵙⵉⵔ ⵏ ⵜⵓⵙⴽⴰ ⵏ ⵜⴰⵎⵙⵙⵉⵔⵜ ⴰⴷ ⵅⴼ ⵍⴰⵢⴰⵜ ⴰⴷ ⴰⵙⵙⵎⵏⵉⴷ ⴳⵔ ⴰⴷⴷⵓⵔ ⵏ ⵍⵎⵖⵔⵉⴱ ⴰⵎⵣⵔⵓⵢⴰⵏ ⴷ ⵖⵉⵍⴰⴷ ⴳ ⴰⵙⵙⴰⵙ ⵏ ⵉⵎⵢⴰⵙⵙⴰⵏ ⵉⴷⵍⵙⴰⵏⵏ ⴷ ⵓⴳⵏⵙ ⵏ ⵉⴼⵔⵉⵇⵢⴰ ⴷ ⵜⴰⵏⵏⴰⵢⵉⵏ ⵏ ⵜⵉⵎⵣⴰⵔ ⵏ ⵜⴰⴳⵓⵜ ⴰⴼⴰⴷ ⴰⴷ ⴱⴹⵓⵏ ⵉⵎⴰⴹⴰⵍⵏ ⴰⴷⵙⵉⵏ ⴰⵎⴰⴹⵍ ⵏ ⵍⵎⵖⵔⵉⴱ ⴰⵎⵇⵔⴰⵏ  ⴷ ⵓⵎⴰⴹⴰⵍ ⵉⴼⴼⵓⵙ ⵏ ⵚⵚⵃⵔⴰ  .

ⵉⵙⴰⵍⵡ ⵓⵍⴰ ⵅⴼ ⵜⵉⵎⵓⴽⵔⵉⵙⵉⵏ ⵉⵍⵍⴰⵏ ⴳ ⵜⵉⵖⵔⵉ ⵏ ⵉⵎⴰⵙⵙⴰⵏⵏ ⵏ ⵍⵉⵙⵎⵍⴰⵎ ⴳ ⵜⵉⵙⴷⴰⵡⵉⵏ ⵏ ⵜⵉⵎⵉⵣⴰⵔ ⵏ ⵜⴰⴳⵓⵜ ⵙ ⵙⴰⴱⴰⴱ ⵏ ⵓⴱⴹⴰⵢ ⴰⴽⴰⴷⵉⵎⵉⵢ ⵍⵍⵉ ⴳⵉⵙ ⵉⵍⵍⴰⵏ ⵙⵍⴰⵡⴰⵏ ⴰⴽⴽⵯ ⴳ ⵜⴰⵙⴳⴰ ⵏ ⵉⴼⵔⵉⵇⵢⴰ ⵉⴼⴼⵓⵙ ⵏ ⵚⵚⵃⵔⴰ ⵜⴰⵎⵇⵔⴰⵏⵜ.

ⵉⵔⵓⵔ ⴰⵙⵍⵎⴰⴷ ⴰⴱⴹⴰⵢ ⴰⵏⵎⵏⴰⴹ ⵉ ⵜⴰⵏⵏⴰⵢⵉⵏ ⵜⵉⵄⵓⵏⵚⵓⵔⵉⵢⵉⵏ ⵏ ⵉⴳⴳⴰⴳⵏ ⵏ ⵓⵕⵓⴱⴱⴰ ⴳ ⵓⵣⵎⵣ ⵏ ⵜⵉⴼⴰⵡⵉⵏ ; ⵉⵣⵎⵎⴻⵎ ⵉⵏⵏⴰ ⵎⴰⵙ ⵉⴳⴰ ⵓⴱⴹⴰⵢ ⴰⴷ ) ⵉⵥⵍⵎⴹ ⵏ ⵉⴼⵔⵉⵇⵢⴰ ⵎⵏⵉⴷ ⵉⴼⴼⵓⵙ ⵏⵏⵙ (  ⵉⴱⴰⵏ ⵅⴼ ⵎⵏⵏⴰⵡⵜ ⵏ ⵜⵉⵙⵡⵉⵏⴳⵎⵉⵏ ⵍⵍⵉ ⵉⵜⵜⵓⵏ ⵍⵃⴰⵇⵉⵇⴰ ⵜⴰⵎⵣⵔⵓⵢⴰⵏⵜ ⵍⵍⵉ ⵉⵎⵎⴰⵍⵏ ⴰⵙⴷⵓⴰⵙ ⵏ ⵍⵄⴰⵇⵉⴷⴰ ⵍⵉⵙⵍⴰⵎⵉⵢⴰ ⴷ ⵜⵓⵜⵍⴰⵓⵜ ⵏ ⵜⴰⵄⵔⴰⴱⵜ ⴷ ⵍⵎⴰⴷⵀⴰⴱ ⵎⵍⵉⴽⵉ ⵅⴼ  ⴰⵥⵟⵟⴰ ⵏ ⵉⵎⵢⴰⵙⵙⴰⵏ ⴳⵔ ⵉⵎⵣⴷⴰⵖⵏ  ⵏ ⵍⵎⵖⵔⵉⴱ ⴰⵎⵇⵔⴰⵏ ⴷ ⵚⵃⵕⴰ ⴰⵎⵇⵔⴰⵏⵜ ⴷ ⵉⴼⵔⵉⵇⵢⴰ ⵏ ⵜⴰⴳⵓⵜ ; ⵉⵔⵏⵓ ⵉⵏⵏⴰ ⵎⴰⵙ ⵃⴹⴰⵏ ⵉⴳⴷⵉⴷⵏ ⴰⴷ ⵅⴼ ⵉⵎⵢⴰⵙⵙⴰⵏ ⵉⴷⵓⵙⵏ ⴳ ⵎⵏⵏⴰⵡⵜ ⵏ ⵜⴰⵙⵓⵜⵉⵏ ⴹⴼⵕⵏ ⴰⵡⴰⵍ ⵏ ⵕⴱⴱⵉ.

ⵉⵙⴽⵜⵉⴷ ⵓⵙⵍⵎⴰⴷ ⴳ ⵜⴰⵎⵙⵙⵉⵔⴷⵜ ⴰⴷ ⵎⴰⵙ ⵉⵍⵍⴰ ⴷⴰⵔ ⵓⵢⴷⴰ ⵏ ⵍⵉⵙⵜⵉⵄⵎⴰⵔ ⵏ ⵜⵉⵎⵉⵣⴰⵔ ⵏ ⵜⴰⴳⵓⵜ ⵜⴰⵜⵉⵔ ⴰⵅⴰⵜⴰⵔ ⵅⴼ ⵉⵙⵍⵎⴰⴷⵏ ⵉⵖⵔⴰⵏ ⴷ ⵜⵉⵙⵡⵉⵏⴳⵎⵉⵏ ⴳ ⵉⴳⵔⵉⵇⵢⴰ ⵙ ⵖⵎⴽⴰⴷ ⵓⵔ ⵙⵃⵉⵏⵜ ⵜⴰⵏⵏⴰⵢⵉⵏ ⵅⴼ ⴰⵎⵣⵔⵓⵢ ⴰⴷⵍⵙⴰⵏ ⵏ ⵉⴼⵔⵉⵇⵢⴰ ⵎⴰⵢⴰ ⵓⵔ ⵉⵍⵍⴰⴳ ⵜⵉⵎⵔⵙⵍⵉⵏ ⵜⵉⴽⴰⴷⵉⵎⵉⵢⵉⵏ ⵏ ⵜⴰⴳⵓⵜ  ⵎⴰⵛⴰ ⵉⵍⵍⴰ ⵓⵍⴰ ⴷⴰⵔ ⵜⵓⴳⵜ ⵏ ⵉⵙⵍⵎⴰⴷⵏ ⵍⵍⵉ ⵉⵖⵔⴰⵏ ⴳ ⵜⵉⵏⵎⴰⵍⵉⵏ ⵍⵍⵉⵖ ⵍⵍⴰⵏ ⵉⴳⵔⴰⵡⵏ ⵏ ⵜⴰⴳⵓⵜ ⴳ ⵉⴳⵔⵉⵇⵢⴰ ⵙⵍⴰⵡⴰⵏ ⴰⴽⴽⵯ ⴳ ⵉⴼⴼⵓⵙ ⵏ ⵚⵚⵃⵕⴰ ⵜⴰⵎⵇⵔⴰⵏⵜ ⵍⵍⵖ ⴰⵔ ⵜⵉⵏⵉⵏ ⵎⴰⵙ ⵉⴱⴷⴰ ⵓⵙⵢⴰⴼⵓ ⵏ ⵜⵓⵙⵏⴰ ⴷ ⵍⵉⵙⵜⵉⵄⵎⴰⵔ ⵏ ⵓⵕⵓⴱⴱⴰ.

 

Dernière modification : 04 ⵉⴱⵔⵉⵔ 2024
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99%C2%A0-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F