ⵍⵇⵓⴷⵙ: ⵜⴽⵎⵍ ⵜⵡⵓⵔⵉ ⵜⴰⵏⴼⴳⴰⵏⵜ ⵜⴰⵎⵇⵔⴰⵏⵜ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⵛⴰⵔⵉⴼ ⴳ ⵜⵉⴳⵉⵔⴰ ⵏ ⵡⴰⵢⵢⵓⵔ ⵏ ⵕⵎⴹⴰⵏ

09 ⵉⴱⵔⵉⵔ 2024 Version Imprimable

ⵍⵇⵓⴷⵙ - ⵜⴽⵎⵍ ⵢⵉⴹ ⵏ ⵉⴳⴷⴰⵎ ⴳ ⵍⵇⵓⴷⵙ ⵜⵡⵓⵔⵉ ⵜⴰⵏⴼⴳⴰⵏⵜ ⵜⴰⵎⵇⵔⴰⵏⵜ ⵍⵍⵉ ⵜⵕⵥⵎ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⵛⴰⵔⵉⴼ ⵙ ⵉⵡⴰⵍⵉⵡⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵏ ⵜⴰⴳⵔⴰⵡⵜ ⵏ ⵍⵇⵓⴷⵙ ⵍⵍⵉ ⵉⵎⵙⴰⵙⴰⵏ ⴷ ⵡⴰⵢⵢⵓⵔ ⵏ ⵕⵎⴹⴰⵏ 1445 ⵀⵉⵊⵔⵉⵢⴰ.

ⵜⴼⴽⴰ ⵜⵙⵏⵓⵔⴰⵢⵜ ⵜⴰⵢⴰⴼⵓⵜ ⵏ ⵜⴰⵡⵓⵔⵉ ⵢⴰⴷ ⴳ ⵢⴰⵜ ⵜⴰⴼⵓⴳⵍⴰ ⵏ ⵍⴼⴹⵓⵕ ⵍⵍⵉ ⵉⵣⵔⵉⵏ ⵙ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⵎⴰⵔⵉⵜⵏ ⵏ ⵍⴰⴷⵢⴰⵏ ⵏ ⵍⵉⵙⵍⴰⵎ ⴷ ⵉⵔⵓⵎⵉⵢⵏ ⵍⵍⵉ ⵎⵉ ⵉⵣⵡⴰⵔ ⵍⵎⵓⴼⵜⵉ ⵏ ⵍⵇⵓⴷⵙ ⴷ ⴼⴰⵍⴰⵙⵟⵉⵏ ⴷ ⵓⵏⵎⵀⴰⵍ ⵏ ⵍⴰⵃⴱⴰⵙ ⴷ ⵜⵉⵖⴰⵡⵙⵉⵙⵉⵏ ⵏ ⵜⵉⵎⵣⴳⵉⴷⴰ ⵍⴰⵇⵚⴰ ⴷ ⵉⵏⵎⵖⵓⵔⵏ ⵢⴰⴹⵏ.

ⵜⵜⵢⴰⵡⴱⴹⴰⵏⵜ ⴳ ⵜⴰⵡⵓⵔⵉ ⵢⴰⴷ ⵓⴳⴳⴰⵔ ⵏ 2200 ⵏ ⵜⵙⵙⵍⵜ ⵏ ⵜⵉⵔ,ⵜ ⴳ 3 ⵏ ⵉⵙⴳⵏⴰⴳ ⴳ ⵍⵇⵓⴷⵙ ⵅⴼ 3000 ⵏ ⵜⵉⵡⵊⵉⵡⵉⵏ ⵏ ⵍⵇⵓⴷⵙ.

ⵜⴱⴹⴰ ⵜⵙⵏⵓⵔⴰⵢⵜ ⵓⵍⴰ ⵓⴳⴳⴰⵔ ⵏ 30000 ⵏ ⵜⵉⵔⵎⵜ ⵙ 1000 ⵏ ⵜⵉⵔⵎⵜ ⴽⵓⵍ ⴰⵙⵙ ⴳ ⵡⴰⵢⵢⵔ ⴰⴷ ⴰⵎⴱⴰⵔⴽⵉ ⵙⵍⴰⵡⴰⵏ ⴰⴽⴽⵯ ⵉⵏⵔⵣⴰⴼ ⵏ ⵜⵉⵎⵣⴳⵉⴷⴰⵏ ⵏⵍⴰⵇⵚⴰ ⴷ ⵜⵉⵖⵔⵎⵜ ⵜⴰⵇⴱⵓⵔⵜ.

ⵜⵙⴽⵔ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⵛⴰⵔⵉⴼ ⵜⵓⴳⴳⴰⵙ ⵏ ⵍⵓⵊⵉⵙⵜⵉⴽ ⵉⵖⵓⴷⴰⵏ ⴰⴼⴰⴷ ⴰⴷ ⵜⵎⵓⵔⵙ ⵜⵡⵓⵔⵉ ⵢⴰⴷ ⵍⵍⵉ ⵉⴼⴽⴰⵏ 100 ⵏ ⵜⵡⵓⵔⵉ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⵜⴽⵎⴽ ⵜⴰⵡⵓⵔⵉ ⵢⴰⴷ ⵜⵏⴼⴳⴰⵏⵜ ⵙ ⵜⵉⴽⴽⵉ ⵏ 200 ⵏ ⵜⵉⵡⵔⵉⵇⵉⵏ ⵏ ⴰⵙⵙⴰⵖ ⵏ ⵉⵀⴷⵓⵎⵏ ⵏ ⵍⵄⵉⴷ ⵜⵜⵓⴼⴰⵏ ⵉ ⵉⴳⵉⴳⵉⵍⵏ ⵍⵍⵉⵙ ⵜⵜⵓⵙⵎⴳⴰⵍ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⵛⴰⵔⵉⴼ ⵎⴰⵢⴰⴷ ⵢⵓⵊⵊⴰ ⵉⵎⵥⵢⴰⵏⵏⴷ ⵜⵉⵡⵊⵉⵡⵉⵏ ⵏⵏⵙⵏ ⴼⵔⵃⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8F/%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%9C%E2%B4%BD%E2%B5%8E%E2%B5%8D-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%9C%E2%B4%B0%E2%B5%8F%E2%B4%BC%E2%B4%B3%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%99%E2%B5%8F%E2%B5%93%E2%B5%94%E2%B4%B0%E2%B5%A2%E2%B5%9C-%E2%B5%8F-%E2%B5%9C%E2%B5%89%E2%B4%B3%E2%B5%8E%E2%B5%8E%E2%B5%89-%E2%B5%8F-%E2%B5%89%E2%B4%B7%E2%B5%94%E2%B5%89%E2%B5%8E%E2%B5%8F-%E2%B5%8F-%E2%B5%8D%E2%B5%87%E2%B5%93%E2%B4%B7%E2%B5%99-%E2%B5%9B%E2%B5%9B%E2%B4%B0%E2%B5%94%E2%B5%89%E2%B4%BC-%E2%B4%B3