ⵉⴼⵖⴷ ⵢⴰⵏ ⵓⴽⴰⴱⴰⵔ ⴰⵎⴰⵢⵏⵓ ⵏ ⵉⴼⴳⴰⵏⵏ ⵉⵎⵖⵔⵉⴱⵉⵢⵏ ⴷ ⵜⴰⵡⵊⵉⵡⵉⵏ ⵏⵏⵙⵏ ⵙⴳ ⵜⴰⵙⴳⴰ ⵏ ⵖⵣⵣⴰ

12 ⵉⴱⵔⵉⵔ 2024 Version Imprimable

ⵍⵇⴰⵀⵉⵕⴰ - ⵜⵣⵔⵉ ⴰⵙⵙ ⵏ ⵓⵙⵉⵏⴰⵙ ⵉⴳⵔⴰⵏ ⵢⴰⵜ ⵜⵡⵓⵔⵉ ⵏ ⵓⴼⵓⵖ ⵏ ⵢⴰⵏ ⵓⴽⴰⴱⴰⵔ ⴰⵎⴰⵢⵏⵓ ⵏ 86 ⵏ ⵉⴼⴳⴰⵏⵏ ⵉⵎⵖⵔⵉⴱⵉⵢⵏ ⴷ ⵜⴰⵡⵊⵉⵡⵉⵏ ⵏⵏⵙⵏ ⵙⴳ ⵜⴰⵙⴳⴰ ⵏ ⵖⵣⵣⴰ ⵙⴳ ⴰⴱⵔⵉⴷ ⵏ ⵡⴰⴽⴰⵍ ⵕⴰⴼⴰⵃ ⵏ ⵉⵡⵜⵜⴰ ⴷ ⵎⴰⵚⵕ.

ⵜⵣⵔⵉ ⵜⵡⵓⵔⵉ ⵢⴰⴷ ⵙ ⵓⵎⵙⴰⵙⴰ ⴷ ⴰⴱⴷⴷⴰⴷⵜ ⵏ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵎⴰⵚⵕ ⵎⴰⵙⵙ ⵍⵓⵃⵎⵎⴷ ⴰⵢⵜ ⵡⴰⵄⵍⵉ ⴷ ⵓⵎⵙⴰⵙⴰ ⵏ ⵜⵉⵏⴱⴰⴹⵉⵏ ⵜⵉⵏⴰⴼⵔⵓⵜⵉⵏ ⵜⵉⵎⵉⵚⵕⵉⵢⵉⵏ ⵉⵥⵍⵉⵏ.

ⵜⵓⵛⴽⴰⴷ ⵜⵡⵓⵔⵉ ⵢⴰⴷ ⵜⴰⵢⴰⴼⵓⵜ ⵏ ⴰⴷⴷⴰⴷⵏ ⵍⵍⵉ ⵉⵍⵍⴰⵏ ⴳ ⵜⴰⵙⴳⴰ ⵏ ⵖⵣⵣⴰ ⵙⴳ ⴰⵙⵙ ⵡⴰⵉⵙⵙ ⵙⴰ ⵏ ⵡⴰⵢⵢⵓⵔ ⵏ ⵓⴽⵟⵓⴱⵕ ⵍⵍⵉ ⵉⵣⵔⵉⵏ ⴷⴼⵉⵔ ⵏ ⵜⵓⴽⵢⴰ ⵏ ⵉⵙⵔⴰⵢⵉⵍ.

ⵙⵏⵉⵎⵎⵔⵏ ⵎⵏⵏⴰⵡ ⵉⴼⴳⴰⵏⵏ ⵉⵎⵖⵔⵉⴱⵉⵢⵏ ⵍⵍⵉ ⵉⵍⵍⴰⵏ ⴳ ⵜⴰⵡⴰⵔⵉ ⵢⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵜⵉⵢⴰⴼⵓⵜⵉⵏ ⵜⵉⵎⵖⵔⵉⴱⵉⵓⵏ ⵍⵍⵉ ⵉⴹⴼⵕⵏ ⴰⴼⴰⴷ ⴰⵎⵓⵔⵙ ⵏ ⵜⵡⵓⵔⵉ ⵢⴰⴷ.

ⴽⴽⴰⵏⵜⵏⵜ ⵜⵉⵎⵙⵇⴰⴷⵉⵏ ⵏ ⵍⵎⵖⵔⵉⴱ ⴳ ⵎⴰⵚⵕ ⴷ ⴼⴰⵍⴰⵙⵟⵉⵏ ⵎⵙⴰⵙⴰⵏⵜ ⵎⵏⵏⴰⵡⵜ ⵏ ⵜⵡⵓⵔⵉⵡⵉⵏ ⵏ ⵓⴼⵓⵖ ⵙⴳ ⵜⵓⴽⵢⴰ ⵏ ⵉⵙⵔⴰⵢⵉⵍ ⴳ ⵜⴰⵙⴳⴰ ⵏ ⵖⵣⵣⴰ ⵍⵍⵉⵖ ⴷ ⴼⵖⵏ 375 ⵏ ⵉⴼⴳⴰⵏⵏ ⵉⵎⵖⵔⵉⴱⵉⵢⵏ ⴷ ⵜⴰⵡⵊⵉⵡⵉⵏ ⵏⵏⵙⵏ ⵙⴳ ⵜⴰⵙⴳⴰ ⵏ ⵖⵣⵣⴰ ⵙⴳ ⴰⴱⵔⵉⴷ ⵏ ⵡⴰⴽⴰⵍ ⵕⴰⴼⴰⵃ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B4%BC%E2%B5%96%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B4%BD%E2%B4%B0%E2%B4%B1%E2%B4%B0%E2%B5%94-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%89%E2%B4%BC%E2%B4%B3%E2%B4%B0%E2%B5%8F%E2%B5%8F-%E2%B5%89%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%8F-%E2%B4%B7-%E2%B5%9C%E2%B4%B0%E2%B5%A1%E2%B5%8A%E2%B5%89%E2%B5%A1%E2%B5%89%E2%B5%8F-%E2%B5%8F%E2%B5%8F%E2%B5%99%E2%B5%8F-%E2%B5%99%E2%B4%B3-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%96%E2%B5%A3%E2%B5%A3%E2%B4%B0