ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ /ⵍⵎⵖⵔⵉⴱ 2024/ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ: ⵉⵏⵏⵔⴰ ⵍⵎⵖⵔⵄⴱ ⴰⵏⴳⵓⵍⴰ (5-2)

12 ⵉⴱⵔⵉⵔ 2024 Version Imprimable

ⵕⵕⴱⴰⵟ - ⵜⵏⵏⵔⴰ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵜⵉⵏ ⴰⵏⴳⵓⵍⴰ ⵙ 5-2) ) ⴳ ⵜⴰⴱⵔⵣⴰ ⵍⵍⵉⵜⵏ ⵉⵙⵎⵓⵏⵏ ⴰⵙⵙ ⵏ ⵓⴽⵡⴰⵙ ⴳ ⵓⵙⴰⵢⵙ ⵏ ⵡⴰⵎⵎⴰⵙ ⵏ ⵜⵓⵏⵏⵓⵏⵜ ⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ ⴳ ⵓⵙⴰⵜⵉ ⵏ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵏ ⵜⵉⵔⵓⴱⴱⴰ ⵏ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ ⵍⵍⵉ ⵉⵙⵏⵓⴱⴳ ⵍⵎⵖⵔⵉⴱ ⴰⵔ 21 ⵉⴱⵔⵉⵔ ⵉⵣⵉⴳⵉⵣⵏ.

ⵉⵙⵙⴰ ⵜⵉⵎⵙⵙⵉⵡⵉⵜⵉⵏ ⵏ ⵍⵎⵖⵔⵉⴱ ⴷⵔⵉⵙ ⵍⴼⵏⵏⵉ ⴷ ⵙⵓⴼⵢⴰⵏ ⵛⵛⵄⵔⴰⵡⵉ (ⵀⴰⵜⵔⵉⴽ) ⴷ ⴰⵏⴰⵙ ⵍⵄⵢⵢⴰⵏ.

ⴳ ⵜⴰⵙⴳⴰⵏ ⵏⵏⵙ ⵉⵙⵙⵓ ⵜⵉⵎⵙⵙⵉⵡⵉⵜⵉⵏ ⵏ ⴰⵏⴳⵓⵍⴰ ⵀⵉⵍⴱⵉⵔ ⴳⴰⵔⵙⵢⴰ ⴷ ⴰⵏⴷⴻⵔⵙⵓⵏ ⴼⵓⵔⵜⵙ.

ⵜⵣⵔⵉ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⴰⴱⵔⵣⴰ ⵢⴰⴷ ⵙ ⵜⵉⵍⵉ ⵏ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴱⴰⵜⵔⵉⵙ ⵎⵓⵜⵙⵉⴱⵉ ⴷ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⴽⵓⵔⵜ ⵏ ⵓⴹⴰⵕ ⴼⴰⵡⵣⵉ ⵍⵇⵊⴰⵄ ⴷ ⵓⵎⴰⵡⵙⴰⵙ ⵏ ⵛⴰⵎⵉⴱ ⴱⵏⵎⵓⵙⴰ.

ⵢⵓⵛⴽⴰ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵜ ⴳ ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵜⴰⵎⴰ ⵏ ⴰⵏⴳⵓⵍⴰ ⴷ ⵖⴰⵏⴰ ⴷ ⵣⴰⵎⴱⵢⴰ ⵖⵎⴽⵍⵍⵉ ⵉⵍⵍⴰ ⴳ ⵜⴰⵔⴱⴱⵓⵜ ⵜⵉⵙⵙ ⵙⵏⴰⵜ ⵎⴰⵚⵕ ⴷ ⵍⵉⴱⵢⴰ ⴷ ⵏⴰⵎⵉⴱⵢⴰ ⴷ ⵎⵓⵔⵉⵜⴰⵏⵢⴰ.

ⵜⵉⵔⴰⴱⴱⵓⵜⵉⵏ ⵍⵍⵉ ⵔⴰⴷ ⵉⵍⵎⵍ ⵜⵉⴳⵉⵔⴰ ⵔⴰⴷ ⴷⵔⵓⵏⵜ ⴳ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴰⴷⴰⵍⴰ ⵍⵍⵉ ⵉⵙⵏⵓⴱⴳ ⵓⵣⴱⵉⴽⵉⵙⵜⴰⵏ ⵙⴳ 14 ⵛⵓⵜⴰⵏⴱⵉⵔ ⴰⵔ 6 ⴽⵜⵓⴱⵔ ⴰⴷ ⵢⵓⵛⴽⴰⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B0%E2%B4%B3%E2%B4%B3%E2%B5%AF%E2%B5%8F%E2%B5%99-%E2%B5%8F-%E2%B5%9C%E2%B4%B0%E2%B4%B7%E2%B4%B0%E2%B5%8D%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-2024%E2%B5%9C%E2%B4%B0%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C