ⵜⴰⴽⵓⵙⵜ ⵏ ⵜⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴷⴰⵍⴰ "ⵍⵎⵖⵔⵉⴱ 2024": ⵉⵖⵍⵉ ⵍⵎⵖⵔⵉⴱ ⵙ ⵜⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⴷ ⵙ ⵓⴽⴰⵙ ⵏ ⵓⵎⴰⴹⴰⵍ ⴷⴼⴼⵉⵔ ⵍⵍⵉⵖ ⵉⵏⵏⵔⴰ ⵍⵉⴱⵢⴰ (6-0)

20 ⵉⴱⵔⵉⵔ 2024 Version Imprimable

ⵕⵕⴱⴰⵟ - ⵜⵣⵔⵉ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵙ ⵜⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴽⵓⵙⵜ ⵏ ⵜⵎⵜⵜⴰ ⵏ ⵉⴼⵔⵉⵇⵢⴰ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴷⴰⵍⴰ "ⵍⵎⵖⵔⵉⴱ 2024", ⵓⵍⴰ ⵙ ⵓⴽⴰⵙ ⵏ ⵓⵎⴰⴹⴰⵍ, ⴷⴼⴼⵉⵔ ⵍⵍⵉⵖ ⵜⵏⵏⵔⴰ ⵜⵔⴰⴱⴱⵓⵜ ⵏ ⵍⵉⴱⵢⴰ ⴰⵙⵙ ⵏ ⵓⵙⵉⵎⵡⴰⵙ ⵙ 6-0, ⴳ ⵜⴱⵔⵣⴰ ⵍⵍⵉ ⵜⵏ ⵉⵙⵎⴰⵏⵏ ⴳ ⵡⴰⵎⵎⴰⵙ ⵏ ⵜⵓⵏⵏⵓⵏⵜ ⵏ ⵎⵓⵍⴰⵢ ⵄⴱⴷⵍⵍⴰⵀ ⴳ ⵕⵕⴱⴰⵟ.

ⵙⵙⴰⵏ ⵜⵉⵎⵙⵙⵉⵡⵉⵜⵉⵏ ⵏ ⵍⵎⵖⵔⵉⴱ ⵙⵓⴼⵢⴰⵏ ⵍⵎⵙⵔⴰⵔ (ⵜⵓⵙⴷⵉⴷⵜ ⵜⵉⵙⵙ 3 ⴷ 22), ⴷ ⵢⵓⵙⴼ ⵊⴰⵡⴰⴷ (6), ⴷ ⴱⵉⵍⴰⵍ ⵍⴱⵇⵇⴰⵍⵉ (12 ⴷ 29) ⴷ ⴰⵏⴰⵙ ⵍⵄⵢⵢⴰⵏ (17).

ⵔⴰⴷ ⵜⵎⵉⴳⴳⵉⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵜⵎⵢⵓⴳⴰⵔⵜ ⵉⴳⴳⵯⵔⴰⵏ, ⴰⵙⵙ ⵏ ⵓⵙⴰⵎⴰⵙ ⴰⴷ ⵢⵓⵛⴽⴰⵏ, ⴷ ⵜⵔⴰⴱⴱⵓⵜ ⵏ ⴰⵏⴳⵓⵍⴰ, ⵍⵍⵉ ⵢⵏⵏⵔⴰⵏ ⴳ ⵓⵣⴳⵏ ⵏ ⵜⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵢⴰⴹⵏⵉⵏ ⵎⵉⵚⵕⴰ ⵙ (7-3).

ⴼ ⵖⵉⴽⴰⵏⵏ, ⵜⵖⵍⵉ ⵜⵔⴰⴱⴱⵓⵜ ⵜⴰⵎⵖⵔⴰⴱⵉⵜ ⵙ ⵓⴽⴰⵙ ⵏ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵕ ⴰⴳⴳⵯⵏⵙ ⵏ ⵜⴷⴰⵍⴰ ⵍⵍⵉ ⵔⴰⴷ ⵢⵉⵍⵉ ⴳⵔ 14 ⵛⵓⵜⴰⵏⴱⵉⵔ ⴷ 6 ⴽⵜⵓⴱⵕ ⴰⴷ ⵢⵓⵛⴽⴰⵏ ⴳ ⵓⵣⴱⴰⴽⵉⵙⵜⴰⵏ.

ⵉⴽⴽⴰⵜⵜⵉⵏ ⵍⵎⵖⵔⵉⴱ ⵢⵉⵡⵉ ⵙⵏⴰⵜ ⵉⴽⵓⵙⵏ ⵏ ⵉⴼⵔⵉⵇⵢⴰ ⴷ ⵉⵙⵏⵓⴱⴳ ⵜⴰⵙⵙⵓⵜⵍⵜ ⵉⵣⵔⵉⵏ ⴳ ⵓⵙⴳⴳⵯⴰⵙ 2020 ⴳ ⵍⵄⵢⵓⵏ.

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B5%8F-%E2%B5%9C%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B4%B0%E2%B4%B3%E2%B4%B3%E2%B5%AF%E2%B5%8F%E2%B5%99-%E2%B5%8F-%E2%B5%9C%E2%B4%B7%E2%B4%B0%E2%B5%8D%E2%B4%B0-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-2024-%E2%B5%89%E2%B5%96%E2%B5%8D%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%99