Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵡⴰⴼⴰ ⵡⵉⵙⵙ 33 ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵡⴰⵄⵔⴰⴱⵏ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵉⵏⴰⵡ ⵉ ⵡⴰⴼⴰ ⵡⵉⵙⵙ 33 ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵡⴰⵄⵔⴰⴱⵏ

16 ⵎⴰⵢⵢⵓ 2024 Version Imprimable
ⵍⵎⴰⵏⴰⵎⴰ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵏ ⵉⵏⴰⵡ ⵉ ⵡⴰⴼⴰ ⵡⵉⵙⵙ 33 ⵏ ⵜⵙⴷⵉⵡⵜ ⵏ ⵉⵡⴰⵏⴽⵏ ⵡⴰⵄⵔⴰⴱⵏ ⵏⵏ ⴰⵉⵕⵥⵎ ⵜⵡⵓⵔⵉⵡⵉⵏ ⵏⵏⵏⵙ ⵡⴰⵙⵙ ⵏ ⵓⴽⵡⴰⵙ ⴳ ⵜⴳⵍⴷⵉⵜ ⵏ ⵍⴱⴰⵃⵔⴰⵢⵏ.

ⵉⵖⵔⴰ ⵉⵏⴰⵡ ⴰⴷ ⴰⴳⵍⴷⴰⵏ ⴰⴷ  ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵏⵓⵛ 

ⵉⵙⵏⵉⵎⵎⵔ ⴱⴰⵀⵔⴰ ⴱⴰⴱ ⵏ ⵡⴰⴷⴷⵓⵔ ⴳⵎⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ ⵅⴼ ⵜⴰⵖⵓⵔⵉ ⵏⵏⵙ ⵉⵖⵓⴷⴰⵏ ⴰⴼⴰⴷ ⴰⴷ ⵉⵃⴰⴹⵕ ⵡⴰⴼⴰ ⴰⵄⵔⴰⴱ , ⵉⵔⵊⴰ ⵉ ⵜⵉⴳⵍⴷⵉⵜ ⵏ ⵍⴱⵃⵔⵉⵏ ⵜⴰⴳⵎⴰⵜ ⴰⵎⵓⵔⵙ ⴳ ⵜⴰⵏⵙⵙⵉⵅⴼⵜ ⵏ ⵡⴰⴼⴰ ⵡⵉⵙⵙ 33.

ⵖⵎⴽⵍⵍⵉ ⵉⵙⵏⵉⵎⵎⵔ ⴰⵟⵟⴰⵙ ⴳⵎⴰⵙ ⵅⴰⴷⵉⵎ ⵍⵃⴰⵔⴰⵎⴰⵢⵏ ⴰⴳⵍⵍⵉⴷ ⵙⴰⵍⵎⴰⵏ ⴱⵏ ⵄⴱⴷⵍⵄⴰⵣⵉⵣ ⴷ ⵓⵎⴽⴽⵓⵙⵓ ⵏⵏⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵃⵎⵎⴷ ⴱⵏ ⵙⵍⵎⴰⵏ ⵅⴼ ⵜⴰⵏⵙⵙⵉⵅⴼⵜ ⵉⵖⵓⴷⴰⵏ ⵏ ⵡⴰⴼⴰ ⴳ ⵜⴰⵙⵙⵓⵜⵍⵜ ⵉⵣⵔⵉⵏ. ⵎⴰⵢⴰⴷ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴳ ⵍⴱⴷⵓ ⵏ ⵉⵏⴰⵡ ⴰⴷ ⴰⵎⴰⵜⴰⵜⵢ .

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⴷ ⵜⵙⵏⵎⴰⵍⴰ ⵡⴰⴼⴰ ⵢⴰⴷ ⴳ ⵢⴰⵏ ⵓⵣⵎⵣ ⵉⵅⵛⵏ ⴳ ⵓⵙⵡⵓⵜ ⴰⵏⵎⵏⴰⴹ ⴷ ⴰⴳⵔⴰⵖⵍⴰⵏ ⵎⴰⵢⴰ ⴷ ⴰⵔ ⵉⵎⵎⴰⵍ ⵜⵉⵔⴰⵜ ⵉⵛⵛⴰⵔⵏ ⵎⵏⵉⴷ ⵜⵉⵖⴰⵡⵙⵉⵡⵉⵏ ⵍⵍⵉ ⴷ ⵉⵇⵇⴰⵏ ⴰⴳⴷⵓⴷ ⴰⵄⵔⴰⴱ  ⵙ ⵢⴰⵜ ⵜⵏⵏⴰⵓⵜ ⵏ ⵉⵎⴰⵍ ⵍⵍⵉ ⵉⵔⴰⵏ ⵜⴰⵏⴽⵔⴰ ⵙ ⴰⴷⴷⴰⴷⵏ ⵏ ⵖⵉⵍⴰⴷ ⴷ ⴰⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⵏ ⵜⵏⴼⵔⵓⵜ ⴷ ⵜⵉⴳⵎⵉ ⵍⵍⵉ ⵉⵍⵍⴰⵏ ⴳ ⵎⵏⵉⴷ.

ⴳ ⵉⴳⵔ ⴰⴷ, ⵉⵇⵇⴰⵏⴷ ⴳ ⵉⵣⵎⴰⵣ ⵉⵅⵛⵏ ⴰⴷ ⵍⵍⵉ ⵖ ⵜⵍⵍⴰ ⵜⵎⵓⴽⵔⵉⵙⵜ ⵏ ⴼⴰⵍⴰⵚⵟⵉⵏ ⴷⴼⴼⵉⵔ ⵏ ⵓⵙⵓⴳⵉ ⵏ ⵉⵙⵔⴰⵢⵉⵍ ⵉⵅⵛⵏ ⵅⴼ ⵜⴰⵙⴳⴰ ⵏ ⵖⵣⵣⴰ ⴰⴷ ⵜⴳ ⵜⵎⵓⴽⵔⵉⵙⵜ ⵜⴰⴼⴰⵍⵚⵟⵉⵏⵉⵜ ⵓⵍ ⵏ ⵓⵙⵔⵙ ⵏ ⵙⵙⵍⴰⵎⵜ ⵉⵄⴷⵍⵏ ⵉⴷⴰⵡⵎⵏ ⴳ ⵜⴰⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ.ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .

 ⵉⵙⵙⵎⴰⵢⵏⵓ  ⴱⴰⴱ ⵏ ⵡⴰⴷⴷⵓⵔ ⵜⵉⴽⵍⵉⵜ ⵢⴰⴹⵏ  ⴰⵏⵏⴰⵍ ⵏⵏⵙ ⵉ ⵢⴳⴷⵓⴷ ⴰⴼⴰⵍⴰⵚⵟⵉⵏⵉ ⵜⴰⴳⵎⴰⵜ ⴰⴼⴰⴷ ⴰⴷ ⵉⵔⴰⵔ ⵉⵣⵔⴼⴰⵏⵏⵏⵙ ⴷ ⵜⵓⵙⴽⴰ ⵏ ⵡⴰⵏⴽ ⵏⵏⵙ ⴷⴰⵔ ⵜⴰⵙⵉⵎⴰⵏⵜ ⴷ ⵡⴰⴽⴰⵍ ⵏⵏⵙ ⴳ ⵉⵡⵜⵜⴰ ⵏ 4 ⵢⵓⵏⵢⵓ1967 ⵜⴳ ⵍⵇⵓⴷⵙ  ⵍⵇⴱⵍⵜ ⵏ ⵉⵜⴰⵎⴰⵥⵓⵏⵜ ⵏⵏⵙ ⵙ ⵙⵉⵏ ⵉⴰⵡⴰⵏⴽⵏ  .

ⵉⵏⴽⴹ ⴱⴰⴱ ⵏ ⵡⴰⴷⴷⵓⵔ ⵜⵉⴽⵍⵉⵜ ⵢⴰⴹⵏ ⵜⴰⵎⵜⵜⴰⵏⵜ ⵏ ⵉⴳⵍⵍⵉⵏ ⵖⵎⴽⵍⵍⵉ ⵉⵙⴷⴷⵉⴷ ⵎⴰⵙ ⵓⵔ ⵉⵇⴱⵍ ⴰⴷⴷⴰⴷ ⴰⵎⴰⵢⵏⵓ ⵅⴼ ⵜⴰⵙⴳⴰ ⵏ ⵖⵣⵣⴰ ⴷ ⵓⵙⵎⵓⵜⵜⵉ ⵏ ⵉⴼⴰⵍⴰⵚⵟⵉⵏⵉⵢⵏ  ⵔⴰⴷ ⵉⵣⴰⵢⴷ ⵉ ⵜⵎⵓⴽⵔⵉⵙⵉⵏ ⴷ ⵜⵉⴽⵕⴹⵉ ⴷ ⵜⴰⵖⵡⴰⵖⵜ.ⵉⴼⵔⴰ ⵢⵉⵏⵏⴰ ⴱⴱⴰ ⵏ ⵡⴰⴷⴷⵓⵔ 

ⵉⵔⵏⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴳⴰ ⵜⴰⵙⴳⴰ ⵏ ⵖⵣⵣⴰ ⴳ ⵡⴰⴽⴰⵍ ⴰⴼⴰⵍⵚⵟⵉⵏⵉ ⴷ ⴰⵡⴰⵏⴽ ⴰⴼⴰⵍⴰⵚⵟⵉⵏⵉ ⵉⵎⵓⵏⵏ ⵉⵇⵇⴰⵏⴷ ⵓⵍⴰ ⴰⵎⵢⴰⵡⴰⵙ ⴰⵏⴼⴳⴰⵏ ⵏ ⴷⵖⵢⴰ ⵉ ⵉⴼⴰⵍⴰⵚⵟⵉⵏⵉⵏ ⴳ ⵜⴰⵙⴳⴰ ⵏ ⵖⵣⵣⴰ ⴰⴽⴽⵯ ⴷ ⵓⵃⵟⵟⵓ ⵏ ⵉⴼⴳⴰⵏⵏ .

ⵖⵎⴽⵍⵍⵉ ⵏⴳⴰ ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵔⴰⴷ ⵏⵣⴷⵉ ⴰⵎⵙⴰⵙⴰ ⵉⴷⵓⵙⵏ ⴷ ⴳⵎⴰⵜⵏⵖ ⵎⴰⵙⵙ ⵎⴰⵃⵎⵓⴷ ⵄⴱⴱⴰⵙ ⴰⵏⵙⵙⵉⵅⴼ ⵏ ⵡⴰⵏⴽ ⵏ ⴼⴰⵍⴰⵚⵟⵉⵏ ⴰⴼⴰⴷ ⵜⵓⴳⴳⴰⵙ ⴰⴷ ⵉⵖⴰⵎⴰ ⵡⴰⴷⴷⴰⴷ ⴰⵣⵔⴼⴰⵏ ⴷ ⵓⵎⵣⵔⵓⵢ ⴷ ⵜⵎⴰⴳⵉⵜ ⵏ ⵜⵉⵖⵔⵎⵜ ⵏ ⵍⵇⵓⴷⵙ. ⵎⴰⵢⴰⴷ ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ 

Dernière modification : 17 ⵎⴰⵢⵢⵓ 2024
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%A1%E2%B4%B0%E2%B4%BC%E2%B4%B0-%E2%B5%A1%E2%B5%89%E2%B5%99%E2%B5%99-33-%E2%B5%8F-%E2%B5%9C%E2%B5%99%E2%B4%B7%E2%B4%B0%E2%B5%A1%E2%B5%89%E2%B5%9C-%E2%B5%8F-%E2%B5%89%E2%B5%A1%E2%B4%B0%E2%B5%8F%E2%B4%BD%E2%B5%8F-%E2%B5%A1%E2%B4%B0%E2%B5%84%E2%B5%94%E2%B4%B0%E2%B4%B1%E2%B5%8F