Published on MAPNews (https://www.mapnews.ma/am)

Accueil >  ⵙ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⵉⵍⵍⴰ ⴷⴰⵔ ⵍⵎⵖⵔⵉⴱ ⴰⵏⵙⴰ ⵢⴰⵜⵜⵓⵢⵏ ⴷ ⵉⵖⵓⴷⴰⵏ “ ⴰⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ”

 ⵙ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⵉⵍⵍⴰ ⴷⴰⵔ ⵍⵎⵖⵔⵉⴱ ⴰⵏⵙⴰ ⵢⴰⵜⵜⵓⵢⵏ ⴷ ⵉⵖⵓⴷⴰⵏ “ ⴰⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ”

22 ⵢⵓⵍⵢⵓⵣ 2024 Version Imprimable
ⵍⵉⵎⴰ - ⵉⵏⵏⴰ  ⴰⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ ⵏ ⵍⴱⵉⵔⵓ ⵍⵡⵉⵙ ⵙⵓⵍⴰⵔⵉ ⵎⴰⵙ ⵉⵥⴹⴰⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ 25 ⵏ ⵓⴳⴳⵯⴰⵙ ⵉⵣⵔⵉⵏ ⴰⴷ ⵉⴼⴳ ⵉ ⵍⵎⵖⵔⵉⴱ  “ⴰⵏⵙⴰ ⵢⴰⵜⵜⵓⵢⵏ ⵉⵖⵓⴷⴰⵏ” ⴳ ⵓⵎⴰⴹⴰⵍ ⵙ ⵜⴰⵏⵏⴰⵢⵜ ⵢⴰⴳⴳⵓⴳⵏ ⵍⵍⵉ ⵉⵙⵔⵙⵏ ⴰⴼⴳⴰⵏ ⴰⵎⵖⵔⵉⴱⵉ ⴳ ⴰⴽⴽⵯ ⵜⴰⵡⵓⵔⵓ ⵏ ⵜⵉⴳⵎⵉ.

ⵉⵔⵏⵓ ⵉⵏⵏⴰ ⵎⴰⵙⵙ ⵙⵓⵍⴰⵔⵉ ⴳ ⵢⴰⵜ ⵜⴰⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵏⵖⵎⵉⵙⵏ ⵎⴰⵙ ⵣⵔⵉⵏⵜ ⵜⵓⴳⴳⴰⵙ ⵏ ⵜⵉⴳⵎⵉ ⵜⴰⵏⴼⴳⴰⵏⵜ ⴷ ⵉⵎⵉⵙⵏ ⵉⵜⵜⵓⵙⵎⴰⵔⵏ ⵙ “ⵜⴰⵏⵏⴰⵢⵜ ⵜⴰⵙⵜⴰⵔⵜⵉⵊⵉⵜ” ⵍⵍⵉ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵙⴳ ⴰⴰⵙⵡⵉⵏⴳⵎ ⵅⴼ ⵜⵓⴷⵔⵜ ⵓⵖⵓⴷⴰⵏ ⵉⵢⵉⵎⵖⵔⵉⴱⵉⵢⵏ.

ⵉⵙⴷⴷⵉⴷ ⴰⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ ⵎⴰⵙ ⴰⵔ ⵜⵓⵓⵙⴽⴰⵔⵏ ⵉⵎⴰⵙⵏ ⵣⵓⵏⴷ ⵉⵙⴳⵏⴰⴼⵏ ⴷ ⵙⵙⵓⴷⵓⴷ ⴷ ⵉⵖⴰⵡⴰⵙⵏ ⵏ ⵜⴰⵣⴷⵖⵜ ⴷ ⵉⴱⵔⵉⴷⵏ ⵏ ⴷⵖⵢⴰ ⴰⵜ ⵉⵜⵜⴰⴽⴰ ⵡⴰⴷⴷⵓⵔ ⵙⵍⴰⵡⴰⵏ ⴰⴽⴽ ⵉ ⵜⴰⵢⴰⴼⵓⵜ ⵏ ⵉⵎⵣⴷⴰⵖⵏ .

ⵉⵏⵏⴰ  ⴰⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ ⵏ ⵍⴱⵉⵔⵓ ⵍⵡⵉⵙ ⵙⵓⵍⴰⵔⵉ ⵎⴰⵙ ⵜⵍⵍⴰ ⵜⵉⵔⴰⵜ ⴰⴼⴰⴷ ⴰⴷ ⵜⵜⵓⵙⴽⴰⵔ ⵜⴰⵥⵕⴼⵜ ⵜⴰⵏⴰⵎⵓⵏⵜ ⴷ ⵜⵉⵏ ⵜⵉⵙⴳⴳⵉⵡⵉⵏ ⵍⵍⵉ ⵉⴳⴰⵏ ⵍⵎⵙⵍⴰⵃⴰ ⵏ ⵓⴳⴷⵓⴷ ⴰⵎⵖⵔⵉⴱⵉⵢ.

ⵉⵙⴰⵡⵍ ⵉⵏⵏⴰ ⵎⴰⵙ ⵓⵔ ⵉⵎⴽⵏ ⴰⴷ ⵏⴱⴹⵓ ⵜⴰⵡⵓⵔⵉ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴳ ⵓⵙⵉⵡⵔ ⴰⴷⵉⴱⵍⵓⵎⴰⵙⵉ ⴷ ⵓⴳⵏⵙ ⵏ ⵉⵡⵜⵜⴰ ⵏⵏⵙ , ⵉⵙⵙⴼⵓⵍⴽⵉ ⵓⵍⴰ ⵙⵍⴰⵡⴰⵏ ⴰⴽⴽⵯ ⵉⵉⵙⴰⵔⵓⵜⵏ ⵍⵍⵉ ⵉⵙⵔⵙ ⵍⵎⵖⵔⵉⴱ ⴰⴼⴰⴷ ⴰⴷⵉⵙⴽⵔ ⵉⴼⵜⴰⵙⵏ ⵏ ⵜⴰⵏⵊⴰ ⵍⵎⵓⵜⴰⵡⵙⵙⵉⵟ ⴷ ⴷⴷⴰⵅⵍⴰ ⵎⴰⵢⴰⴷ ⵔⴰⴷ ⴳⵉⵙ ⵢⴰⵎⵥⵏ ⵓⴳⴷⵓⴷ ⴰⵎⵖⵔⵉⴱⵢ ⵓⵍⴰ ⵉⴼⵔⵉⵇⵉⵢⵏ ⵉⴱⵖⵓⵔⵏ .

ⵉⵔⵏⵓ ⵉⵏⵏⴰ  ⵓⵎⴰⵡⴰⵙ ⴰⵎⵣⵡⴰⵔⵓ ⴰⵇⴱⵓⵔ ⵏ ⵍⴱⵉⵔⵓ ⵍⵡⵉⵙ ⵙⵓⵍⴰⵔⵉ ⵎⴰⵙ ⵉⵙⵙⵏ ⵍⵎⵖⵔⵉⴱ ⵜⴰⵎⵔⵏⵉⵡⵜ ⴰⴼⴰⴷ ⴰⴷ ⵉⵍⴽⵎ ⴰⵏⵙⴰ ⵢⴰⵜⵜⵓⵢⵏ ⴷ ⵉⵖⵓⴷⴰⵏ ⴳ ⵓⵎⴰⴹⵍ ⵏ ⵖⵉⵍⴰⴷ ⵉⵜⵜⵔ ⴰⴷ ⵉⵍⵉⵏ ⵉⵏⵙⵙⵉⵡⴼⵏ ⵢⴰⴹⵏ ⴳ ⵓⵎⴰⴹⴰⵍ ⵉⵔⵡⴰⵙⵏ ⴱⴰⴱ ⵏ ⵡⴰⴷⴷⵓⵔ.

ⵉⵙⵙⴽⵜⵉⴷ ⵓⵍⴰ ⵎⴰⵙ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⵍⵉⵊⴰⵣⴰ ⵏⵏⵙ ⴳ ⵓⵙⴳⴳⵯⴰⵙ 1985 ⵉⵙⴰⵡⵍ ⵓⵔⵣⵣⵓ ⵏⵏⵙ ⵅⴼ “ⵜⴰⵎⵓⵏⵜ ⵜⴰⵖⵔⴰⴱⵜ ⵜⴼⵔⵉⵇⵉⵢⵜ ⴷ ⵜⴰⵙⵜⵔⴰⵜⵉⵊⵉⵜ ⵏ ⵍⵎⵖⵔⵉⴱ ⴳ ⵉⵎⵢⴰⵙⵙⴰⵏ ⵉⴳⵔⴰⵖⵍⴰⵏⵏ” ⵙ ⵡⴰⵡⴰⵍ ⵢⴰⴹⵏ ⴷⴰⵜ ⵉⴳ ⴰⴳⵍⵍⵉⴷ ⵉⴽⴽⴰⵜⵏ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⵜⴰⵏⵏⴰⵢⵜ ⵏ ⵍⵎⵖⵔⵉⴱ ⴳ ⵉⵙⵡⵉⵔ ⴰⴳⵔⴰⵖⵍⴰⵏ.

ⵉⵔⵏⵓ ⵉⵏⵏⴰ ⵎⴰⵙ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⵔⵣⵣⵓ ⵏⵏⵙ ⵏ ⴷⴷⵓⴽⵜⵓⵔⴰ ⴳ ⵓⵣⵔⴼ ⴰⵎⴰⵜⴰⵢ 1993 ⵉⵥⵍⵉⵏ ⵙ” ⵜⴰⵎⵓⵏⵜ ⵜⴰⴷⴰⵎⵙⴰⵏⵜ ⵜⴰⵓⵔⵓⴱⵉⵜ ⴷ ⵜⴰⵎⴰⵓⵏ ⵏ ⵍⵎⵖⵔⵉⴱ ⴰⵎⵇⵔⴰⵏ “ ⵙ ⵖⵎⴽⴰⴷ ⵉⵍⵍⴰ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⵜⵉⵔⴰⵜ ⴰⵎⵣⵔⵓⵢ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⵉ ⵢⵓⵣⵎⵣ ⴰⴷ ⵍⵍⵉⵖ ⵉⵍⵍⴰ ⵓⵎⴰⴹⴰⵍ.

ⵉⵙⴷⴷⵉⴷ ⵎⴰⵙⵙ ⵍⵡⵉⵙ ⵙⵓⵍⴰⵔⵉ ⵎⴰⵙ ⴷⴰⵔ ⵜⴰⴳⵍⴷⵉⵜ ⵢⴰⵏ ⵓⴷⵖⴰⵔ ⴰⵊⵢⵓ ⴰⵙⵜⴰⵔⵜⵉⵊⵉ ⵉⵖⵓⴷⴰⵏ ⵙⵍⴰⵡⴰⵏ ⴰⴽⴽ ⵅⴼ ⵓⴷⵔⴰⵔ ⵏ ⵟⴰⵔⵉⵇ ⵍⵍⵉ ⵉⴳⴰⵏ ⵜⴰⴳⴳⵓⵔⵜ ⵅⴼ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ .

 ⵎⴰⴷ ⵉⵥⵍⵉⵏ ⵙ ⵚⵚⵃⵕⴰ , ⵉⵙⵙⴽⵜⵉⴷ ⵎⴰⵙⵙ ⵍⵡⵉⵙ ⵙⵓⵍⴰⵔⵉ ⴰⵖⴰⵡⴰⵙ ⵏ ⵜⵉⴳⵎⵉ ⵉⵥⵍⵉⵏ ⵙ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ , ⵉⵔⵏⵓ ⵉⵏⵏⴰ ⵎⴰⵙ ⵜⵍⵍⴰ ⵜⵉⵔⴰⵜ ⴷⴰⵔ ⵍⵎⵖⵔⵉⴱ ⴰⴼⴰⴷ ⴰⴷ ⵉⵣⴷⵉ ⴰⴱⵔⵉⴷ ⵏ ⵜⵉⴳⵎⵉ ⴳ ⴰⴽⴽ ⵉⴽⴰⵍⵉⵡⵏ ⵏ ⵍⵎⵖⵔⵉⴱ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%C2%A0%E2%B5%99-%E2%B5%9C%E2%B5%93%E2%B4%B3%E2%B4%B3%E2%B4%B0%E2%B5%99-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%8D%E2%B5%8D%E2%B4%B0-%E2%B4%B7%E2%B4%B0%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B0%E2%B5%8F%E2%B5%99%E2%B4%B0-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B4%B7-%E2%B5%89%E2%B5%96%E2%B5%93%E2%B4%B7%E2%B4%B0%E2%B5%8F-%E2%80%9C-%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93