Published on MAPNews (https://www.mapnews.ma/am)

Accueil > ⵉⵙⵏⵜⵉⵏ ⵉⵏⴳⵔⴰⵡⵏ ⵉⵎⵓⵙⵙⵓⵏ ⵏ ⵓⵏⴳⵎⵓ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ

ⵉⵙⵏⵜⵉⵏ ⵉⵏⴳⵔⴰⵡⵏ ⵉⵎⵓⵙⵙⵓⵏ ⵏ ⵓⵏⴳⵎⵓ ⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ

22 ⵢⵓⵍⵢⵓⵣ 2024 Version Imprimable
ⵕⵕⴱⴰⵟ - ⵉⴷⴷⵔ ⵍⵎⵖⵔⵉⴱ ⵙⴳ ⵍⵍⵉⵖ ⵉⴳⴳⴰⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵓⴷⴰⴱⵓ ⵢⴰⵜ ⵜⴰⴷⵉⵏⴰⵎⵉⵜ ⵏ ⵓⵏⴳⵎⵓ ⴷ ⵓⵎⵓⵙⵙⵓ ⵏ ⵓⵏⵎⵓⵔⵉ ⴰⵎⴰⵖⵔⴰⴱⵉ ⴳ ⵉⵡⵜⵜⴰⵙ ⵏⵏⵙ ⵎⴰⵢⴰⴷ ⵜⵓⴷⴷⵊⴰⵏ ⵏ ⵜⴷⴷⵓⵙ ⴰⴷⵍⵙⴰⵏ ⵙ ⵓⵎⵎⴰⵙ ⵏ ⵉⵏⵔⴰⵡⵏ ⵏⵏⴰ ⵜⵣⴰⵢⴷ ⵏ ⵡⴰⵜⵜⵉⴳ ⴷ ⵓⵙⵔⵇⴱ ⵏ ⵜⴳⴷⵍⵉⵜ ⵏ ⵍⵎⵖⵔⵉⴱ ⵏ ⵉⵎⴰⵍ .

ⴳ ⵓⵎⵎⴰⵙ ⵏ ⵉⵙⵏⵜⵉⵏ ⵉⴳⴰ ⵍⵎⵖⵔⵉⴱ ⴰⵏⵡⴰⵏ ⴳ ⵉⵙⵡⵉⵔⵏ ⵓⵎⵏⵣⴰⵡ ⴷ ⴰⵙⴳⵡⴰⵏ ⴳ ⴰⴼⴰⵜⴰⵙ ⵏ ⵟⴰⵏⵊⴰ ⴰⵎⵓⵜⴰⵡⴰⵚⵉⵟ ⴷ ⴰⴼⵜⴰⵙ ⵏ ⴷⴷⴰⵅⵍⴰ ⴳ ⵓⵏⴳⴰⵔⵡ ⴰⵟⵍⴰⵚⵉ ⴷ ⵓⵍⴰⵢ ⵉⵖⴰⵡⵍⵏ ⴷ ⵉⵥⴰⴳⵯⵣⵏ ⵉⵎⴰⵡⴰⵏ ⴷ ⵉⵎⴰⵙⵙⴰⵏ ⴰⵜⵉⴽⵏⵓⵍⵓⵊⵢⵉⵏ ⴰⵎⴰ 2000 ⴰⴽⵉⵍⵓⵎⵉⵜⵔ ⴳ ⵜⵥⵟⵟⴰ ⵏ ⵉⴱⵔⴷⴰⵏ ⴷ ⴰⵎⵏⵏⴰⵡ  ⵏ ⵉⵙⵏⵜⵉⵏ ⵢⴰⴹⵏⵉ ⵏ ⵓⴽⵊⵊⵓⵎ ⴷ ⵉⵙⵏⵜⵉⵏ ⵢⴰⴹⵏⵉⵏ ⵉⵡⵙⵄⵏ ⵎⴰⵢⴰⴷ ⵢⵓⴷⴷⵊⴰⵏ ⵍⵎⵖⵔⵉⴱ ⵓⵍⴰⵢ  ⴰⵙⵙⴰ ⴷⴼⴼⵉⵔ ⵡⴰⵙⵙ ⴷ ⵜⵏⵙⵙⵉⵅⴼ ⵏ ⵡⴰⵏⵏⴰⴹ  ⵏⵏⵙ ⵉⵇⵔⴱⵏ ⴷ ⵉⴱⵕⵕⴰⵏⵢⵉⵏ

ⴳ ⵓⵎⵎⴰⵙ ⵏ ⵜⵙⵏⵜⴰⵢⵉⵏ  ⵜⵉⴳⵍⴷⴰⵏⵏ ⵎⵏⵏⴰⵡⵏⵜ  ⵜⴳⴰ ⵜⴰⴳⵍⴷⵉⵜ  ⵜⴰⵙⵙⴰⵔⵓⵜ ⵉⵕⵥⵎⵏ ⵏⵏⴰ ⵎⵉ ⴱⴷⴰⵏ ⵉⵙⵏⵜⵉⵏ ⵉⵙⵜⵔⴰⵜⵉⵊⵢⵉⵏ ⵉⵡⵜⵜⴰⵙⵏ ⵏ ⵜⵎⵏⴰⴹⵜ ⵓⵖⵓⴷⵓ ⵏ ⵜⵓⴷⴷⵔⵜ ⵏ ⵉⵎⵖⵔⴰⴱⵢⵉⵏ ⴷ ⵜⵙⴳⴰ ⵢⴰⴹⵏ ⵉⵙⵔⵙ ⵏ ⵉⴱⵉⴷⴷⵏ ⵉⴷⵎⵙⴰⵏⵏ ⵉⵎⵃⵉⵣⵡⴰⵔⵏ.

ⵥⴹⴰⵕⵏ ⵉⵙⵏⵜⵉⵏ ⴰⴷ ⴰⴷ ⴼⴽⵉⵏ ⵉ ⵍⵎⵖⵔⵉⴱ ⵏ ⵜⴷⴷⴰⵏⵉⵏ ⵏ ⵓⵙⴱⵓⵖⵍⵓ ⴷ ⴰⴷ ⵢⵉⵍⵉ ⴰⵎ ⵜⴰⵎⴰⵣⵉⵔⵜ ⵏⵏⴰ ⵜⵓⵎⵣ ⵉⵙⵙⴰⵔⵓⵏ ⵉⴱⵕⵕⴰⵏⵢⵉⵏ ⴳ ⵓⵎⵎⴰⵙ ⵏ ⵜⵓⵏⵇⵇⵉⵙ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵅⴼ ⵓⵏⵣⵡⵉ ⵏ ⵉⵙⵙⴰⵔⵓⵏ ⴳ ⵓⵎⴰⴹⴰⵍ ⵜⵜⵓⵣⵣⵔⵏ ⴳ 17 ⵢⵓⵍⵢⵓⵣ ⴰⴷ ⵜⵜⵓⵙⵔⵙ ⵜⵉⴼⴰⵡⵜ ⵅⴼ ⵜⵉⵥⴹⵕⴰ ⴷ ⵜⵉⵔⴰⵜ ⵏ ⵜⴳⵍⴷⵉⵜ ⴰⵎ ⵜⴰⵎⴰⵣⵉⵔⵜ ⵏ ⵓⵙⵔⵇⴱ ⴷ ⵉⵙⵓⵀⵏ ⵏ ⵉⵙⵙⴰⵔⵓⵏ ⵉⴱⵕⵕⵕⴰⵏⵢⵉⵏ ⵉⵙⴷⴷⵉⴷ ⵎⴰⵙ ⵜⴰⴳⵍⴷⵉⵜ ⵜⵙⵉⵔⵙ ⵉⵅⴼ ⵏⵏⵙ ⴳ ⵡⴰⵏⵙⴰ "ⴰⴳⵊⴷⵉ ⴰⵙⴳⵡⴰⵏ ⵏ ⵜⵡⵓⵔⵉ" ⴷ ⵜⴰⵡⵡⵓⵔⵜ" ⴰⵎⵏⵉⴷ ⴰⵎⵏⵣⴰⵡ .

 

Dernière modification : 22 ⵢⵓⵍⵢⵓⵣ 2024
Source URL: https://www.mapnews.ma/am/dossier/%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8F%E2%B4%B3%E2%B5%94%E2%B4%B0%E2%B5%A1%E2%B5%8F-%E2%B5%89%E2%B5%8E%E2%B5%93%E2%B5%99%E2%B5%99%E2%B5%93%E2%B5%8F-%E2%B5%8F-%E2%B5%93%E2%B5%8F%E2%B4%B3%E2%B5%8E%E2%B5%93-%E2%B5%99-%E2%B5%9C%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94