Published on MAPNews (https://www.mapnews.ma/am)

Accueil > ⴷⴷⵓ ⵜⴰⵏⵙⵙⵉⵅⴼⵜ ⵜⴰⴳⵍⴷⴰⵏⵜ ⵜⵥⴹⴰⵕ ⵉⴼⵔⵉⵇⵢⴰ ⴰⴷ ⵜⴼⵜⴰⵅⵔ ⵙ ⵍⵄⵓⵍⴰⵎⴰ ⴷⴰⵔ ⵍⵉⵍⵜⵉⵣⴰⵎ ⵙ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵍⵍⵉ ⵉⵙⵎⵓⵏⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ “ⴰⵎⵛⵉⵡⴰⵔ ⴷⴰⵔ ⵜⴰⵏⵙⵙⵉⵅⴼⵜ ⵏ ⵙⵉⵏⵉⴳⴰⵍ”

ⴷⴷⵓ ⵜⴰⵏⵙⵙⵉⵅⴼⵜ ⵜⴰⴳⵍⴷⴰⵏⵜ ⵜⵥⴹⴰⵕ ⵉⴼⵔⵉⵇⵢⴰ ⴰⴷ ⵜⴼⵜⴰⵅⵔ ⵙ ⵍⵄⵓⵍⴰⵎⴰ ⴷⴰⵔ ⵍⵉⵍⵜⵉⵣⴰⵎ ⵙ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵍⵍⵉ ⵉⵙⵎⵓⵏⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ “ⴰⵎⵛⵉⵡⴰⵔ ⴷⴰⵔ ⵜⴰⵏⵙⵙⵉⵅⴼⵜ ⵏ ⵙⵉⵏⵉⴳⴰⵍ”

23 ⵢⵓⵍⵢⵓⵣ 2024 Version Imprimable
ⴷⴰⴽⴰⵔ -  ⵉⵏⵏⴰ ⵓⵎⴰⵡⴰⵙ ⴰⵎⵛⵉⵡⴰⵔ ⴰⵇⴱⵓⵔ ⵉⵜⵜⵓⵙⵎⴳⴰⵍⵏ ⵙ ⵜⵉⵖⴰⵡⵙⵉⵡⵉⵏ ⵏ ⴷⴷⵉⵏ ⴷⴰⵔ ⵜⴰⵏⵙⵙⵉⵅⴼⵜ ⵏ ⵙⵉⵏⴳⴰⵍ ⵄⴱⴷⵍⵄⵣⵉⵣ ⴽⵉⴱⵉ ⵎⴰⵙ ⵜⵥⴹⴰⵕ ⵉⴼⵔⵉⵇⵢⴰ ⴰⴷ ⵜⴼⵜⴰⵅⵔ ⵙ ⵍⵄⵓⵍⴰⵎⴰ ⴷⴰⵔ ⵍⵉⵍⵜⵉⵣⴰⵎ ⵙ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⵍⵍⵉ ⵉⵙⵎⵓⵏⵏ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵙ .

ⵉⵔⵏⵓ ⵉⵏⵏⴰ ⵎⴰⵙⵙ ⴽⵉⴱⵉ ⴳ ⵢⴰⵜ ⵜⴰⵙⴳⵓⵔⵉ ⵉ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵙ ⵜⵓⴳⴳⴰⵙ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⴹ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⵍⵍⴰⵏ ⵎⵏⵏⴰⵡ ⵍⵄⵓⵍⴰⵎⴰ ⵍⵍⵉ ⵉⵜⵜⴰⵔⵏ ⴰⴼⴰⴷ ⴰⴷ ⵄⵎⵎⵔⵏ ⵜⴰⵙⴷⵍⵉⵙⵜ ⵜⵓⵙⵍⵉⵎⵜ ⵜⴰⴼⵔⵉⵇⵉⵢⵜ ⵙ ⵜⵉⵖⴰⵡⵙⵉⵡⵉⵏ ⵉⵖⵓⴷⴰⵏ .

ⵉⵙⴷⴷⵉⴷ ⵓⵍⴰ ⵎⴰⵙ ⴽⵉⴱⵉ ⵎⴰⵙ ⴰⵔ ⵜⴰⵡⵙ ⵜⵎⵔⵙⵍⵜ ⴳ ⵓⵙⴷⵓⵙ ⵏ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵓⵃⵟⵟⵓ ⵏ ⴰⵢⴷⴰ ⵉⵛⵛⵇⵔⵏ ⵜⵎⵙⴰⵙⴰⵜ ⴷ ⵡⴰⴷⴷⴰⵏ ⵏ ⵖⵉⵍⴰⴷ ⵏ ⵉⵎⵣⴷⴰⵖⵏ ⴳⴰⵏ ⵉⵎⵓⵙⵍⵎⵏ ⵏⵖ ⵓⵔ ⵜ ⴳⵉⵏ.

ⵉⵙⴰⵡⵎ ⵎⴰⵙⵙ ⴽⵉⴱⵉ ⵍⵍⵉ ⵉⴳⴰⵏ ⴰⵙⵍⵎⴰⴷ ⴳ ⵜⴰⵙⴷⴰⵡⵉⵜ ⵏ ⵛⵛⵉⵅ ⴷⵢⵓⴱ ⴰⵏⵜⴰ ⴳ ⴷⴰⴽⴰⵔ ⵎⴰⵙ ⴰⵔ ⵜⵎⵎⴰⵍ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⴹ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⴰⵏⴰⵡ ⵏ ⴷⴷⵉⵏ ⵉⵥⵍⵉⵏ ⵏ ⵍⵎⵖⵔⵉⴱ ⵍⵍⵉ ⵢⴰⴽⴽⴰⵏ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵜⴰⵏⵏⴰⵢⵜ ⵏ ⵍⵉⵙⵍⴰⵎ ⵍⵍⵉⵖ ⵉⵍⵍⴰ ⵍⵀⵏⴰ ⴷ ⵜⵓⴷⵔⵜ ⴷ ⵜⴰⵏⴼⵔⵓⵜ ⴷ ⵜⴰⵡⴰⵣⵓⵏ ⴷ ⵓⵎⵢⴰⵏⴰⵡ.

ⵢⴰⵏⵏⵉ ⵎⴰⵙⵙ  ⴽⵉⴱⵉ ⵎⴰⵙ ⵍⵍⴰⵏⵜ ⴷⴰⵔ ⵜⵉⴱⵔⵉⴷⵉⵏ ⵏ ⵚⵚⵓⴼⵉⵢⴰ ⴳ ⵙⵉⵏⴳⴰⵍ ⴷ ⵜⴰⴳⵓⵜ ⵏ ⵉⴼⵔⵉⵇⵢⴰ ⵜⴰⵏⵏⴰⵢⵜ ⵜⴰⵎⵖⵔⵉⴱⵉⵢⵜ ⵎⴰⵢⴰⴷ ⴰⵔ ⵉⵎⵎⴰⵍ ⴰⵏⵙⴰ ⵏ ⵜⵉⴳⵍⴷⵉⵜ ⵍⵍⵉ ⵉⴳⴰⵏ “ⴰⴽⴰⵍ ⴰⵔⵓⵃⴰⵏⵉ” ⴷ ⵜⴰⵢⵔⵉ ⵜⴰⵚⵓⴼⵉⵜ ⵏ ⵏⵏⴱⵉ ⵏ ⵕⴱⴱⵉ ⴷ ⵍⵎⵓⵇⴰⴷⴷⴰⵙⵜ ⵏ ⵍⵉⵙⵍⴰⵎ.

ⵉⵙⴰⵡⵍ ⵉⵏⵏⴰ ⵎⴰⵙ ⵓⵎⵥⵏⵜ ⵜⵉⴱⵔⵉⴷⵉⵏ ⵏ ⵚⵚⵓⴼⵉⵢⴰ ⵙ ⵍⵎⵖⵔⵉⴱ ⴷ  ⵍⵄⵓⵍⴰⵎⴰ ⵏⵏⵙ  ⴷ ⵎⴰⴷ ⵉⵥⵍⵉⵏ ⵙⵍⵉⵙⵍⴰⵎ ⴷ ⵉⵎⵢⴰⵙⵙⴰⵏ ⵉⵏⴼⴳⴰⵏⵏ , ⵉⵎⵍⴰ ⴳ ⵓⵙⴰⵜⵉ ⵢⴰⴷ ⴰⴷⴷⵓⵔ ⴰⵏⴰⴼⵍⵍⴰ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵉⴱⵔⵉⴷⵉⵏ ⵏ ⵚⵚⵓⴼⵉⵢⴰ ⴳ ⵙⵉⵏⴳⵍⴰ ⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ.

ⵉⵙⴷⴷⵉⴷ ⵓⵎⴰⵡⴰⵙ ⴰⵎⵛⵉⵡⴰⵔ ⴰⵇⴱⵓⵔ ⵉⵜⵜⵓⵙⵎⴳⴰⵍⵏ ⵙ ⵜⵉⵖⴰⵡⵙⵉⵡⵉⵏ ⵏ ⴷⴷⵉⵏ ⴷⴰⵔ ⵜⴰⵏⵙⵙⵉⵅⴼⵜ ⵏ ⵙⵉⵏⴳⴰⵍ ⵎⴰⵙ ⵜⴳⴰ ⵜⴰⴱⵔⵉⴷⵜ ⵜⵉⵊⴰⵏⵉⵢⴰ ⴳ ⴼⴰⵙ ⵢⴰⵜ ⵜⴰⴱⵔⵉⴷⵜ ⵜⴰⵅⴰⵜⴰⵔⵜ ⵜⴰⵎⴰ ⵏ ⵣⵣⴰⵡⴰⵢⴰ ⵏ ⵜⵜⵉⵊⴰⵏⵉⵢⴰ ⴳ ⵙⵉⵏⵉⴳⴰⵍ.

ⴳ ⵎⴰⴷ ⵉⵥⵍⵉⵏ ⵙ ⵉⵎⵢⴰⵙⵙⴰⵏ ⵉⵇⴱⵓⵔⵏ ⵍⵍⵉⵏ ⴳⵔ ⵍⵎⵖⵔⵉⴱ ⴷ ⵙⵉⵏⴳⴰⵍ ⵉⵙⵙⴽⵜⵉⴷ ⵎⴰⵙⵙ ⴽⵉⴱⵉ ⵎⴰⵙ ⵉⵣⵔⵉ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵙⴳ ⵙⵉⵏⴳⴰⵍ ⵍⵍⵉⵖ ⴷ ⵉⵡⵓⵔⵔⵉ ⵙⴳ ⵍⵎⵏⴼⴰ ⵍⵍⵉⵖⵜ ⵙⵏⵓⴱⴳⵏ ⵎⵏⵏⴰⵡ ⵏ ⵍⵖⵓⵍⵎⴰ ⴳⵉⵙⵏ ⵉⴳⵍⵍⵉⵏ ⵜⵉⵔⵏⵓ ⵙⵉⴷⵓ ⵏⵓⵔⵓ ⵟⴰⵡⵉⵍ.

ⵖⵎⴽⵍⵍⵉ ⵜⴼⴽⴰ ⵜⴰⵙⴷⴰⵡⵉⵜ ⵏ ⴷⴰⴽⴰⵔ ⵉ ⵉⴳⵍⵍⵉⵏ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ  ⵡⵉⵙⵙ ⵙⵉⵏ ⵜⴰⵙⴽⴼⵍⵜ ⵏ ⴷⴷⵓⵍⵜⵓⵔⴰ ⴼⴰⵅⵔⵉⵢⴰ ⴳ ⵎⴰⵕⵙ 1964 ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵜⵉⵎⵣⴳⵉⴷⴰ ⵜⴰⵎⵇⵔⴰⵏⵜ ⴳ ⴷⴰⴽⴰⵔ 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B7%E2%B4%B7%E2%B5%93-%E2%B5%9C%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B5%A5%E2%B4%B9%E2%B4%B0%E2%B5%95-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-%E2%B4%B0%E2%B4%B7-%E2%B5%9C%E2%B4%BC%E2%B5%9C%E2%B4%B0%E2%B5%85%E2%B5%94-%E2%B5%99-%E2%B5%8D%E2%B5%84%E2%B5%93%E2%B5%8D%E2%B4%B0%E2%B5%8E%E2%B4%B0-%E2%B4%B7%E2%B4%B0%E2%B5%94-%E2%B5%8D%E2%B5%89%E2%B5%8D%E2%B5%9C%E2%B5%89%E2%B5%A3%E2%B4%B0%E2%B5%8E-%E2%B5%99-%E2%B5%93%E2%B5%99%E2%B4%B7%E2%B5%93%E2%B5%99-%E2%B5%8F