ⵎⵕⵕⴰⴽⵛ .. ⴰⵙⴱⴷⴷ ⵏ ⵢⴰⵏ ⵓⴼⴳⴰⵏ ⵉⴹⴼⵕⵏ ⵉ ⵢⵓⴳⵔⴰⵡ ⵏ “ⴷⴰⵄⵉⵛ” “ ⴰⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵉⵣⵔⴼⴰⵏⵏ “

05 ⵖⵓⵛⵜ 2024 Version Imprimable

ⵕⵕⴱⴰⵟ - ⵎⵓⵔⵙⵜⵏ ⵜⵉⵏⴰⴼⵓⵜⵉ ⵏ ⵍⴱⵓⵍⵉⵙ ⴰⵣⵔⴼⴰⵏ ⴳ ⵜⴰⵎⴷⵉⵏⵜ ⵏ ⵎⵕⵕⴽⵛ ⵙ ⵉⵏⵖⵎⵉⵙⵏ ⵉⵖⵓⴷⴰⵏ ⵍⵍⵉ ⵜⵙⵔⵙ ⵜⴰⵎⵀⵍⴰ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴰⵙⵙ ⵏ ⵓⵏⵢⴰⵙ ⴳ ⵓⵙⴱⴷⴷ ⵏ ⵢⴰⵏ ⵓⴼⴳⴰⵏ ⵉⴹⴼⵕⵏ ⵉ ⵢⵓⴳⵔⴰⵡ ⴰⴱⵔⵙⵉⵡⴷ ⵏ “ⴷⴰⵄⵉⵛ” ⴷⴰⵔ 18 ⵏ ⵓⵙⴳⴳⵯⴰⵙ ⵉⵙⵙⵡⵓⵔⵉ ⴳ ⵜⴰⴳⵔⴰⵡⵜ ⵏⵡⵔⵉⴽⴰ ⴳ ⵜⴰⵙⴳⴰ ⵏ ⵍⵃⴰⵡⵣ ⴰⵔ ⵉⵙⵙⵉⵡⵊⵉⴷ ⵉ ⵉⵙⴰⵜⵉⵏ ⵉⴱⵔⵙⵙⵉⵡⴷⵏ ⵉⵛⵇⵇⴰⵏ ⵍⵍⵉ ⵔⴰⴷ ⵢⵓⵜ ⵉⴷⵖⴰⵔⵏ ⵉⵅⴰⵜⴰⵔⵏ ⴳ ⵜⵉⴳⵍⴷⵉⵜ.

ⵉⵏⵏⴰ ⴰⵙⵉⵔⴰ ⴰⵏⴰⵎⴰⵎⵎⴰⵙ ⵏ ⵉⵔⵣⵣⵓⵜⵏ ⵉⵣⵔⴼⴰⵏⵏ ⵉⴹⴼⵔⵏ ⵉ ⵜⴰⵎⵀⵍⴰ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⵎⴰⵙ ⵜⵜⵓⵎⵣⵏ ⴳ ⵜⴰⵡⵓⵔⵉ ⵢⴰⴷ ⵉⵎⴰⵙⵙⵏ ⵉⵍⵉⴽⵜⵜⵔⵓⵏⵉⵢⵏ ⴷ ⵢⴰⵜ ⵜⴰⵔⴹⵓⵎⵜ ⵏ ⵍⵎⴱⵍⴰⵙⵜⵉⴽ ⴳⵉⵙ ⵢⴰⵜ ⵍⵎⴰⴷⴷⴰ ⵓⵔ ⵉⴱⴰⵢⵏ ⴷ ⵓⴳⴳⵔⵏ ⴰⴽⵉⵎⴰⵡⵉ ⵍⵍⵉ ⵔⴰⴷ ⵉⴽⵛⵎ ⵉⵉⵔⵉⵎ.

ⵉⵙⵙⵉⴷ ⵓⵙⵉⵔⴰ ⴳ ⵢⴰⵏ ⵓⵙⵉⵡⴹ ⵎⴰⵙ ⴷⴰⵔ ⵓⴼⴳⴰⵏ ⴰⴷ ⴰⵙⵡⵉⵏⴳⵎ ⵉⵛⵇⵇⴰⵏ ⵏ ⴷⴰⵄⵉⵛ ⵉⵏⵏⴰ ⵎⴰⵙ ⵉⴹⴼⵕ ⵉ ⵢⵓⴳⵍⴷⵓⵏ ⵏ ⵓⴳⵔⴰⵡ ⴰⴷ ⴰⴱⵔⵙⵙⵉⵡⴷ ⵉⵍⵍⴰ ⴷⴰⵔ ⵜⵓⵙⵙⵏⴰ ⵏ ⵜⵓⵙⴽⴰ ⵏ ⵍⵎⵓⵜⴰⴼⴰⵊⵊⵉⵔⴰⵜ .

ⵙⵖⵎⴽⴰⴷ ⵉⵣⴷⵉ ⵓⴼⴳⴰⵏ ⴰⴷ ⵉⵎⵢⴰⵙⵙⴰⵏ ⴷ ⵉⴳⵎⴰⵎⵏ ⵉⴹⴼⵔⵏ ⵏ “ⴷⴰⵄⵉⵛ” ⴰⴼⴰⴷ ⴰⴷ ⵉⵣⴷⵉ ⴷ ⵢⴰⵏ ⵓⴳⵣⵣⵓⵎ ⵏ ⵓⴳⵔⴰⵡ ⴰⴷ ⴳ ⵜⵙⴳⴰ ⵏ ⴷⴷⴰⵃⵉⵍ ⵉⴼⴼⵓⵙ ⵏ ⵚⵚⵃⵕⴰ ⴰⴼⴰⴷ ⴰⴷ ⵉⵙⴽⵔ ⵜⵉⵡⵉⵔⵉⵡⵉⵏ ⵏ ⵓⴱⵔⵙⵙⵉⵡⴷ.

ⵉⵏⵏⴰ ⵓⵙⴳⵎ ⴰⴷ ⵎⴰⵙ ⴷⵢⵓⵛⴽⴰ ⵓⵙⴱⴷⴷ ⵏ ⵓⴼⴳⴰⵏ ⴰⴷ ⵙ ⵓⵎⵙⴰⵙⴰ ⵏ ⵜⴰⵎⵀⵍⴰ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵉⵏⴰⵡⵏ ⵏⵏⵙ ⵏ ⵍⵉⵙⵜⵉⵅⴱⴰⵔⴰⵜ ⵏ ⴱⵕⵕⴰ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B4%B0%E2%B5%99%E2%B4%B1%E2%B4%B7%E2%B4%B7-%E2%B5%8F-%E2%B5%A2%E2%B4%B0%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F-%E2%B5%89%E2%B4%B9%E2%B4%BC%E2%B5%95%E2%B5%8F-%E2%B5%89-%E2%B5%A2%E2%B5%93%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%80%9C%E2%B4%B7%E2%B4%B0%E2%B5%84%E2%B5%89%E2%B5%9B%E2%80%9D%C2%A0-%E2%80%9C-%E2%B4%B0%E2%B5%99%E2%B5%89%E2%B5%94%E2%B4%B0-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%89%E2%B5%94%E2%B5%A3%E2%B5%A3%E2%B5%93%E2%B5%9C%E2%B5%8F