Published on MAPNews (https://www.mapnews.ma/am)

Accueil > ⵉⵙⵙⵍⴽⵎ ⵓⵏⵙⵙⵉⵅⴼ ⵏ ⵜⴳⴷⵓⴷⵏⵜ ⵏ ⴷⵓⵎⵉⵏⵉⴽⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵓⵏⴱⴰⴹ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⴷ ⵜⵉⵔⴰⵜ ⵏⵏⵙ ⴰⴷ ⵜⵕⵥⵎ ⵜⴰⵇⵓⵏⵚⵓⵍⵉⵜ ⴳ ⴷⴷⴰⵅⵍⴰ

ⵉⵙⵙⵍⴽⵎ ⵓⵏⵙⵙⵉⵅⴼ ⵏ ⵜⴳⴷⵓⴷⵏⵜ ⵏ ⴷⵓⵎⵉⵏⵉⴽⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵓⵏⴱⴰⴹ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⴷ ⵜⵉⵔⴰⵜ ⵏⵏⵙ ⴰⴷ ⵜⵕⵥⵎ ⵜⴰⵇⵓⵏⵚⵓⵍⵉⵜ ⴳ ⴷⴷⴰⵅⵍⴰ

19 ⵖⵓⵛⵜ 2024 Version Imprimable
ⵙⴰⵏ ⴷⵓⵎⵉⵏⴳⵓ - ⵉⴼⴼⵖⴷ ⴰⵙⵙ ⵏ ⵓⵙⵉⴹⵢⵙ ⵙⴼ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵜⴳⴷⵓⴷⴰⵏⵜ ⵏ ⴷⵓⵎⵉⵏⵉⴽⴰⵏ ⵢⴰⵏ ⵓⵙⵉⵡⴹ ⴷⴼⴼⵉⵔ ⵏ ⵓⵙⵏⵓⴱⴳ ⵏ ⵍⵍⵉ ⵙⴽⵔ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴷⵓⵎⵉⵏⵉⴽⴰⵏ, ⵎⴰⵙⵙ ⵍⵡⵉⵙ ⴰⴱⵢⴰⵏⴷⴰⵔ, ⵉ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵏⴰⵚⵕ ⴱⵓⵕⵉⵟⴰ, ⵍⵍⵉ ⵜ ⵉⴽⵍⵍⴼ ⵓⵏⵙⵙⵉⵅⴼ ⴰⴷⵓⵎⵉⵏⵉⴽⵉ ⴰⴷ ⵉⵙⵙⵍⴽⵎ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵏⴰⵍ ⵉⴷⵓⵙⵏ ⵏ ⵜⴳⴷⵓⴷⴰⵏⵜ ⵏ ⴷⵓⵎⵉⵏⵉⴽⴰⵏ ⵉ ⵓⵏⴱⴰⴹ ⵏ ⵍⵎⵖⵔⵉⴱ ⵅⴼ ⵚⵚⵃⵕⴰ ⴷ ⵜⵉⵔⴰⵜ ⵏⵏⵙ ⴰⴷ ⵉⴳ ⵓⵕⵥⵥⵓⵎ ⵏ ⵜⵇⵓⵏⵚⵓⵍⵉⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ ⵜⴰⵖⴰⵡⵙⴰ ⵜⴰⵎⵣⵡⴰⵔⵓⵜ ⴳ ⵓⵖⴰⵡⵙ ⵏ ⵓⵙⵙⵓⵙⵄ ⵏ ⵉⵎⴰⵍ.

ⵉⵙⵙⵉⵙⴼⵉⵡ ⵓⵙⵉⵡⴹ ⵓⵍⴰ ⵎⴰⵙ ⵉⵙⴷⴷⵉⴷ ⵎⴰⵙ ⴰⴱⵢⴰⵏⴷⴰⵔ ⵜⵉⴽⵍⵉⵜ ⵢⴰⴹⵏ ⵎⴰⵙ ⴰⵔ ⵜⴰⵏⵏⴰⵢ ⵜⴰⴳⴷⵓⴷⴰⵏⵜ ⵏ ⴷⵓⵎⵉⵏⵉⴽⴰⵏ ⴰⵖⴰⵡⴰⵙ ⵏ ⵍⵃⵓⴽⵎ ⴷⴷⴰⵜⵉ ⵍⵍⵉ ⵉⵎⵍⴰ ⵍⵎⵖⵔⵉⴱ ⴰⴼⵙⴰⵢ ⵉⵥⵍⵉⵏ ⵏ ⵓⵎⵏⵖⵉ ⵅⴼ ⵚⵚⵃⵕⴰ.

ⵉⵔⵏⴰ ⵢⵏⵏⴰ ⵓⵙⵉⵡⴹ ⴳ ⵓⵙⵏⵓⴱⴳⴰ ⴷ ⵍⵍⵉ ⵉⵣⵔⵉⵏ ⴳ ⵜⴰⴳⴷⵉⵔⵜ ⵜⴰⵏⴰⵎⵓⵔⵜ ⵙ ⵓⵣⵎⵣⵣⵓ ⵏ ⵜⴰⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⴷⵓⵎⵉⵏⵉⴽⴰⵏ, ⵉⵙⵙⵍⴽⵎ ⵎⴰⵙⵙ ⴱⵓⵕⵉⵟⴰ ⵍⵍⵉ ⵢⵙⵎⴷⵢⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵎⴰⵙⵙ ⴰⴱⵢⴰⵏⴷⴰⵔ ⴰⵙⵙⵎⵖⵔ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵔⵔⵊⴰ ⵏⵏⵙ ⴰⴷ ⵉⵎⵓⵔⵙ ⴳ ⵜⴰⵏⵙⵙⵉⵅⴼⵜ ⵏⵏⵙ ⵜⴰⵎⴰⵢⵏⵓⵜ.

ⵖⵎⴽⵍⵍⵉ ⵉⵙⵙⵍⴽⵎ ⵓⵎⴰⵡⴰⵙ ⵜⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵎⴰⵙⵙ ⵍⵡⵉⵙ ⴰⴱⵉⵏⴰⴷⵔ ⴰⴷ ⵉⵙⴽⵔ ⴰⵣⵔⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ ⴰⴼⴰⴷ ⴰⴷ ⵉⵜⵜⵔⵙ ⵢⴰⵏ ⵓⵙⴰⵜⵉ ⵉⴷⵔⴰⵏ ⵏ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⴳ ⵎⵏⵏⴰⵡ ⵉⴼⵔⴰⵏ.

ⵉⵙⵙⴽⵜⵉⴷ ⵓⵙⵉⵡⴰⴷ ⵓⵍⴰ ⵎⴰⵙ ⵉⵙⴷⴷⵉⴷ ⵎⴰⵙⵙ ⴰⴱⵉⵏⴰⴷⵔ ⴳ ⵓⵣⵎⵣⵣⵓ ⵢⴰⴷ ⵜⵉⵔⴰⵜ ⵏⵏⵙ ⴰⴼⴰⴷ ⵜⴰⴷⵓⵙⵉ ⵏ ⵉⵎⵢⴰⵙⵙⴰⵏ ⴳ ⵜⵉⵎⵉⵣⴰⵔ ⵙⵏⴰⵜ ⴳ ⴰⴽⴽⵯ ⵉⴳⵔⴰⵏ ⴷ ⵜⵉⵔⴰⵜ ⵏⵏⵙ ⴰⴷ ⵉⵔⵣⴼ ⵍⵎⵖⵔⵉⴱ ⴷⴼⴼⵉⵔ ⵏ ⵜⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%89%E2%B5%99%E2%B5%99%E2%B5%8D%E2%B4%BD%E2%B5%8E-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B4%B3%E2%B4%B7%E2%B5%93%E2%B4%B7%E2%B5%8F%E2%B5%9C-%E2%B5%8F-%E2%B4%B7%E2%B5%93%E2%B5%8E%E2%B5%89%E2%B5%8F%E2%B5%89%E2%B4%BD%E2%B4%B0%E2%B5%8F-%E2%B5%89-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8F%E2%B5%8F%E2%B4%B0%E2%B5%8D-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%9C-%E2%B5%8F%E2%B5%8F%E2%B5%99-%E2%B5%89