ⴰⵣⴷⴰⵢ ⵏ ⵡⴰⵎⴰⵏ ⴳⵔ ⵍⵃⵓⴹ ⵏ ⵙⴱⵓ ⴷ ⴱⵓⵔⴳⵔⴰⴳ: ⴰⵖⴰⵡⴰⵙ ⴰⵅⴰⵜⴰⵔ ⵍⵍⵉ ⵔⴰⴷ ⵉⵔⴰⵔ ⵅⴼ ⵉⵙⵙⴰⵔⵏ ⵏ ⵜⵙⴳⴰ ⵏ ⵜⵖⴰⵔⵜ ⵏ ⵕⵕⴱⴰⵟ-ⴹⴹⴰⵕⵍⴱⵉⴹⴰ

27 ⵖⵓⵛⵜ 2024 Version Imprimable

ⵍⵄⵕⵊⴰⵜ - ⵉⵜⵜⵓⵙⴽⴰⵔ ⵢⴰⵏ ⵓⵖⴰⵡⴰⵙ ⵏ ⵓⵣⴷⴰⵢ ⵏ ⵡⴰⵎⴰⵏ ⴳⵔ ⵍⵃⵓⴹ ⵏ ⵙⴱⵓ ⴷ ⴱⵓⵔⴳⵔⴰⴳ ⴳ ⵢⴰⵏ ⵓⵣⵎⵣ ⵉⵖⵓⴷⴰⵏ ⴰⴼⴰⴷ ⵉⵔⴰⵔ ⵅⴼ ⵙⵙⴰⵔⵏ ⵏ ⵡⴰⵎⴰⵏ ⵍⵍⵉ ⵢⴳⴳⵓⵜⵏ ⴳ ⵓⵙⵡⵉⵔ ⵏ ⵜⵙⴳⴰ ⵏ ⵜⵖⴰⵔⵜ ⵏ ⵕⵕⴱⴰⵟ-ⴹⴹⴰⵕⵍⴱⵉⴹⴰ ⵍⵍⵉⵖ ⴷⵔⵓⵙⵏ ⵡⴰⵎⴰⵏ.

ⵉⵥⴹⴰⵕ ⵓⵖⴰⵡⴰⵙ ⴰⴷ ⵍⵍⵉ ⵉⵣⴷⵉⵏ ⴳ 65 ⵓⴽⵉⵍⵓⵎⵉⵜⵔ ⴰⴷ ⵉⵙⵙⵓⵊⴷ ⴰⵎⴰⵏ ⵙ ⵜⵓⴳⵔ ⵙⴳ ⵓⴳⴳⵓⴳ ⵏ ⵍⵃⵓⴹ ⵏ ⵙⴱⵓ ⴰⵔ ⵓⴳⴳⵓⴳ ⵏ ⵙⵉⴷⵉ ⵎⵓⵃⵎⵎⴷ ⴱⵏ ⵄⴱⴷⵍⵍⴰⵀ ⴳ ⵡⴰⵙⵉⴼ ⵏ ⴱⵓⵔⴳⵔⴰⴳ.

ⴳ ⵓⵙⴰⵜⵉ ⵢⴰⴷ, ⵉⵏⵏⴰ ⵓⵏⵎⵀⴰⵍ ⵏ ⵓⵔⵣⵣⵓ ⴷ ⵓⵙⵖⵉⵡⵙ ⵏ ⵡⴰⵎⴰⵏ ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵄⴱⴷⵍⵄⵣⵉⵣ ⵣⵣⵔⵡⴰⵍⵉ, ⵎⴰⵙ ⵔⴰⴷ ⵢⴰⵡⵙ ⵓⵖⴰⵡⴰⵙ ⴰⴷ ⴳ ⵓⵙⵎⵓⵜⵜⵓ ⵏ ⵄⵍⴰⵢⵏ ⵎⵍⵢⵓⵏ ⵏ ⵎⵉⵜⵔ ⵎⵓⴽⵄⵄⴰⴱ ⵏ ⵡⴰⵎⴰⵏ ⴽⵓⵍⵍ ⴰⵙⵙ ⵙ ⵓⴳⴳⵓⴳ ⵏ ⵙⵉⴷⵉ ⵎⵓⵃⵎⵎⴷ ⴱⵏ ⵄⴱⴷⵍⵍⴰⵀ.

ⵉⵔⵏⴰ ⵢⵏⵏⴰ ⵎⴰⵙⵙ ⵣⵣⵔⵡⴰⵍⵉ ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴳ ⵓⵔⵣⴰⴼ ⵉ ⵓⵙⵙⵓⴼⵖ ⵏ ⵓⵖⴰⵡⴰⵙ ⵏ ⵓⵣⴷⴰⵢ ⵏ ⵡⴰⵎⴰⵏ ⴳⵔ ⵍⵃⵓⴹ ⵏ ⵙⴱⵓ ⴷ ⴱⵓⵔⴳⵔⴰⴳ ⵎⴰⵙ ⵉⵖⴷⴰ ⵓⵙⵉⵜ ⴳ ⵛⵓⵜⴰⵏⴱⵉⵔ 2023 ⵉⴼⴽⴰ ⴰⵙⵙⴰⵢ ⵏ 380 ⵉⵎⵍⵢⵓⵏ ⴰⵎⵉⵜⵔⵓ ⵎⵓⴽⵄⵄⴰⴱ ⵏ ⵡⴰⵎⴰⵏ ⵙ ⵓⴳⴳⵓⴳ.

ⵉⵙⵙⴽⵜⵉⴷ ⵎⴰⵙ ⴰⵔ ⵜⵜⵢⴰⵙⴰⵢⵏ ⵡⴰⵎⴰⵏ ⵙⴳ ⵢⴰⵏ ⵓⵙⴰⵔⵓ ⵏ ⵍⵃⴷⵉⴷ ⵍⵇⵓⵟⵕ ⵏⵏⵙ 3.20 ⴰⵎⵉⵜⵔⵓ ⵙ 15 ⴰⵎⵉⵜⵔⵓ ⵎⵓⴽⵄⵄⴰⴱ ⴳ ⵜⵜⴰⵏⵉⵢⴰ ⵖⵎⴽⵍⵍⵉ ⵉⵍⴽⵎ ⴳ ⵓⵙⴳⴳⴰⵙ ⴳⵔ 300 ⴰⵔ 400 ⴰⵎⵍⵢⵓⵏ ⴰⵎⵉⵜⵔⵓ ⵎⵓⴽⵄⵄⴰⴱ.

ⵢⵓⵛⴽⴰⴷ ⵓⵖⴰⵡⴰⵙⴰⴷ ⴳ ⵢⴰⵏ ⵓⵣⵎⵣ ⵏ ⵜⵖⴰⵔⵜ ⵍⵍⵉ ⵉⵙⵍⵉⵏ ⵍⵎⵅⵣⵓⵏ ⵏ ⵜⵉⴳⵍⴷⵉⵜ ⵏ ⵡⴰⵎⴰⵏ ⵉⵖ ⴳⴰⵏ ⴷⴷⵓ ⵡⴰⴽⴰⵍ ⵏⵖ ⵡⵉⵏ ⵉⴳⴳⵉ ⵡⴰⴽⵍ.

ⵉⴳⴳⵯⵣ ⵓⵟⵟⵓⵏ ⵏ ⵍⵄⵎⵎⴰⵔⵜ ⵏ ⵙⵙⵓⴷⵓⴷ ⵉⵍⵍⴰ ⵖⵉⵍⴰⴷ ⴳ 28 ⴳ 100 ⴳ ⵓⵙⵡⴰⵉⵔ ⴰⵏⴰⵎⵓⵔ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%A3%E2%B4%B7%E2%B4%B0%E2%B5%A2-%E2%B5%8F-%E2%B5%A1%E2%B4%B0%E2%B5%8E%E2%B4%B0%E2%B5%8F-%E2%B4%B3%E2%B5%94-%E2%B5%8D%E2%B5%83%E2%B5%93%E2%B4%B9-%E2%B5%8F-%E2%B5%99%E2%B4%B1%E2%B5%93-%E2%B4%B7-%E2%B4%B1%E2%B5%93%E2%B5%94%E2%B4%B3%E2%B5%94%E2%B4%B0%E2%B4%B3-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94-%E2%B5%8D%E2%B5%8D%E2%B5%89-%E2%B5%94%E2%B4%B0%E2%B4%B7-%E2%B5%89%E2%B5%94%E2%B4%B0%E2%B5%94-%E2%B5%85%E2%B4%BC-%E2%B5%89%E2%B5%99%E2%B5%99%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B5%99%E2%B4%B3%E2%B4%B0