ⴰⵏⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⵏ ⵍⴼⵉⵍⵎ ⴰⵎⴰⵣⵉⵖ, ⵙⴳ 11 ⴰⵔ 15 ⵛⵓⵜⴰⵏⴱⵉⵔ ⴰⴷ ⵢⵓⵛⴽⴰⵏ ⴳ ⴰⴳⴰⴷⵉⵔ

28 ⵖⵓⵛⵜ 2024 Version Imprimable

ⴰⴳⴰⴷⵉⵔ - ⵔⴰⴷ ⵢⵉⵍⵉ ⵓⵏⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⵏ ⵍⴼⵉⵍⵎ ⴰⵎⴰⵣⵉⵖ, ⵙⴳ 11 ⴰⵔ 15 ⵛⵓⵜⴰⵏⴱⵉⵔ ⴰⴷ ⵢⵓⵛⴽⴰⵏ ⴳ ⴰⴳⴰⴷⵉⵔ.

ⵉⵜⵜⵓⵙⴽⴰⵔ ⵓⵏⵎⵓⴳⴳⴰⵔ ⴰⴷ ⵙ ⵓⴷⵔⴰⵡ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴷ ⵜⴳⵔⴰⵡⵜ ⵏ ⴰⴳⴰⴷⵉⵔ ⴷ ⵓⵙⵇⵇⵉⵎ ⴰⵏⵎⵏⴰⴹ ⵙⵓⵙ ⵎⴰⵙⵙⵜ, ⴷ ⵔⴰⴷ ⵉⵎⵍ ⵎⴰⵏⵉ ⵜⵍⴽⵎ ⵙⵙⵉⵏⵉⵎⴰ ⵜⵎⴰⵣⵉⵖⵜ ⵓⵍⴰ ⵅⵜⴰⵏⵏ ⵏ ⵓⵎⴰⴹⴰⵍ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵎⵙⵓⴷⵙⵏ.

ⵙ ⵜⵥⵓⴳⴰⵢⵜ "ⴰⴳⴰⴷⵉⵔ: ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⵎⴰⵣⵉⵖⵜ", ⵔⴰⴷ ⵉⵙⵎⵓⵏ ⵓⵏⵎⵓⴳⴳⴰⵔ ⴰⴷ ⵉⵏⴰⵥⵓⵕⵏ ⵉⴷⵖⵔⴰⵏ ⴷ ⵉⴳⵔⴰⵖⵍⴰⵏ ⴰⴼ ⴰⴷ ⵙⵙⴼⵓⴳⵍⵓⵏ ⵜⴰⴱⵖⵓⵔⵜ ⴷ ⵜⵎⴰⵏⴰⵡⵜ ⵏ ⵜⴷⵍⵙⴰ ⵜⵎⴰⵣⵉⵖⵜ ⴷ ⵜⵉⴷⵍⵙⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵙ ⵙⵙⵉⵏⵉⵎⴰ.

ⵉⵙⵙⵉⵅⴼ ⵜⴰⵙⵇⵇⵉⵎⵜ ⵏ ⵓⵏⵎⵓⴳⴳⴰⵔ ⴰⴷ ⵎⵚⵟⴰⴼⴰ ⵙⵙⵄⴷⵉ, ⴰⵎⵙⵜⴰⵏ ⴳ ⵓⴳⵔⴰⵡ ⵏ ⵉⵎⵙⵜⴰⵏⵏ ⵏ ⴱⴰⵔⵉⵣ ⴷ ⵓⵏⵎⵣⴰⵖ ⵅⴼ ⵜⵓⵙⵙⵏⴰ ⵜⵎⴰⵣⵉⵖⵜ.

ⵜⵙⵎⴰⵏⵏ ⵜⵙⵇⵇⵉⵎⵜ ⵏ ⵓⵏⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⵏ ⵍⴼⵉⵍⵎ ⴰⵎⴰⵣⵉⵖ ⵔⴰⵛⵉⴷ ⴰⵙⵍⴰⵍ, ⴰⵙⵎⴷⴰⵢ ⴷ ⵓⵎⵙⵙⵓⴼⵖ ⴰⵎⵖⵔⴰⴱⵉ, ⴷ ⵎⵓⵃⵎⵎⴷ ⵜⵉⵙⵙⵓⴳⵎⵉⵏ, ⴰⵎⴰⵔⴰ ⵏ ⵓⵙⵉⵏⴰⵔⵢⵓ, ⴷ ⵙⴰⵄⵉⴷ ⴰⴱⵕⵏⵓⵚ, ⴰⵎⴰⵔⴰ ⵏ ⵓⵙⵉⵏⴰⵔⵢⵓ, ⴷ ⵎⴰⵍⵉⴱⵓ ⵜⵉⵜⵣ, ⴰⵎⵓⵣⴰⵢ ⵏ ⵙⵙⵉⵏⵉⵎⴰ ⴰⴽⴰⵏⴰⴷⵉ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B5%89%E2%B5%99%E2%B5%8F%E2%B5%89-%E2%B5%8F-%E2%B5%A1%E2%B5%93%E2%B5%94%E2%B5%96-%E2%B5%8F-%E2%B5%8D%E2%B4%BC%E2%B5%89%E2%B5%8D%E2%B5%8E-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B5%99%E2%B4%B3-11-%E2%B4%B0%E2%B5%94-15-%E2%B5%9B%E2%B5%93%E2%B5%9C%E2%B4%B0%E2%B5%8F%E2%B4%B1%E2%B5%89%E2%B5%94-%E2%B4%B0%E2%B4%B7-%E2%B5%A2%E2%B5%93%E2%B5%9B%E2%B4%BD%E2%B4%B0%E2%B5%8F-%E2%B4%B3-%E2%B4%B0%E2%B4%B3%E2%B4%B0%E2%B4%B7%E2%B5%89%E2%B5%94