ⵢⴰⵡⵓⵏⴷⵉ: ⵉⵙⵙⴼⵓⵍⴽⵉ ⴱⴰⵀⵔⴰ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵏ ⵉⵎⵓⵙⵍⵎⵏ ⵜⴰⵙⵏⵜⴰⵢⵜ ⵜⴰⵟⵍⴰⵙⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵅⴼ ⵜⵎⵉⵣⴰⵔ ⵏ ⵙⵙⴰⵃⵉⵍ

30 ⵖⵓⵛⵜ 2024 Version Imprimable

ⵕⵕⴱⴰⵟ - ⵜⵙⵙⴼⵓⵍⴽⵉ ⴱⴰⵀⵔⴰ ⵜⵙⵙⵓⵜⵍⵜ ⵜⵉⵙⵙ 50 ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵏ ⵉⵎⵓⵙⵍⵎⵏ ⴳ ⵢⴰⵡⵓⵏⴷⵉ ⵜⴰⵙⵏⵜⴰⵢⵜ ⵜⴰⵟⵍⴰⵙⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵓⵙⴷⵓⵙ ⵏ ⵓⴽⵛⵛⵓⵎ ⵏ ⵜⵎⵉⵣⴰⵔ ⵏ ⵙⵙⴰⵃⵉⵍ ⵙ ⵉⵍⵍ ⴰⵟⵍⴰⵚⵉ.

ⵉⵏⵏⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴷ ⵉⵏⵊⵉⵔⵉⵢⵏ ⵏ ⴱⵕⵕⴰ, ⴱⴰⴽⴰⵔⵉ ⵢⴰⵡ ⵙⴰⵏⴳⴰⵔⵉ, ⵍⵍⵉ ⵢⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⵙⵙ ⵏ ⵓⴽⴰⵡⴰⵙ ⵎⴰⵙ ⵜⴳⴰ ⵜⵙⵏⵜⴰⵢⵜ ⵜⴳⵍⴷⴰⵏⵜ ⴰⴷ ⵢⴰⵜ ⵜⵖⴰⵡⵙⴰ ⵉⵖⴰⵓⴷⴰⵏ ⴷ ⴰⵏⴰⵡ ⵉⵃⵍⴰⵏ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.

ⵉⵏⵏⴰ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⵏⵉⵊⵉⵔ ⵓⵔ ⵉⵍⵍⵉ ⵓⵎⵢⴰⵡⴰⵙ ⵢⵓⴼⵏ ⵖⴰ ⵏⵙⵙⵓⴼⵓⵍⴽⵉ ⴰⴱⵀⵔⴰ ⵜⵙⵏⵜⴰⵢⵜ ⴰⴷ ⵍⵍⵉ ⴷⴰⵔ ⵓⵔ ⵉⵍⵍⵉ ⴰⵏⴰⵡ , ⵉⵔⵏⵓ ⵉⵏⵏⴰ ⵎⴰⵙ ⵍⵍⴰⵏⵜ ⵜⵉⵎⵓⴽⵔⵉⵙⵉⵏ ⴷⴰⵔ ⵜⵉⵎⵉⵣⴰⵔ ⵏ ⵙⵙⴰⵃⵉⵍ ⵙⵍⴰⵡⴰⵏ ⴰⴽⴽⵯ ⴰⵎⴰⵡⴰ ⴷ ⵓⴽⵛⵛⵓⵎ ⵙ ⵉⵍⵍ.

ⵉⵙⴷⴷⵉⴷ ⵓⵎⵙⵜⴳⴳⵔ ⴰⵏⵉⵊⵉⵔⵉ ⵎⴰⵙ ⵉⴳⴰ ⵍⵎⵖⵔⵉⴱ ⵢⴰⵜ ⵜⵎⴰⵣⵉⵔⵜ ⵜⴰⵎⵇⵕⴰⵏⵜ ⵉ ⵏⵉⵊⵉⵔ ⴷ ⵜⴰⵎⵓⵏⵜ ⵏ ⵉⵡⴰⵏⴽⵏ ⵏ ⵙⵙⴰⵃⵉⵍ, ⵉⵙⵙⴽⵜⵉⴷ ⵎⴰⵙ ⵜⵥⴹⴰⵕ ⵜⵙⵏⵜⴰⵢⵜ ⴰⴷ ⴰⴷ ⵙⵙⵉⴳⵓⵜ ⵉⴼⵜⵙⵏ ⵏ ⵍⵎⵓⵏⵜ ⵏ ⵜⵉⵎⵉⵣⴰⵔ ⵏ ⵜⴰⵙⴳⴰ ⵢⴰⴷ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵎⴰⵍⵉ, ⵄⴱⴷⵍⵍⴰⵀ ⴷⵢⵓⴱ, ⵎⴰⵙ ⵜⴳⴰ ⵜⵙⵏⵜⴰⵢⵜ ⵜⴳⵍⴷⴰⵏⵜ ⵏ ⵓⵏⵍⵢⴰⴽⴰⵎ ⴷ ⵉⵍⵍ ⴰⵟⵍⴰⵙⵉ ⵢⴰⵜ ⵜⵖⴰⵡⵙⴰ ⵉⵖⴰⵓⴷⴰⵏ ⴷⴰⵔ ⵜⵉⵎⵉⵣⴰⵔ ⵏ ⵙⵙⴰⵃⵉⵍ .

ⵜⴽⴽⴰⵜⵏ ⵜⵙⵓⵜⵍⵜ ⵜⵉⵙⵙ 50 ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵏ ⵉⵎⵓⵙⵍⵎⵏ ⵜⵕⵥⵎ ⴳ ⵢⴰⵡⵓⵏⴷⵉ ⵙ ⵜⴷⵔⴰⵡⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%A2%E2%B4%B0%E2%B5%A1%E2%B5%93%E2%B5%8F%E2%B4%B7%E2%B5%89-%E2%B5%89%E2%B5%99%E2%B5%99%E2%B4%BC%E2%B5%93%E2%B5%8D%E2%B4%BD%E2%B5%89-%E2%B4%B1%E2%B4%B0%E2%B5%80%E2%B5%94%E2%B4%B0-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B5%8F-%E2%B5%9C%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%89%E2%B5%8E%E2%B5%93%E2%B5%99%E2%B5%8D%E2%B5%8E%E2%B5%8F