Published on MAPNews (https://www.mapnews.ma/am)

Accueil > ⵍⵃⴰⵡⵣ: ⵜⴰⵎⵀⵍⵜ ⵏ ⵓⴽⵓⵙ ⵏ ⵓⵇⵍⵍⵉⵊ ⵜⵇⵕⵕⴱ ⴰⴷ ⵜⵜⵎⵎⴰ ⵎⵇⵇⴰⵕ ⵍⵍⵉⵖ ⵛⵇⵇⴰⵏ ⵉⵔⵇⴰⵣⵏ

ⵍⵃⴰⵡⵣ: ⵜⴰⵎⵀⵍⵜ ⵏ ⵓⴽⵓⵙ ⵏ ⵓⵇⵍⵍⵉⵊ ⵜⵇⵕⵕⴱ ⴰⴷ ⵜⵜⵎⵎⴰ ⵎⵇⵇⴰⵕ ⵍⵍⵉⵖ ⵛⵇⵇⴰⵏ ⵉⵔⵇⴰⵣⵏ

06 ⵛⵓⵜⴰⵏⴱⵉⵔ 2024 Version Imprimable
ⵕⵕⴱⴰⵟ - ⵜⵇⵕⵕⴱ ⴰⴷ ⵜⵜⵎⵎⴰ ⵜⵎⵀⵍⵜ ⵏ ⵓⴽⵓⵙ ⵏ ⵓⵇⵍⵍⵉⵊ ⵏ ⵜⴳⵯⵎⵎⴰ ⵉⵅⵍⴰⵏ ⴳ ⵜⵙⴳⴰ ⵏ ⵍⵃⴰⵡⵣ ⴷⴼⴼⵉⵔ ⵏ ⵜⵣⵓⵣⵜ ⵏ ⴰⵙⵙ 8 ⵛⵓⵜⴰⵏⴱⵉⵔ 2023 ⴷⴼⴼⵉⵔ ⵏ ⵓⵙⵔⵉⵔⵔⵉ ⵏ ⵜⵡⵡⵓⵔⵉⵡⵉⵏ ⵏ ⵜⵏⴱⴰⴹⵉⵏ ⵜⴷⵖⵔⴰⵏⵉⵏ ⵎⵇⵇⴰⵕ ⵍⵍⵉⵖ ⵛⵇⵇⴰⵏ ⵉⵔⵇⴰⵣⵏ ⵉⵍⵍⴰⵏ ⴳ ⵜⵙⴳⴰ ⵢⴰⴷ ⵏ ⵍⵎⵖⵔⵉⴱ.

ⵙ ⵜⵙⵏⵙⵉ ⵏ ⵉⵏⴹⵏ ⵉⴳⵍⴷⴰⵏ ⵢⴰⵜⵜⵓⵢⵏ, ⵎⵏⵏⴰⵡ ⵏ ⵉⴼⵙⴰⵢⵏ ⵢⵓⵙⴰⵏⵏ ⴰⵔ ⵜⵜⵓⴹⴼⴰⵕⵏ ⴳ ⵜⵙⴳⴰ ⵢⴰⴷ, ⵎⴰ ⵢⴰⴷ ⵓⵙⴱⵖⵔⵏ ⵉ ⵢⵎⴷⵢⴰⵡⵏ ⵉⵅⵛⵛⵏ.

ⴳ ⵓⵎⵏⴰⴹ ⴰⴷ, ⵉⵏⵏⴰ ⵢⵓⵙⴼ ⵡⵔⴷⵓⵏⵉ, ⴰⵏⵎⵀⴰⵍ ⴰⵙⴳⴰⵡⴰⵏ ⵏ ⵓⵡⴰⵎⴰ ⴷ ⵡⴰⵎⴰⵏ ⴳ ⵍⵃⴰⵡⵣ, ⴰⵎⵎⴰⵙ ⵏ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵜⵏⵖⵎⴰⵙⵜ (ⵍⴰⵎⴰⴱ), ⵎⴰⵙ ⵜⴰⵎⵀⵍⵜ ⵏ ⵓⴽⵓⵙ ⵜⵍⴽⵎ ⵜⴽⵍⵉ ⵉⴳⴳⵯⵔⴰⵏ ⵏⵏⵙ.

ⵉⵏⵏⴰ ⵎⴰⵙ ⵓⴳⴳⴰⵔ ⵏ 23.360 ⵜⵉⴳⵎⵎⵉ ⴰⴷ ⵉⵅⵍⴰⵏ ⴷ ⵎⴰⵙ ⵉⵍⴽⵎ ⵓⵙⵖⵍ ⵏ ⵓⴽⵓⵙ 99% ⴳ ⵜⵙⴳⴰ ⵢⴰⴷ.

ⵉⴼⵔⴰ ⵢⵏⵏⴰ ⵎⴰⵙ ⵜⵎⵀⵍⵜ ⴰⴷ ⵜⴱⵉⴷⴷ ⴷⴰⵜ ⵎⵏⵏⴰⵡ ⵏ ⵉⵏⵎⴰⵔⵏ ⵉⵣⴷⵉⵏ ⴷ ⵓⵙⵏⵏⵉⵣⵡⴰ ⵏ ⵉⴹⵡⵡⴰⵕⵏ ⴷ ⵓⵏⵎⵔⵉ ⵏ ⵓⴽⵓⵙ ⵏ ⵓⵇⵍⵍⵉⵊ ⴰⴼ ⴰⴷ ⵍⴽⵎⵏⵜ ⵜⵏⴱⴰⴹⵉⵏ ⵙ ⵉⴹⵡⵡⴰⵕⵏ ⴰⴷ.

ⵜⴰⵎⵀⵍⵜ ⴰⴷ ⵜⵕⵥⵎ 8 ⵏ ⵉⵖⴰⵔⴰⵙⵏ ⵉⵙⵎⵉⵍⵏ ⴷ 35 ⵓⵔ ⵉⵙⵎⵉⵍⵏ ⴳ ⵓⵎⵎⴰⵙ ⴰⴼⴰⵔⴰⵏ ⴷ ⵜⵙⵙⵍⴽⵎ ⵉⵎⴰⵡⴰⵙⵏ ⵉ ⵢⴹⵡⵡⴰⵕⵏ ⴷ ⵜⵙⵙⵓⴼⵖ ⵉⵎⴰⴳⵓⵙⵏ, ⵎⴰⵢⴰⴷ ⵙⵓⵍ ⵉⵏⵏⴰ.

"ⵥⴹⴰⵕⵏⵜ ⵜⵏⴰⴼⵓⵜⵉⵏ ⵏ ⵜⵎⵀⵍⵜ ⵜⴰⵙⴳⴰⵡⴰⵏⵜ ⵏ ⵓⵎⴰⵡⴰ ⴰⴷ ⵕⵥⵎⵏⵜ ⴰⵖⴰⵔⴰⵙ ⵡⵉⵙⵙ 7, ⵎⴰⵢⴰⴷ ⵉⴳⴰⵏ ⴰⴱⵔⵉⴷ ⴰⴽⴽⵯ ⵉⴷⴷⵓⵔⵏ ⴳ ⵜⵙⴳⴰ ⵢⴰⴷ", ⵎⴰ ⵢⴰⴷ ⵉⵏⵏⴰ ⵎⴰⵙ ⵡⵔⴷⵓⵏⵉ.

ⴰⵖⴰⵔⴰⵙ ⴰⴷ ⵉⵙⵎⴰⵏ ⴽⴽⵓⵥ ⵏ ⵜⴳⵔⴰⵡⵉⵏ ⵜⵉⴼⴰⵔⴰⵏⵉⵏ ⵎⴰ ⵢⴰⴷ ⵉⴳⴰⵏ ⵡⵉⵔⴳⴰⵏ ⴷ ⵉⵎⵉⴳⴷⴰⵍ ⴷ ⵉⵊⵓⴽⴰ ⴷ ⵜⵍⴰⵜ ⵏ ⵢⵄⵇⵓⴱ. ⵍⵍⵉⵖ ⵜⵎⵎⴰⵏⵜ ⵜⵡⵡⵓⵔⵉⵡⵉⵏ, ⵜⴰⵣⴷⴰⵢⵜ ⴳⵔ ⵜⴳⵔⴰⵡⵉⵏ ⴰⴷ ⵔⴰⴷ ⵜⵄⴷⵍ ⴷ ⵜⵙⵃⵓ ⴷⴰⵜ ⵏ ⵉⵎⴷⵊⴰⵏⵏ ⵉⴳⴰⵎⴰⵏⵏ.

 

Source URL: https://www.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B5%8D%E2%B5%83%E2%B4%B0%E2%B5%A1%E2%B5%A3-%E2%B5%9C%E2%B4%B0%E2%B5%8E%E2%B5%80%E2%B5%8D%E2%B5%9C-%E2%B5%8F-%E2%B5%93%E2%B4%BD%E2%B5%93%E2%B5%99-%E2%B5%8F-%E2%B5%93%E2%B5%87%E2%B5%8D%E2%B5%8D%E2%B5%89%E2%B5%8A-%E2%B5%9C%E2%B5%87%E2%B5%95%E2%B5%95%E2%B4%B1-%E2%B4%B0%E2%B4%B7-%E2%B5%9C%E2%B5%9C%E2%B5%8E%E2%B5%8E%E2%B4%B0-%E2%B5%8E%E2%B5%87%E2%B5%87%E2%B4%B0%E2%B5%95-%E2%B5%8D%E2%B5%8D%E2%B5%89%E2%B5%96-%E2%B5%9B%E2%B5%87%E2%B5%87%E2%B4%B0%E2%B5%8F-%E2%B5%89%E2%B5%94%E2%B5%87%E2%B4%B0%E2%B5%A3%E2%B5%8F