ⵢⵓⵛⴽⴰⴷ ⴳ ⵜⵓⵙⵎⵉⵔⵜ ⴰⴷ ⵉⵛⵛⴰⵔⵏ ⴷⴼⴼⵉⵔ ⵏ ⵢⴰⵏ ⵓⵏⵎⵓⵇⵇⴰⵔ ⵉⵜⵜⵓⵙⵏⵎⴰⵍⴰⵏ ⴰⵙⵙ ⵏ ⵓⵏⵢⴰⵙ ⴳ ⵕⵕⴱⴰⵟ ⴳⵔ ⴰⵎⴰⵡⴰⵙ ⵏ ⵜⵉⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⴷ ⵡⵉⵏ ⵉⵙⵜⵓⵏⵢⴰ ⵎⴰⵔⴳⵓⵙ ⵜⵙⴰⵀⴰⴽⵏⴰ ⵎⴰⵙ ⵜⵙⴷⴷⵉⴷ ⵉⴷⵜⵓⵏⵢⴰ ⵎⴰⵙ ⵉⴳⴰ ⵓⵖⴰⵡⴰⵙ ⵍⵍⵉ ⵉⵙⵔⵙ ⵍⵎⵖⵔⵉⴱ ⴳ ⴰⴱⵔⵉⵔ 2007 ⵉ ⵢⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵉⵎⵜⵜⴰ ⵉⵎⵓⵏⵏ ⵜⴰⵙⵉⵍⴰ ⵉⵖⵓⴷⴰⵏ ⴷ ⵍⵎⴰⵄⵇⵓⵍ ⴰⴼⴰⴷ ⴰⴼⵙⵙⴰⵢ ⵏ ⵜⵎⵓⴽⵔⵉⵙⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ.
ⴳ ⵓⵙⴰⵜⵉ ⵢⴰⴷ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵏ ⵜⴰⴷⵉⴱⵍⵓⵎⴰⵙⵉⵜ ⵜⴰⵙⵜⵓⵏⵉⵜ ⵜⵉⴽⵍⵉⵜ ⵢⴰⴹⵏ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉ ⵜⴰⵡⵓⵔⵉ ⴷⴷⵓ ⵢⵉⵡⵉⵣ ⵏ ⵜⵉⵎⵜⵜⴰ ⵉⵎⵓⵏⵏ ⴰⴼⴰⴷ ⵢⴰⵏ ⵓⴼⵙⴰⵢ ⴰⵙⵔⵜⴰⵏ ⴷ ⴰⵣⵔⴼⴰⵏ ⴷ ⴰⴱⵔⴰⴳⵎⴰⵜⵉ ⵅⴼ ⵎⵙⴰⵙⴰⵏ ⵉⴳⵎⴰⵎⵏ ⴰⴽⴽⵯ”.
ⵜⵎⵍⴰ ⵜⵓⵙⵎⵉⵔⵜ ⴰⴷ ⵉⵛⵛⴰⵔⵏ ⵎⴰⵙ ⵉⵎⵙⴰⵙⴰ ⵍⵎⵖⵔⵉⴱ ⴷ ⵉⵙⵜⵓⵏⵢⴰ ⵅⴼ ⵜⴰⵡⵓⵔⵉ ⵉⵥⵍⵉⵏ ⵏ ⵜⵉⵎⵜⵜⴰ ⵉⵎⵓⵏⵏ ⴳ ⵓⵖⴰⵡⴰⵙ ⴰⵙⵔⵜⴰⵏ ⵎⵍⵏ ⵓⵍⴰ ⴰⵏⵏⴰⵍ ⵏⵏⵙⵏ ⵉ ⵜⴰⵖⵜⴰⵙⵜ 2703 ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵏ ⵜⵉⵎⵜⵜⴰ ⵉⵎⵓⵏⵏ ⵍⵍⵉ ⵉⵙⴰⵡⵍⵏ ⵅⴼ ⴰⴷⴷⵓⵔ ⴷ ⵜⴰⵎⵙⴳⴳⵓⵔⵜ ⵏ ⵉⴳⵎⴰⵎⵏ ⴰⴷ ⴰⴼⵏ ⴰⴼⴰⵙⵢ ⴰⵙⵔⵜⴰⵏ ⵅⴼ ⵉⵍⵍⴰ ⵓⵎⵙⴰⵙⴰ.
ⵖⵎⴽⵍⵍⵉ ⵙⴰⵡⵍⵏ ⵉⵎⴰⵡⴰⵙⵏ ⵅⴼ ⴰⴷⴷⵓⵔ ⵏ ⵉⵎⵏⵣⴰⵢⵏ ⵏ ⵜⵉⵔⵔⴰ ⵏ ⵜⵉⵎⵜⵜⴰ ⵉⵎⵓⵏⵏ ⵙⵍⴰⵡⴰⵏ ⴰⴽⴽ ⵍⵉⵃⵜⵉⵔⴰⵎ ⵏ ⵡⴰⴽⴰⵍ ⵏ ⵜⵉⵎⵉⵣⴰⵔ ⴷ ⵜⴰⵎⵓⵏⵜ ⵏⵏⵙⵏⵜ.
ⵜⵓⵛⴽⴰⴷ ⵜⴰⵏⵏⴰⵢⵜ ⴰⴷ ⵏ ⵉⵙⵜⵓⵏⵢⴰ ⵉⵎⵙⴰⵙⴰⵏ ⴷ ⵜⴰⵏⵏⵢⵉⵏ ⵏ ⵜⵉⵎⵉⵣⴰⵔ ⵏ ⵓⵕⵓⴱⴱⴰ ⴳ ⵓⵙⴰⵜⵉ ⵏ ⵜⴰⴷⵉⵏⴰⵎⵉⵜ ⵏ ⵡⴰⵏⵏⴰⵍ ⴰⴳⵔⴰⵖⵍⴰⵏ ⵉ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵍⵄⴽⵎ ⴷⴷⴰⵜⵉ ⴷ ⵜⴰⵎⵓⵏⵜ ⵏ ⵍⵎⵖⵔⵉⴱ ⴷ ⵚⵚⵃⵕⴰ ⵏⵏⵙ.