Published on MAPNews (https://www.mapnews.ma/am)

Accueil > ⵉⵕⵥⵎ ⵎⴰⵙⵙ ⵍⴱⵡⴰⵔⵉ ⵜⴰⵡⵓⵔⵉ ⵏ ⵜⵢⵔⵣⴰ ⴳ ⵜⴰⵙⴳⴰ ⵏ ⵍⵃⴰⵊⴱ

ⵉⵕⵥⵎ ⵎⴰⵙⵙ ⵍⴱⵡⴰⵔⵉ ⵜⴰⵡⵓⵔⵉ ⵏ ⵜⵢⵔⵣⴰ ⴳ ⵜⴰⵙⴳⴰ ⵏ ⵍⵃⴰⵊⴱ

28 ⴽⵟⵓⴱⵕ 2024 Version Imprimable
ⵍⵃⴰⵊⴱ -  ⵉⴼⴽⴰ ⵓⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴳ ⵜⵉⴳⵎⵉ ⵜⴰⵏⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ ⵎⴰⵙⵙ ⵃⵎⴰⴷ ⵍⴱⵡⴰⵔⵉ ⴰⵙⵙ ⵏ ⵓⵙⵉⴹⵢⴰⵙ ⵙⴳ ⵜⴰⴳⵔⴰⵡⵜ ⴰⵢⵜ ⵏⵄⵎⴰⵏ ⴳ ⵜⴰⵙⴳⴰ ⵏ ⵍⵃⴰⵊⴱ ⴰⵔⵥⵥⵓⵎ ⵏ ⵜⴰⵡⵓⵔⵉ ⵏ ⵜⵢⵔⵣⴰ ⴳ ⵓⵙⵡⵉⵔ ⴰⵏⴰⵎⵓⵔ.

 ⵜⵔⴰ ⵜⴰⵙⵏⵜⴰⵢⵜ ⴰⴷⵍⵍⵉ ⴷ ⵢⵓⵛⴽⴰⵏ ⵙ ⵓⵣⵎⵣⵣⵓ ⵏ ⵓⵕⵥⵥⵓⵏ ⵏ ⵓⵣⵎⵣ ⴰⵏⴼⵍⴰⵃ 2024/2025 ⵙⴳ ⴰⵣⴰⵖⴰⵔ ⵏ ⵙⴰⵢⵙ ⵜⴰⵏⴽⵔⴰ ⵙ ⵜⴰⴼⵍⵍⴰⵃⵜ ⴷⴰⵔ ⵜⴰⵢⴼⵓⵜ ⴷ ⵜⴰⵙⵓⵍⴰⵏⵜ ⴳ ⵜⴰⵙⴳⴰ ⵏ ⴼⴰⵙ ⵎⴽⵏⴰⵙ .

ⵉⵙⴷⴷⵉⴷ ⵓⵎⴰⵡⴰⵙ ⵏ ⴼⵍⵍⴰⵃⵜ ⵙ ⵓⵣⵎⵣⵣⵓ ⵢⴰⴷ ⵅⴼ ⵣⴰⴷⴷⵓⵔ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵢⵔⵣⴰ ⵍⵍⵉ ⵉⵔⴰⵏ ⴰⴷ ⵉⴷⵍ ⴰⵙⴰⵢⵙ ⵏ 260000 ⵏ ⵀⵉⴽⵜⴰⵔ ⴳ ⵓⵣⵎⵣ ⴰⵏⴼⵍⴰ 2024/2025  ⴰⴼⴰⴷ ⴰⴷ ⵉⵍⴽⵎ ⵎⵍⵢⵓⵏ ⵀⵉⴽⵜⴰⵔ ⴳ 2030.

 ⴰⴼⴰⴷ ⴰⵎⵓⵔⵙ ⵏ ⵓⵖⴰⵡⴰⵙ ⴰⴷ ⵔⴰⴷ ⵜⴼⴽ ⵜⴰⵎⵡⴰⵙⵜ 200 ⵏ ⵍⵎⴽⵉⵏⴰ ⵏ ⵜⵢⵔⵣⴰ ⵉ ⵜⵉⵎⵙⵎⵓⵏⵉⵏ ⵜⵉⵏⴼⵍⴰⵃⵉⵏ ⴷ ⴰⵏⵏⴰⵍ ⵏ ⵉⴼⵍⵍⴰⵃⵏ ⴰⴼⴰⴷ ⴰⴷ ⴹⵕⵏ ⵜⵉⵇⵏⵉⵢⴰ ⵢⴰⴷ.

ⴳ ⵓⵙⵡⵉⵔ ⵏ ⵓⴳⵊⴷⵉ ⵏ ⵍⵊⴰⵡⴷⴰ ⵖⴷⴰⵉⵢⴰ , ⵙⵙⴳⵎⴹⵏⵜ 28 ⵏ ⵜⵎⵙⵎⵓⵏⵜ ⵜⵉⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⴰⴷⴰⴷ ⴰⴷ ⴰⵎⵥⵏⵜ ⵉⴱⵖⵓⵔⵏ ⴳ ⵍⵎⴽⵉⵏⴰⵜ ⴰⴷ ⵏ ⵜⵢⵔⵣⴰ  ⴳⵓⵙⴰⵜⵉ ⵏ ⵓⵖⴰⵡⴰⵙ ⵏ 2024/2025 .

ⵜⴷⵍ ⵜⴰⵙⵏⵜⴰⵢⵜ ⴰⵙ ⵎⵏⵏⴰⵡⵜ ⵏ ⵜⵉⵙⴳⴳⵉⵡⵉⵏ ⵏ ⵜⴰⵙⴳⴰ ⵔⴰⴷ ⵜⵢⴰⴼⴽⴰⵏⵜ 5 ⵏ ⵍⵎⴽⵉⵏⴰⵜ ⴳ ⵎⴽⵏⴰⵙ ⴷ 4 ⴳ ⵍⵃⴰⵊⴱ ⴷ ⴼⴰⵙ ⴷ ⵎⵓⵍⴰⵢ ⵄⵇⵓⴱ ⴷ ⵜⴰⵡⵏⴰⵜ ⴷ ⵙⵏⴰⵜ ⴳ ⴱⵓⵍⵎⴰⵏ.

 ⴳ ⵢⴰⵜ ⵜⵙⴳⵓⵔⵉ ⵙ ⵓⵣⵎⵣⵣⵓ ⵢⴰⴷ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵍⵖⵓⵔⴼⴰ ⵜⴰⵏⴼⵍⴰⵃⵜ ⴳ ⵜⴰⵙⴳⴰ ⵏ ⴼⴰⵙ ⵎⴽⵏⴰⵙ ⵍⵚⵟⴰⴼⴰ ⵎⵉⵙⵓⵔⵉ ⵅⴼ ⴰⴷⴷⵓⵔ ⵏ ⵜⵢⵔⵣⴰ ⵢⴰⴷ ⵙⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⴰⴷ ⵍⵍⵉ ⴳ ⵜⵍⵍⴰ ⵜⵖⴰⵔⵜ ⴳ ⵜⴰⵙⴳⴰ.

ⵙ ⵓⵣⵎⵣⵣⵓ ⵢⴰⴷ ⵉⴷⴽⵔ ⵓⵎⴰⵡⴰⵙ ⴰⵔⵣⴰⴼ ⵉⵎⵏⵏⴰⵡ ⵉⴷⵖⴰⵔⵏ ⵉⵙⵜⵔⴰⵜⵉⵊⵉⵢⵏ ⵣⵓⵏⴷ ⵢⴰⵏ ⵓⴳⵣⵣⵓⵎ ⵏ ⵓⵃⵟⵟⵓ ⵏ ⵓⵥⴰⵍⵉⵎ ⴳ ⵜⴰⴳⵔⴰⵡⵜ ⵏ ⵍⵇⵚⵉⵔ ⴳ ⵜⴰⵙⴳⴰ ⵏ ⵍⵃⴰⵊⴱ ⴷ ⵡⴰⵎⵎⴰⵙ ⵏ ⵡⴰⵎⵓⴷ ⵏ ⵛⴰⵔⵉⴽⴰ ⵏ ⵙⵓⵏⴰⴽⵓⵙ ⵏ ⵎⴽⵏⴰⵙ ⵍⵍⵉ ⵉⵜⵜⴰⵡⵙⵙⵇⴰⵏ ⵎⴰⵙ ⵉⵍⵍⴰ ⵄⵍⴰⵢⵏ 1.26 ⵎⵍⵢⵓⵏ ⵇⵏⵟⴰⵕ ⵏ ⵡⴰⵎⵓⴷ ⵏ ⵍⵅⵔⵉⴼ ⴳⵉⵙ 1.16 ⵎⵍⵢⵓⵏ ⵇⵏⵟⴰⵕ ⵍⵍⵉ ⵔⴰⴷ ⵜⴱⴹⵓ ⵙⵓⵏⴰⴽⵓⵙ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%95%E2%B5%A5%E2%B5%8E-%E2%B5%8E%E2%B4%B0%E2%B5%99%E2%B5%99-%E2%B5%8D%E2%B4%B1%E2%B5%A1%E2%B4%B0%E2%B5%94%E2%B5%89-%E2%B5%9C%E2%B4%B0%E2%B5%A1%E2%B5%93%E2%B5%94%E2%B5%89-%E2%B5%8F-%E2%B5%9C%E2%B5%A2%E2%B5%94%E2%B5%A3%E2%B4%B0-%E2%B4%B3-%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B5%8D%E2%B5%83%E2%B4%B0%E2%B5%8A%E2%B4%B1