Published on MAPNews (https://www.mapnews.ma/am)

Accueil > ⵉⵙⵙⵏ ⵓⵏⵎⴳⴳⴰⵔ ⴰⴳⵔⴰⵖⵍⴰⵏ ⵏ ⵜⵉⵢⵏⵉ ⵏ ⵍⵎⵖⵔⵉⴱ  ⴰⵎⵓⵔⵙ ⴰⵎⵇⵔⴰⵏ ⵣⵔⴼⵏⵜ 91000 ⵏ ⵓⴼⴳⴰⵏ

ⵉⵙⵙⵏ ⵓⵏⵎⴳⴳⴰⵔ ⴰⴳⵔⴰⵖⵍⴰⵏ ⵏ ⵜⵉⵢⵏⵉ ⵏ ⵍⵎⵖⵔⵉⴱ  ⴰⵎⵓⵔⵙ ⴰⵎⵇⵔⴰⵏ ⵣⵔⴼⵏⵜ 91000 ⵏ ⵓⴼⴳⴰⵏ

04 ⵏⵓⵡⴰⵏⴱⵉⵔ 2024 Version Imprimable
ⴰⵔⴼⵓⴷ - ⵜⵙⵙⵏ ⵜⴰⵙⵙⵓⵜⵍⵜ ⵜⵉⵙⵙ 13 ⵏ ⵓⵏⵎⴳⴳⴰⵔ ⴰⴳⵔⴰⵖⵍⴰⵏ ⵏ ⵜⵉⵢⵏⵉ ⵏ ⵍⵎⵖⵔⵉⴱ ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙⴳ 30 ⴽⵟⵓⴱⵔ ⴰⵔ 3 ⵏⵓⵡⴰⵏⴱⵉⵔ ⴳ ⴰⵔⴼⵓⴷ ⴷⴷⵓ ⵜⵉⵡⵉⵣⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵎⵓⵔⵙ ⴰⵎⵇⵔⴰⵏ ⴷⵔⴰⵏ ⴳⵉⵙ 230 ⵏ ⵉⵙⴼⵙⵔⵜⵏ  ⴷⵜⵙⵏⵓⴱⴳ ⵓⵍⴰ ⵓⴳⴳⴰⵔ ⵏ 91000 ⵏ ⵓⴼⴳⴰⵏ.

ⵉⵜⵜⵓⵙⵙⴰⵏ ⵓⵏⵎⵓⵇⵇⴰⵔ ⴰⴷ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵉⵙⵎ “ ⵉⵎⴷⴰⵜⵏ ⵏ ⵍⵎⵖⵔⵉⴱ ⴰⴼⴰⴷ ⵉⴳⵔⴰⵡⵉⵏ ⵉⵥⴹⴰⵕⵏ ⴰⴷ ⴱⴷⴷⵏ ⵎⵏⵉⴷ ⵉⵙⵏⴼⴰⵍⵏ ⵏ ⵓⵏⵣⵡⵉ” ⵙ ⵓⵙⵏⵎⴰⵍⴰ ⵏ ⵎⵏⵏⴰⵡ ⵏ ⵉⵏⵎⵓⵇⵇⴰⵔⵏ ⴷ ⵉⵣⵓⵍⴰⵏⵏ ⴷ ⵉⵎⵓⵙⵙⵓⵜⵏ ⵉⴱⵉⴷⵖⵓⵊⵉⵢⵏ ⴷ ⵜⵉⴱⵔⴰⵜⵉⵏ ⴷ ⵜⵉⴼⵓⴳⵍⴰⵡⵉⵏ ⴷ ⵜⵉⴽⴽⵉ ⵏ ⵜⵉⵙⵎⵖⵓⵔⵉⵏ ⵅⴼ ⵉⵎⴷⵔⴰⵡⵏ.

 ⵉⵏⵏⴰ ⵎⴰⵙⵙ ⵊⴰⵎⴰⵍ ⵎⵉⵎⵓⵏⵉ ⴰⵏⵎⵀⴰⵍ ⵏ ⵜⵙⴳⴰ ⵏ ⵜⴰⴼⵍⵍⴰⵃⵜ ⵏ ⴷⵔⴰ ⴷ ⵜⴰⴼⵉⵍⴰⵍⵜ ⵎⴰⵙ ⵉⵙⵙⵏ ⵓⵏⵎⵓⵇⵇⴰⵔ ⴰⴷ ⴰⵎⵓⵔⵙ ⴰⵅⴰⵜⴰⵔ ⴳ ⴰⴽⴽⵯ ⵉⵙⵡⵉⵔⵏ , ⵉⵙⴷⴷⵉⴷ ⵓⵍⴰ ⵎⴰⵙⵙ ⵜⵙⵙⵏ ⵜⴰⵙⵓⵜⵍⵜ ⴰⴷ ⴰⵙⵏⵓⴱⴳ ⵜⵓⴳⵜ ⵏ ⵉⵔⵣⴼⴰⵏ ⴷ ⴷ ⵜⴰⴷⵔⴰⵡⵜ ⵏ ⵉⵙⴼⵙⵔⵜⵏ ⴷ ⵉⵎⵙⴽⴰⵔⵏ ⵉⵅⴰⵜⴰⵔⵏ ⴳ ⵉⴱⵔ ⵏ ⵜⵉⵢⵏⵉ.

 ⵉⵔⵏⵓ ⵉⵏⵏⴰ ⴳ ⵢⴰⵜ ⵜⴰⵙⴳⵓⵔⵉ ⵓⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⴷⵔⴰⵏ 235 ⵏ ⵉⵙⴷⵙⴰⵔⵏ ⵙⴳ ⴽⵍⵖⵔⵉⴱ ⴷ ⵜⵉⵎⵉⵣⴰⵔ ⵢⴰⴹⵏ ⵉⵍⴽⵎ ⵓⵟⵟⵓⵏ ⵏ ⵉⵔⵣⴰⴼⵏ ⵓⴳⴳⴰⵔ ⵏ 91000  ⵏ ⵎⵉⴷⵏ ⴷ ⵜⴰⵙⴱⴱⴰⴱⵜ ⵍⵍⵉ ⵉⵣⵔⵉⵏ 37 ⵎⵍⵓⵉⵏ ⴷⵔⵀⵎ.

 ⴳ ⵜⴰⵙⴳⴰ ⵏⵏⵙ ⵉⵙⵙⴼⵓⵍⴽⵉ ⵎⴰⵙⵙ ⵄⴱⴷⵍⵡⴰⵀⵀⴰⴱ ⵣⴰⵢⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵙⵎⵖⵓⵔⵜ ⵏ  ⵅⴰⵍⵉⴼⴰ ⵏ ⵜⵉⵜⵏⵉ ⴰⵎⵓⵔⵙ ⴰⵅⴰⵜⴰⵔ ⵏ ⵓⵏⵎⵓⵇⵇⴰⵔ ⴰⵙ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵙⵏⵎⴰⵍⴰ ⴷ ⵜⴰⵢⴰⴼⵓⵜⵉⵏ ⵉⵖⵓⴷⴰⵏ .

ⵉⵍⵍⴰ ⴷⴰⵔ ⵓⵏⵎⵓⴰⴰⵇⵔ ⴰⴷ ⵍⵍⵉ ⵜⵙⵏⵎⴰⵍⴰ ⵜⵎⵙⵎⵓⵏⵜ  ⵏ ⵉⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵜⵉⵢⵏⵉ ⴳ ⵍⵎⵖⵔⵉⴱ ⴷⴷⵓ ⵜⴰⵎⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵜⵉⴳⵎⵉ ⵜⴰⵏⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵢⴰⵏ ⵓⵏⵙⴰ ⴰⵅⴰⵜⴰⵔ ⴷⴰⵔⵙ ⵢⴰⵏ ⵓⵖⴰⵡⴰⵙ ⵏ ⵓⵙⵡⵓⴷⴷⵓ ⵏ ⵉⵎⴷⴰⵜⵏ ⴷ ⵜⴰⵢⵔⵣⴰ ⵏ ⵜⴰⴷⴷⴰⴳⵉⵏ ⵏ ⵜⵉⵢⵏⵉ .

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%99%E2%B5%8F-%E2%B5%93%E2%B5%8F%E2%B5%8E%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B4%B3%E2%B5%94%E2%B4%B0%E2%B5%96%E2%B5%8D%E2%B4%B0%E2%B5%8F-%E2%B5%8F-%E2%B5%9C%E2%B5%89%E2%B5%A2%E2%B5%8F%E2%B5%89-%E2%B5%8F-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%C2%A0%E2%B4%B0%E2%B5%8E%E2%B5%93%E2%B5%94%E2%B5%99-%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F-%E2%B5%A3%E2%B5%94%E2%B4%BC%E2%B5%8F%E2%B5%9C-91000-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F