Published on MAPNews (https://www.mapnews.ma/am)

Accueil > ⵜⴰⵙⵙⵓⵜⵍⵜ ⵜⴰⵎⴰⵡⵙⴰⵙⴰⵏⵜ ⵜⵉⵙⵙ 40 ⵓⴳⵔⴰⵡ ⴽⵓⵎⵉⵙⵎ .. ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴷⴰⵎⵙⴰⵏⵜ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ

ⵜⴰⵙⵙⵓⵜⵍⵜ ⵜⴰⵎⴰⵡⵙⴰⵙⴰⵏⵜ ⵜⵉⵙⵙ 40 ⵓⴳⵔⴰⵡ ⴽⵓⵎⵉⵙⵎ .. ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴷⴰⵎⵙⴰⵏⵜ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ

04 ⵏⵓⵡⴰⵏⴱⵉⵔ 2024 Version Imprimable
ⵉⵙⵟⴰⵏⴱⵓⵍ - ⵉⵏⵏⴰ ⵓⵏⵎⵀⴰⵍ ⵉⵜⵜⵓⵙⵎⴳⴰⵍⵏ ⵙ ⵓⵙⴳⵓⴷⴷⵓ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ ⵎⵓⵃⵎⵎⴷ ⵙⴰⵍⵎ ⵛⴰⵔⵇⴰⵡⵉ ⵎⴰⵙ ⵜⴳⴰ ⵜⴰⵙⵙⵓⵜⵍⵜ ⵜⴰⵎⴰⵡⵙⴰⵙⴰⵏⵜ ⵜⵉⵙⵙ 40 ⵓⴳⵔⴰⵡ ⴰⵙⵓⵍⴰⵏ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⴷ ⵡⵉⵏ ⵜⵙⴱⴱⴰⴱⵜ ⴳⵔ ⵜⵉⵎⵉⵣⴰⵔ ⵏ ⵓⴳⵔⴰⵡ ⵏ ⵓⵎⵢⴰⵡⵙ ⵏ ⵍⵉⵙⵍⴰⵎ “ ⴽⵓⵎⵉⵙⵎ “ ⵍⵍⵉ ⵉⵜⵜⵓⵕⵥⵎⵏ ⴰⵙⵙ ⵏ ⵓⵏⵢⴰⵙ ⴳ ⵉⵙⵟⴰⵏⴱⵓⵍ ⵎⴰⵙ ⵜⴳⴰ ⵢⴰⵏ ⵓⵣⵎⵣⵣⵓ ⵓⵙⵎⵏⵉⴷ ⵏ ⵜⵢⴰⴼⵓⵜ ⵜⴰⴷⴰⵎⵙⴰⵏⵜ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ.

ⵉⵔⵏⵓ ⵉⵏⵏⴰ ⵎⴰⵙⵙ ⵛⵔⵇⴰⵡⵉ ⴳ ⵢⴰⵜ ⵜⴰⵙⴳⵓⵔⵉ ⵢ ⵜⴰⵙⵏⵓⵔⴰⵓⵢ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⴰⵢⴰⴼⵓⵜ ⵏ ⵜⴰⵡⵓⵔⵉ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ ⵉⴳⴰⵏ ⵉⵖⵉⵍ ⵏ ⵓⵣⵓⴳⵣ ⵏ ⵜⴰⴳⵔⴰⵡⵜ ⵏ ⵍⵇⵓⴷⵙ ⵙ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⵍⴰⵡⴰⵏ ⴰⴽⴽⵯ ⴳ ⵉⴷⵖⴰⵔⵏ ⵉⵥⵍⵉⵏ ⵙ ⵜⴰⵙⴱⴱⴰⴱⵜ ⴷ ⵜⴰⴷⴰⵎⵙⴰ.

 ⵉⵙⵙⴽⵜⵉⴷ ⴳ ⵓⵙⴰⵜⵉ ⵢⴰⴷ ⴰⵕⵥⵥⵓⵎ ⵏ ⵜⵙⵏⵓⵔⴰⵢⵜ ⵏ ⵜⵉⴳⵎⵎⵉ ⵏ ⵉⴷⵔⵉⵎⵏ ⵏ ⵍⵇⵓⴷⵙ ⵛⴰⵔⵉⴼ ⵏ ⵜⴰⵙⵍⴰ “ⴷⵍⴰⵍⴰ” ⵏ ⵜⵙⴱⴱⴰⴱⵜ ⵜⴰⵍⵉⴽⵜⵔⵓⵏⵉⵜ ⵍⵍⵉ ⵉⴳⴰⵏ ⵜⴰⵙⵉⵍⴰ ⵏ ⵓⵍⵢⴰⵡⴰⵙ ⴰⵏⴰⵎⵓⵏ ⵉⵔⴰⵏ ⴰⵏⵏⴰⵍ ⵏ ⵓⵙⴱⴱⴰⴱⵏ ⴷ ⵜⵉⵎⵔⵙⴰⵍ ⵜⵉⵏⴰⵎⵓⵏⵉⵏ ⴷ ⵜⵉⵎⵙⵎⵓⵏⵉⵏ ⴳ ⵍⵇⵓⴷⵙ ⴰⴼⴰⴷ ⴰⴷ ⵣⵣⵏⵣⵏⵜ ⵜⵉⵏⴰⴼⵓⵜⵉⵏ ⵏⵏⵙⵏⵜ ⵙ ⵜⴰⵡⵓⵔⵉ ⵜⴰⵍⵉⴽⵜⵔⵓⵏⵉⵜ.
 
ⴳ ⵜⴰⵙⴳⴰ ⵢⴰⴹⵏ , ⵉⵙⴷⴷⵉⴷ ⵎⴰⵙ ⵛⵔⵇⴰⵡⵉ ⵎⴰⵙ ⴳⴰⵏ ⵣⵓⵏⴷ ⵉⵏⵎⵓⵇⴰⵔⵏ ⴰⴷ ⴰⵣⵎⵣⵣⵓ ⵏ ⵓⵎⵙⵉⵡⵍ ⴳ ⵓⵎⴰⴹⴰⵍ ⵅⴼ ⵉⵎⵓⴽⵔⵉⵙⵉⵏ ⵏ ⵜⵉⵎⵉⵣⴰⵔ ⵜⵉⵎⵓⵙⵍⵎⵉⵏ ⴳ ⵉⴳⵔⴰⵏ ⵏ ⵜⴰⴷⴰⵎⵙⴰ ⴷ ⴰⵏⴰⵎⵓⵏ ⵍⵍⵉ ⵉⵍⵍⴰⵏ ⵎⵏⵉⴷ ⵏ ⵜⴰⵎⴷⵉⵏⵜ ⵏ ⵍⵇⵓⴷⵙ ⵛⴰⵔⵉⴼ ⴳ ⵓⵙⵡⵉⵔ ⵏ ⵓⵔ ⵍⵀⵏⴰ ⵏ ⵜⴰⵏⴼⵔⵓⵜ.

 ⵉⴳⴰ ⵓⴳⵔⴰⵡ ⴰⵙⵓⵍⴰⵏ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⴷ ⵡⵉⵏ ⵜⵙⴱⴱⴰⴱⵜ ⴳⵔ ⵜⵉⵎⵉⵣⴰⵔ ⵏ ⵓⴳⵔⴰⵡ ⵏ ⵓⵎⵢⴰⵡⵙ ⵏ ⵍⵉⵙⵍⴰⵎ “ ⴽⵓⵎⵉⵙⵎ ⵍⵍⵉ ⵉⵜⵜⵓⵙⴽⴰⵏ ⴳ 1981 ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵏ ⵜⵉⵎⵉⵣⴰⵔ ⵏ ⵍⵉⵙⵍⴰⵎ ⴳ ⵎⴰⴽⴽⴰ ⵢⴰⵜ ⵜⴰⵙⵉⵍⴰ ⴳ ⵓⵙⵡⴰⵉⵔ ⴰⵎⴰⵡⵙⴰⵙⴰⵏ.ⵉⴱⴷⴰ ⵜⴰⵡⵓⵔⵉ ⵏⵏⵙ ⴳ ⵓⵏⵎⵓⵇⵇⴰⵔ ⴰⵅⴰⵜⴰⵔ ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⴹⴹⴰⵕⵍⴱⵉⴷⴰ ⴰⵙⴳⴳⴰⵙ 1984.
 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B4%B0%E2%B5%8F%E2%B5%9C-%E2%B5%9C%E2%B5%89%E2%B5%99%E2%B5%99-40-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%BD%E2%B5%93%E2%B5%8E%E2%B5%89%E2%B5%99%E2%B5%8E-%E2%B4%B0%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%9C%E2%B5%A2%E2%B4%B0%E2%B4%BC%E2%B5%93%E2%B5%9C-%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F%E2%B5%9C-%E2%B5%8F