Published on MAPNews (https://www.mapnews.ma/am)

Accueil > ⴰⵏⴷⵓⴷⵉ ⵏ ⵍⵃⴰⵡⵣ .. ⵓⵟⵟⵓⵏ ⵏ ⵜⵉⵡⵊⵉⵡⵉⵏ ⵢⵓⵎⵥⵏ ⵉⴱⵖⵓⵔⵏ ⵙⴳ ⵉⵎⵢⴰⵡⴰⵙⵏ ⴰⵢⵢⵓⵔⴰⵏⵏ ⵉⵍⴽⵎ ⴰⵔ 25 ⴽⵟⵓⴱⵕ 63766 ⵏ ⵜⴰⵡⵊⴰ

ⴰⵏⴷⵓⴷⵉ ⵏ ⵍⵃⴰⵡⵣ .. ⵓⵟⵟⵓⵏ ⵏ ⵜⵉⵡⵊⵉⵡⵉⵏ ⵢⵓⵎⵥⵏ ⵉⴱⵖⵓⵔⵏ ⵙⴳ ⵉⵎⵢⴰⵡⴰⵙⵏ ⴰⵢⵢⵓⵔⴰⵏⵏ ⵉⵍⴽⵎ ⴰⵔ 25 ⴽⵟⵓⴱⵕ 63766 ⵏ ⵜⴰⵡⵊⴰ

07 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵉⵏⵏⴰ ⵓⵎⴰⵡⴰⵙ ⴰⵎⴰⵔⵉ ⵉⵜⵜⵓⵙⵎⴳⴰⵍⵏ ⵙ ⵉⵎⵢⴰⵙⵙⴰⵏ ⴷ ⵓⴱⵕⵍⴰⵎⵏ ⴰⵎⵙⵉⵡⵉⵍ ⵙ ⵉⵙⵎ ⵏ ⵜⴰⵏⴱⴰⴹⵜ ⵎⵚⵟⴰⴼⴰ ⴱⴰⵢⵜⴰⵙ ⴰⵙⵙ ⵏ ⵓⴽⵡⴰⵙ ⵎⴰⵙ ⵉⵍⴽⵎ ⵓⵟⵟⵓⵏ ⵏ ⵜⵉⵡⵊⵉⵡⵉⵏ ⵢⵓⵎⵥⵏ ⵉⴱⵖⵓⵔⵏ ⵙⴳ ⵉⵎⵢⴰⵡⴰⵙⵏ ⴰⵢⵢⵓⵔⴰⵏⵏ ⵍⵍⵉ ⵉⴷⴷⴰⵏ ⵉ ⵢⵉⵎⵣⴷⴰⵖⵏ ⵍⵍⵉ ⵢⵓⵜ ⵓⵏⴷⵓⴷⵉ ⵏ ⵍⵃⴰⵡⵣ ⴰⵔ 25 ⴽⵟⵓⴱⵕ 63766 ⵏ ⵜⴰⵡⵊⴰ.

 ⵉⵔⵏⵓ ⵉⵏⵏⴰ ⵎⴰⵙⵙ ⴱⴰⵢⵜⴰⵙ ⴳ ⵢⴰⵏ ⵓⵏⵎⵓⵇⵇⴰⵔ ⵏ ⵜⴰⵏⵖⵎⴰⵙⵜ ⴷⴼⴼⵉⵔ ⵏ ⵓⵏⵎⵓⴳⴳⴰⵔ ⵏ ⵉⵎⴰⵍⵙⵙ ⵏ ⵜⵏⴱⴰⴹⵜ ⵎⴰⵙ ⴰⵔ ⵜⵉⵖⵉⵎⵉⵜ ⵓⴳⵔⴰⵏ ⵏ ⵜⴰⴳⵔⴰⵡⵜ ⴳⵔ ⵜⵉⵎⴰⵡⵙⵉⵏ ⵉⵜⵜⵓⵙⵎⴳⴰⵍⵏ ⵙ ⵓⵖⴰⵡⴰⵙ ⵏ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⴷ ⵓⵙⵡⵓⴷⴷⵓ ⵏ ⵜⵉⵙⴳⵉⵡⵉⵏ ⵍⵍⵉ ⵢⵓⵜ ⵓⵏⴷⵓⴷⵉ ⵎⴰⵙ ⵉⵜⵜⵓⴼⴽⴰ 9.5 ⵎⵍⵢⴰⵕ ⴷⵔⵀⵎ ⴳ ⵓⵙⴰⵜⵉ ⵏ ⵓⵙⵎⵏⵉⴷ ⵏ ⵡⴰⵏⵏⴰⵍ ⵏ ⵉⵎⵣⴷⴰⵖⵏ ⵍⵍⵉ ⵢⵓⵜ ⵓⵏⴷⵓⴷⵉ 4.75 ⵎⵍⵢⴰⵔ ⴷⵔⵀⵎ ⵉⵎⵢⴰⵡⴰⵙⵏⴰ ⴷ ⴳⴰⵏ ⵓⵙⵔⵉⴷ ⵉⴼⴽⴰⵜⵏ ⵓⵡⴰⵏⴽ ⴰⵔ 25 ⴽⵟⵓⴱⵕ ⵉⵣⵔⵉⵏ.

 ⵉⵣⵎⵎⵣ ⵓⵍⴰ ⵎⴰⵙ ⵉⵜⵜⵓⵙⵉⵖⵣⵉⴼ ⵓⵣⵎⵣ ⵏ ⵜⵉⴽⴽⵉ ⵏ ⵉⵎⵢⴰⵡⴰⵙⵏ ⵏ ⴷⵖⵢⴰ ⵍⵍⵉ ⵉⴳⴰⵏ 2500 ⴷⵔⵀⵎ ⵉ ⵉⵎⵣⴷⴰⵖⵏ ⵍⵍⵉ ⵢⵓⵜ ⵓⵏⴷⵓⴷⵉ ⵏ ⵍⵃⴰⵡⵣ ⵙ 5 ⵏ ⵢⵉⵔⵏ ⵢⴰⴹⵏ ⴰⴼⴰⴷ ⴰⴷ ⵉⴽⵎⵍ ⵓⵙⵡⵓⴷⴷⵓ ⵏ ⵜⴰⴷⴷⴰⵔⵉⵏ , ⵉⵔⵏⵓ ⵉⵏⵏⴰ ⵎⴰⵙ ⵔⴰⴷ ⵉⴳ ⵓⵙⵙⵉⵖⵣⵉⴼ ⴰⴷ 750 ⵎⵍⵢⵓⵏ ⴷⵔⵀⵎ.

ⵉⵎⴰⵍⴰ ⵓⵍⴰ ⵎⴰⵙⵙ ⴱⵢⵜⴰⵙ ⵎⴰⵙ 51938 ⵏ ⵜⴰⵡⵊⴰ ⵓⵎⵥⵏⵜ ⵉⴱⵖⵓⵔⵏ ⵙⴳ ⵉⵎⵢⴰⵡⴰⵙⵏ ⵓⵙⵔⵉⴷⵏ ⴰⴼⴰⴷ ⴰⵎⵙⴰⵙⴰ ⵏ ⵜⴰⴷⴷⵔⵉⵏ ⵍⵍⵉ ⵓⵔ ⵉⵚⵍⵃⵏ ⵉ ⵜⴰⵣⴷⵖⵜ ⵙ 1775 ⵎⵍⵢⵓⵏ ⴷⵔⵀⵎ ⵜⵜⵢⴰⵡⴼⴽⴰⵏ ⴳ ⴽⴽⵓⵥ ⵏ ⵜⴰⵡⴰⵍⴰ.

ⵉⵔⵏⵓ ⵉⵏⵏⴰ ⵎⴰⵙ ⵜⵙⵡⵓⵔⵔⵉ ⵜⵏⴱⴰⴹⵜ ⴰⴼⴰⴷ ⴰⵣⵓⴳⵣ ⵏ ⵓⵖⴰⵡⴰⵙ ⵏ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⴷ ⵓⵙⵡⵓⴷⴷⵓ ⴰⵎⴰⵜⴰⵢ ⵏ ⵜⵉⵙⴳⴳⵉⵡⵉⵏ ⵍⵍⵉ ⵢⵓⵜ ⵓⵏⴷⵓⴷⵉ ⵏ ⵍⵃⴰⵡⵣ .

ⵉⵙⴷⴷⵉⴷ ⵎⴰⵙⵙ ⴱⴰⵢⵜⴰⵙ ⵎⴰⵙ ⴰⵖⴰⵡⴰⵙ ⵏ ⵜⵓⵙⴽⴰ ⵜⵉⴽⵍⵉⵜ ⵢⴰⴹⵏ ⵏ ⵓⵙⵡⵓⴷⴷⵓ ⴰⵎⴰⵜⴰⵢ ⵏ ⵜⵉⵙⴳⴳⵉⵡⵉⵏ ⵍⵍⵉ ⵢⵓⵜ ⵓⵏⴷⵓⴷⵉ ⵏ ⵍⵃⴰⵡⴰⵣ ⴷ ⵓⵖⴰⵡⴰⵙ ⵏ ⵜⵓⵙⴽⴰ ⵏ ⵓⵙⵡⵓⴷⴷⵓ ⵏ ⵜⵉⵙⴳⴳⵉⵡⵉⵏ ⵍⵍⵉ ⵢⵓⵜⵏ ⵉⵏⴳⵢⴰⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⴳⴰⵏ ⵉⵅⴰⵜⴰⵔⵏ ⵍⵍⵉ ⵔⴰⴷ ⵉⵜⵜⵓⵙⴽⴰⵔⵏ ⵙ ⵉⵡⴰⵍⵉⵡⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%8F%E2%B4%B7%E2%B5%93%E2%B4%B7%E2%B5%89-%E2%B5%8F-%E2%B5%8D%E2%B5%83%E2%B4%B0%E2%B5%A1%E2%B5%A3-%E2%B5%93%E2%B5%9F%E2%B5%9F%E2%B5%93%E2%B5%8F-%E2%B5%8F-%E2%B5%9C%E2%B5%89%E2%B5%A1%E2%B5%8A%E2%B5%89%E2%B5%A1%E2%B5%89%E2%B5%8F-%E2%B5%A2%E2%B5%93%E2%B5%8E%E2%B5%A5%E2%B5%8F-%E2%B5%89%E2%B4%B1%E2%B5%96%E2%B5%93%E2%B5%94%E2%B5%8F-%E2%B5%99%E2%B4%B3-%E2%B5%89%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B5%99%E2%B5%8F-%E2%B4%B0%E2%B5%A2%E2%B5%A2%E2%B5%93%E2%B5%94%E2%B4%B0%E2%B5%8F%E2%B5%8F-%E2%B5%89%E2%B5%8D%E2%B4%BD%E2%B5%8E-%E2%B4%B0%E2%B5%94-25-%E2%B4%BD%E2%B5%9F%E2%B5%93%E2%B4%B1%E2%B5%95