Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⵓⵏⴱⴱⴰⴹ ⵏ ⵍⵉⵎⴰⵔⴰ ⵏ ⵛⴰⵔⵉⵇⴰ ⵎⴰⵙⵙ ⵎⵀⴷⵉ ⴱⵏⵙⵄⵉⴷ

ⵉⵙⵏⵓⴱⴳ ⵓⵏⴱⴱⴰⴹ ⵏ ⵍⵉⵎⴰⵔⴰ ⵏ ⵛⴰⵔⵉⵇⴰ ⵎⴰⵙⵙ ⵎⵀⴷⵉ ⴱⵏⵙⵄⵉⴷ

11 ⵏⵓⵡⴰⵏⴱⵉⵔ 2024 Version Imprimable
ⵛⴰⵔⵉⵇⴰ -  ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵙⵓⵍⵟⴰⵏ ⴱⵏ ⵎⵓⵃⵎⵎⴷ ⵇⴰⵙⵉⵎⵉ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴼⵍⵍⴰ ⵏ ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴰⵏⴱⴱⴹ ⵏ ⵍⵉⵎⴰⵔⴰ ⵏ ⵛⴰⵔⵉⵇⴰ ⴰⵙⵙ ⵏ ⵓⵙⴰⵎⴰⵙ ⴰⵎⴰⵡⴰⵙ ⵏ ⵉⵄⵔⵔⵉⵎⵏ ⴷ ⵜⴰⴷⵍⵙⴰ ⴷ ⵜⵓⵏⵏⵓⵏⵜ ⵍⵓⵃⵎⵎⴷ ⵍⵎⵀⴷⵉ ⴱⵏ ⵙⵄⵉⴷ ⵍⵍⵉ ⵉⵙⵙⵉⵅⴼⵏ ⴰⴽⴰⴱⴰⵔ ⴰⵎⵖⵔⵉⴱⵉ ⵉⴷⵔⴰⵏ ⴳ ⵉⵎⵓⵙⵙⵉⵜⵏ ⵏ ⵜⴰⵙⵙⵓⵜⵍⵜ ⵜⵉⵙⵙ 43 ⵏ ⵓⵙⴼⵙⵔ ⵏ ⵛⴰⵔⵉⵇⴰ ⴰⴳⵔⴰⵖⵍⴰⵏ ⵏ ⵓⴷⵍⵉⵙ.

ⵙ ⵓⵣⵎⵣⵣⵓ ⵢⴰⴷ ⵉⵜⵜⵓⵙⴽⵉⴷ ⵜⴰⴷⵓⵙⵉ ⵏ ⵓⵎⵢⴰⵙⵙⴰⵏ ⵍⵍⵉ ⵉⵙⵎⵓⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ  ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴷⴷⵓ ⵜⴰⵏⵙⵙⵉⵅⴼⵜ ⵏ ⵉⵎⵇⵔⴰⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴳⵎⴰⵙ  ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ.

ⵉⵙⵙⴱⵔⵖⴷ ⵎⴰⵙⵙ ⴱⵏⵙⵄⵉⴷ ⵍⵉⵎⴰⵔⴰ ⵏ ⵛⴰⵔⵉⵇⴰ ⵅⴼ ⵓⵙⵏⵎⴰⵍⴰ ⵉⵖⵓⴷⴰⵏ ⵏ ⵓⵙⴼⵙⵔ ⵏ ⵛⴰⵔⵉⵇⴰ ⴰⴳⵔⴰⵖⵍⴰⵏ ⵏ ⵓⴷⵍⵉⵙ ⵍⵍⵉ ⵉⴳⴰⵏ ⵢⴰⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⵇⵔⴰⵏ , ⵉⵔⵏⵓ ⵉⵏⵏⴰ ⵎⴰⵙ ⵜⵜⵢⴰⵡⵙⴽⴰⵔⵏⵜ ⴰⴽⴽⵯ ⵜⵉⵡⵓⵔⵉⵡⵉⵏ ⴰⴼⴰⴷ  ⴰⵎⵓⵔⵙ ⵏ ⵜⴰⴷⴰⵡⵜ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⵏⴱⴳⵉ ⵏ ⵜⴰⵙⵙⵓⵜⵍⴰ ⴰⴷ .

ⵉⵙⵙⴼⵓⵍⴽⵉ ⵓⵍⴰ ⵍⵓⵃⵎⵎⴷ ⵍⵎⵀⴷⵉ ⴱⵏ ⵙⵄⵉⴷ ⴰⵎⵢⴰⵡⴰⵙ ⴰⴷⵍⴰⵙⴰⵏ ⵉⵍⵍⴰⵏ ⴳⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ  ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ.

ⴷⴼⴼⵉⵔ ⵏ ⵓⵙⵏⵓⴱⴳ ⴰⴷ ⵍⵍⵉ ⵎⵉ ⵉⵃⴰⴹⵕ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵓⴳⵔⴰⵡ ⵏ ⵛⴰⵔⵉⵇⴰ ⵏ ⵓⴷⵍⵉⵙ ⵛⵉⵅⴰ ⴱⵓⴷⵓⵔ ⴱⵏⵜ ⵙⵓⵍⵟⴰⵏ ⴱⵏ ⵎⵓⵃⵎⵎⴷ ⵇⴰⵙⵉⵎⵉ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴰⵃⵎⴷ ⵜⴰⵣⵉ ⵉⵙⴽⵔ ⵓⵏⴱⴱⴰⴹ ⵏ ⵍⵉⵎⴰⵔⴰ ⵏ ⵛⴰⵔⵉⵇⴰ ⵢⴰⵏ ⵉⵎⵏⵙⵉ ⵅⴼ ⵡⴰⴷⴷⵓⵔ ⵏ ⵓⴽⴰⴱⴰⵔ ⴰⵎⵖⵔⵉⴱⵉ ⵍⵍⵉⵖ ⵃⴰⴹⵕⵏ ⵎⵏⵏⴰⵡ ⵏ ⵉⵏⵎⵖⵔⵓⵔⵏ ⵏ ⵜⴰⴷⵍⴰⵙⴰ ⴳ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ  ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ.

ⵉⵍⵍⴰ ⴳ ⵓⵖⴰⵡⴰⵙ ⵏ ⵓⵙⴼⵙⵔ ⵏ ⵛⴰⵔⵉⵇⴰ ⴰⴳⵔⴰⵖⵍⴰⵏ ⵏ ⵓⴷⵍⵉⵙ ⵉⵏⵎⵓⵇⵇⴰⵔⵏ ⵅⴼ ⵓⵎⵢⴰⵡⴰⵙ ⴰⴷⵍⵙⴰⵏ ⴳⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ  ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⵜⴰⵎⴳⵓⵔⵉ ⵏ ⵓⴷⵍⵉⵙ ⴳ ⵍⵎⵖⵔⵉⴱ ⴷ ⵉⵎⴷⵉⴽⵉⵕⵏ ⴷ ⵉⵙⵎⴰⵡⵏ ⵉⴷⵍⴰⵙⵙⴰⵏ ⵉⵎⵖⵔⵉⴱⵉⵢⵏ ⵉⵜⵜⵓⵙⴰⵏ ⴳ ⵍⵍⴰⵏ ⵍⴼⴰⵍⴰⵙⵉⴼⴰ ⴷ ⵉⵎⴰⵔⴰⵜⵏ ⴷ ⵉⵎⴷⵢⴰⵣⵏ.

 ⵉⵥⴹⴰⵕ ⵓⴳⴷⵓⴷ ⵏ ⵓⵙⴼⵙⵔ ⵓⵍⴰ ⴰⴷ ⵉⵥⵕ ⴰⵢⴰⴷⴰ ⴰⵎⵖⵔⵉⴱⵉ ⵙⴳ ⵜⵉⵏⴰⵡⵉⵏ  ⴷ ⵓⵎⵣⴳⵓⵏ ⴷ ⵜⴰⵥⵓⵕⵉ ⴷ ⵉⵎⵓⵙⵙⵓⵜⵏ ⵉ ⴰⵔⴱⴰⵜⵏ ⵙ ⵓⴷⴼⵙⵔ ⵏ 4000 ⵏ ⵓⴷⵍⵉⵙ .

ⵉⴽⴽⴰⵜⵏ ⵓⵙⴼⵙⵔ ⵏ ⵛⴰⵔⵉⵇⴰ ⴰⴳⵔⴰⵖⵍⴰⵏ ⵏ ⵓⴷⵍⵉⵙ ⵉⴱⴷⴰ ⴳ ⵓⵙⴳⴳⴰⵙ ⵏ 1982 ⵙ ⵉⵡⴰⵍⵉⵡⵏ ⵏ ⵛⵛⵉⵅ ⵙⵓⵍⵟⴰⵏ ⴱⵏ ⵎⵓⵃⵎⵎⴷ ⵇⴰⵙⵉⵎⵉ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴼⵍⵍⴰ ⵏ ⴰⵡⴰⵏⴽ ⵏ ⵍⵉⵎⴰⵔⴰⵜ ⵜⵉⵄⵔⴰⴱⵉⵏ ⵉⵎⵓⵏⵏ ⴰⵏⴱⴱⴹ ⵏ ⵍⵉⵎⴰⵔⴰ ⵏ ⵛⴰⵔⵉⵇⴰ ⴷⵔⴰⵏ ⴳⵉⵙ 80 ⵏ ⵜⵉⵎⵉⵣⴰⵔ ⴷ 2000 ⵏ ⵓⵎⵙⴼⵙⵔ ⵎⴰⵢⴰⴷ ⵢⵓⵊⵊⴰⵜ ⵉⴳⴰ ⴰⵙⴼⴰⵙ ⵡⵉⵙⵙ ⴽⵕⴰⴹ ⵏ ⵓⴷⵍⵉⵙ ⴳ ⵓⵎⴰⴹⴰⵍ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%93%E2%B5%8F%E2%B4%B1%E2%B4%B1%E2%B4%B0%E2%B4%B9-%E2%B5%8F-%E2%B5%8D%E2%B5%89%E2%B5%8E%E2%B4%B0%E2%B5%94%E2%B4%B0-%E2%B5%8F-%E2%B5%9B%E2%B4%B0%E2%B5%94%E2%B5%89%E2%B5%87%E2%B4%B0-%E2%B5%8E%E2%B4%B0%E2%B5%99%E2%B5%99-%E2%B5%8E%E2%B5%80%E2%B4%B7%E2%B5%89-%E2%B4%B1%E2%B5%8F%E2%B5%99%E2%B5%84%E2%B5%89%E2%B4%B7