Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⴰⴼⵓⴳⵍⴰ ⵏ ⵓⵙⴽⵜⵉ ⵡⵉⵙⵙ 25 ⵓⴱⵕⵍⴰⵎⵏ ⵏ ⵡⴰⵔⴱⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⴰⴼⵓⴳⵍⴰ ⵏ ⵓⵙⴽⵜⵉ ⵡⵉⵙⵙ 25 ⵓⴱⵕⵍⴰⵎⵏ ⵏ ⵡⴰⵔⴱⴰ

19 ⵏⵓⵡⴰⵏⴱⵉⵔ 2024 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⴰⵏⵙⵙⵉⵅⴼⵜ ⵏ  ⵓⵎⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵔⴱⴰ ⴰⵙⵙ ⵏ ⵓⵙⵉⵏⴰⵙ  ⴳ ⵜⴰⵙⴷⴰⵡⵉⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⴱⵓⵍⵉⵜⵉⴽⵏⵉⴽ ⴳ ⵕⵕⴱⴰⵟ  ⵜⴰⴼⵓⴳⵍⴰ ⵏ ⵓⵙⴽⵜⵉ ⵡⵉⵙⵙ 25 ⵓⴱⵕⵍⴰⵎⵏ ⵏ ⵡⴰⵔⴱⴰ .

ⵜⴱⴷⴰ  ⵜⴰⴼⵓⴳⵍⴰ ⵢⴰⴷ ⵙ ⵍⵍⵉⵖ ⵜⵏⵏⴰ ⵢⴰⵜ ⴳⵜⵔⴰⴱⴱⵓⵜ ⵏ ⵡⴰⵔⴱⴰⵜⵏ ⵏⵏⵛⵉⴷ ⴰⵏⴰⵎⵓⵔ ⴷ ⵢⴰⵜ ⵜⴰⵙⴳⵓⵔⵉ ⵙ ⵉⵙⵎ ⵏ ⵉⵔⴱⴰⵜⵏ ⵉⴱⵕⵍⴰⵎⵏⵉⵢⵏ ⵜⵏⵏⴰⵜ ⵎⴰⵔⵢⴰⵎ ⴰⵎⵊⵓⵏ ⵍⵍⵉⵖ ⵜⵎⴰⵍⴰ ⴰⵙⵏⵉⵎⵎⵔ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵃⴼⴹ ⵕⴱⴱⵉ ⵅⴼ ⵍⵉⵍⵜⵉⵣⴰⵎ ⵏⵏⵙ ⴰⴼⴰⴷ ⴰⵃⵟⵟⵓ ⴰⵙⵓⵍⴰⵏ ⵏ ⵡⴰⵔⴱⴰⵜⵏ ⴳ ⵜⵉⴳⵍⴷⵉⵜ  ⴷ ⵓⵍⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ  ⵅⴼ ⵜⵓⴳⴳⴰⵙ ⵏⵏⵙ ⵉⴷⵓⵙⵏ ⴰⴼⴰⴷ ⴰⴷ ⵉⴳ ⵓⴱⵕⵍⴰⵎⵏ ⵏ ⵡⴰⵔⴱⴰ ⵢⴰⵏ ⵓⴷⵖⴰⵔ ⵉ ⵉⵔⴱⴰⵜⵏ ⴰⴷ ⵎⵍⵏ ⵜⴰⵏⵏⴰⵢⵉⵏ ⵏⵏⵙⵏ.

 ⵜⵙⵙⴽⵜⵉⴷ ⵓⵍⴰ ⵜⵉⵙⵏⵜⴰⵢⵉⵏ ⵉⵖⵓⴷⴰⵏ ⵍⵍⵉ ⵉⵙⴽⵔ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ ⴰⴼⴰⴷ ⵜⴰⵏⴽⵔⴰ ⵙ ⵉⵣⵔⴼⴰⵏ ⵏ ⵡⴰⵔⴱⴰⵜⵏ ⵙⵍⴰⵎⵡⴰⵏ ⴰⴽⴽⵯ ⵙ ⵜⵓⴳⵉ ⵏ ⵓⵎⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵔⴱⴰ  ⵍⵍⵉ ⵉⵜⵜⵓⵙⵎⴳⴰⵍⵏ ⵙ ⵓⵣⵉⴳⵣ ⵏ ⵜⴰⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⵣⵏ ⵏ ⵡⴰⵔⴱⴰ.

ⵜⴹⴼⵕ ⵍⴰⵍ ⵏ ⵜⴰⵜⵜⵓⵢⵜ ⵓⵍⴰ ⵢⴰⵏ ⵍⴼⵉⴷⵢⵓ ⴰⵎⵔⵙⴰⵍ ⵍⵍⵉ ⵉⵎⵎⴰⵍⵏ 25 ⵏ ⵓⵙⴳⴳⵯⴰⵙ ⵏ ⵜⵉⵡⵓⵔⵉⵡⵉⵏ ⵏ ⵓⴱⵕⵍⴰⵎⵏ ⵏ ⵡⴰⵔⴱⴰ ⴳⵉⵙ ⵜⵓⴳⴳⴰ ⵏ ⵉⴱⵔⵉⴷⵏ ⵏ ⵉⴱⵕⵍⴰⵎⵏⵉⵢⵏ ⵉⵎⵥⵢⴰⵏⵏ  ⴷ ⵜⴰⴷⵉⵏⴰⵎⵉⵜ ⵏ ⵓⴳⵔⴰⵡ ⵏ ⵉⴳⵎⴰⵎⵏ ⵉⵇⴱⵓⵔⵏ ⵏ ⵓⴱⵕⵍⴰⵎⵏ ⵏ ⵡⴰⵔⴱⴰ ⴰⴼⴰⴷ ⴰⵙⴷⵓⵙ ⵏ ⵜⴰⵏⴰⵎⵓⵔⵜ ⴷ ⵓⵎⵢⴰⵡⴰⵙ.

ⵜⴹⴼⵕ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵓⵍⴰ ⵢⴰⵏ ⵍⴼⵉⴷⵢⵓ ⵅⴼ ⵉⵣⵎⴰⵣ ⵉⵖⵓⴷⴰⵏ ⵏ “ⴱⵓⵜⴽⴰⵎⴱ” ⵅⴼ  ⵜⵉⵎⵙⵙⵏⵜⴰⵢ  ⵍⵍⵉ ⵉⴳⴰⵏ ⵢⴰⵜ ⵜⴰⵙⵏⵜⴰⵢⵜ ⵏ ⵓⵎⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵔⴱⴰ ⵍⵍⵉ ⵉⵔⴰⵏ ⴰⵙⵎⵓⵜⵜⴳ ⵏ 395 ⵏ ⵡⴰⵔⴱⴰ ⴰⴱⵕⵍⵎⵏⵉ ⴳ ⵉⴳⵔ ⵜⵉⵎⵙⵙⵏⵜⴰⵢ  ⴷ ⵓⵙⵎⵓⵜⵜⴳ ⴳ ⵎⵏⵏⴰⵡ ⵉⴳⵔⴰⵏ.


ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴷⴼⴼⵉⵔ ⵜⵉⵙⵎⵖⵓⵔⵉⵏ ⵏ “ ⴰⴳⵕⴹ ⵏ ⵉⵎⴰⵍ” ⴷ “ⵓⵍ ⵏ ⵓⴼⴳⴰⵏ” ⴷ ⵢⵓⵏⴳ ⵜⵛⴰⵏⵊ ⵎⴰⵔⴽⴻⵔⵙ” ⵉ ⵢⵉⵔⴱⴰⵜⵏ ⵍⵍⵉ ⵉⵙⴽⵔⵏ ⴽⵕⴰⴹ ⵜⵉⵡⵓⵔⵉⵡⵉⵏ ⵉⵖⵓⴷⴰⵏ ⴷⴼⴼⵉⵔ ⵏ ⴱⵓⵜⴽⴰⵎⴱ ⴷ ⵙⵏⴰⵜ ⵜⵉⵙⵎⵖⵓⵔⵉⵏ ⵏ ⵓⵍ” ⴰⵎⴳⵕⴹ ⵏ ⵜⴰⴷⵔⴼⵉ” ⴷ “ ⵜⵉⴼⴰⵡⵜ ⴱⵍⴰ ⵉⵡⵜⵜⴰ” ⵉ ⵙⵉⵏ ⵡⴰⵔⴱⴰⵜⵏ ⵉⴱⵕⵍⴰⵎⵏⵉⵢⵏ .

ⴷⴼⴼⵉⵔ ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⴰⴼⵓⴳⵍⴰ ⵏ ⵓⵙⵙⴳⵎⴹ ⵏ ⴽⵕⴰⵟ ⵜⵎⵢⴰⵇⵇⴰⵏⵉⵏ ⵜⴰⵎⵜⵡⴰⵔⵓⵜ ⵓⵙⵙⴳⵎⴹⵜ ⵓⵎⴰⵡⴰⵙ ⵓⵙⵉⴷⴳ ⴰⴷⴰⵎⵙⴰⵏ ⴷ ⵜⵉⵎⵙⵙⵏⵜⵉⵜ ⵜⴰⵎⵥⵢⴰⵏⵜ ⴷ ⵜⴰⵡⵓⵔⵉ ⵢⵓⵏⵙ ⵙⴽⴽⵓⵔⵉ ⴷ ⵓⵎⴰⵔⵉ ⵏ ⵜⴰⵏⵏⵙⵙⵉⵅⴼⵜ ⵏ ⵓⵎⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵔⴱⴰ ⵖⵉⵣⵍⴰⵏ ⴱⵏⵊⵍⵍⵓⵏ ⵅⴼ ⴰⵏⵏⴰⵍ ⵏ ⵉⴱⵕⵍⴰⵎⵏⵉⵢⵏ ⵉⵎⵥⵢⴰⵏ ⴳ ⵜⴰⵡⵓⵔⵉ ⵏⵏⵙⵏ.

 ⵜⵉⵙⵙ ⵙⵏⴰⵜ ⵉⵙⵙⴳⵎⴹⵜ ⵓⵎⴰⵡⴰⵙ ⵏ ⵜⵄⵓⵔⵔⵎⴰ ⴷ ⴰⴷⵍⵙⴰ ⵓⵎⵢⴰⵡⴰⴹ ⵎⵓⵃⵎⵎⴷ ⵎⵀⴷⵉ  ⴱⵏ ⵙⵄⵉⴷ ⴷ ⵎⴰⵙⵙⴰ ⴱⵏⵊⵍⵍⵓⵏ  ⵅⴼ ⵓⵙⴷⵓⵙ ⵏ ⵉⵎⵓⵙⵙⵓⵜⵏ ⵏ ⵓⴱⵕⵍⴰⵎⵏ ⵏ ⵡⴰⵔⴱⴰ.

 ⵜⴰⵎⵢⴰⵇⵇⴰⵏⵜ ⵜⵉⵙⵙ ⴽⵕⴰⴹ ⵉⵙⵙⴳⵎⴹⵜ ⵓⵎⵙⵇⴰⴷ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵎⵓⵃⵎⵎⴷ ⵎⵜⵇⴰⵍ ⴷ ⵎⴰⵙⵙⴰ ⴱⵏⵊⵍⵍⵓⵏ ⴰⴼⴰⴷ ⴰⵎⵓⵔⵙ ⵏ ⵜⵉⵡⵓⵔⵉⵡⵉⵏ ⵜⵉⴼⵔⵉⵇⵉⵢⵉⵏ ⴳ ⵉⴳⵔ ⵏ ⵉⵎⵓⵙⵙⵓⵜⵏ ⵏ ⵓⵎⵙⵉⴹⴼ ⴷ ⵉⴳⵔ ⵏ ⵓⴽⵛⵛⵓⵎ ⵏ ⵜⴰⵙⵏⵓⵔⴰⵢⵜ.

Dernière modification : 19 ⵏⵓⵡⴰⵏⴱⵉⵔ 2024
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-25-%E2%B5%93%E2%B4%B1%E2%B5%95%E2%B5%8D%E2%B4%B0%E2%B5%8E%E2%B5%8F-%E2%B5%8F