ⴰⵙⵓⴼⵖ ⵏ ⵓⵙⵖⵉⵎ ⴰⵎⴰⵢⵏⵓ ⵢⴰⴷ, ⵍⵍⵉ ⵢⵙⵎⴰⵏⵏ 02 ⴰⵎⵍⵢⴰⵕ ⵏ ⴷⴷⵔⵀⵎ, ⵢⵓⵛⴽⴰ ⵖⵉⴽ ⵍⵍⵉ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵍⵍⵉ ⵢⴼⴽⴰ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 17 ⵏ ⵜⴼⵓⴳⵍⴰ ⵏ ⵓⴷⴰⴱⵓ, ⴰⵙⵙ ⵏ 30 ⵢⵓⵍⵢⵓⵣ 2016.
ⵉⵃⴱⴰ ⵡⵙⵖⵉⵎ ⴰⵎⴰⵢⵏⵓ ⵢⴰⴷ ⵢⴰⵏ ⴰⴽⴰⵍ ⵏ 20 ⴰⵀⵉⴽⵜⴰⵕ ⴷ ⵉⵜⵜⵓⵙⴽⴰⵕ ⵙ ⵉⵙⴱⴷⴰⴷⵏ ⵏ ⵜⵎⵙⴷⴰⴳⵜ ⵉⵎⵖⵔⴰⴱⵉⵏ. ⵔⴰⴷ ⵉⵙⵎⵓⵏ ⴰⴽⴽⵯ ⵜⵉⵎⵀⵍⵉⵏ ⵜⵉⵏⴰⵎⴰⵙⵙⵉⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵓⵍⴰ ⵢⴰⵜ ⵜⴰⴷⴰⵍⴰ ⵏ ⵜⵉⵏⴰⵡⵜ ⵏ 1.200 ⴰⵏⵙⴰ.
ⴰⵙⵖⵉⵎ ⴰⵎⴰⵢⵏⵓ ⵢⴰⴷ ⵏ ⵜⵎⵀⵍⴰ ⵜⴰⵎⴰⵢⵏⵓⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵙⵎⵎⵓⵙ ⵏ ⵉⵙⴳⴳⵯⴰⵙⵏ, ⵔⴰⴷ ⴳⵉⵜ ⵙⵓⵍ ⵉⵍⵉⵏ ⵜⴰⵙⵏⵏⵓⵖⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴷ ⵢⴰⵏ ⴰⵎⵎⴰⵙ ⵏ ⵍⴰⵕⵛⵉⴼ, ⴷ ⵢⴰⵏ ⴰⵎⵎⴰⵙ ⵏ ⵜⵡⵓⵔⵉⵡⵉⵏ ⵜⵉⵎⴰⵏⵏⵓⵏⵉⵏ, ⴷ ⵢⴰⵏ ⵓⵎⵎⴰⵙ ⵏ ⵓⵙⵓⵙⵔ ⵏ ⵉⵙⴼⴽⴰ ⵜⵉⵎⴰⴳⵉⵜⵉⵏ ⴷ ⵏ ⵓⵙⵉⴳⴳⵉⵣ ⵏ ⵜⴽⴰⵕⴰⴹⴰⵏⵉⵏ ⵜⵉⵏⴰⵎⵓⵔⵉⵏ, ⴷ ⵎⵏⵏⴰⵡ ⵢⴰⴹⵏⵉⵏ.
ⵍⵍⵉⵖ ⵉⵍⴽⵎ ⵙ ⵓⵏⵙⴰ ⵏ ⵓⵙⵏⵜⵉ, ⵉⵙⵙⵣⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵓⴳⵔⴰⵡ ⵏ ⵓⵃⴹⵓ ⴰⴳⵍⴷⴰⵏ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⴰⵙⵜ ⵏ ⵓⴳⵏⵙⵓ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵏ ⵓⵎⴰⵜⵔ ⵏ ⴰⴽⴰⵍ ⴰⵏⴰⵎⵓⵔ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵕⵕⴱⴰⵟ, ⴷ ⵎⵏⵏⴰⵡ ⵏ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.