Published on MAPNews (https://www.mapnews.ma/am)

Accueil > ⵉⵙⴽⵔ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵥⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ
  1. Accueil
  2. Activités royales

ⵉⵙⴽⵔ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵥⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ

26 ⵉⴱⵔⵉⵔ 2019 Version Imprimable
ⵕⵕⴱⴰⵟ - ⵉⵙⴽⵔ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴳ ⴰⵙⵙ ⴰⴷ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵃⵙⵙⴰⵏ ⴳ ⵕⵕⴱⴰⵟ.

ⴳ ⵍⴱⴷⵓ ⵏ ⵉⵏⴰⵡ ⵏⵏⵙ, ⵉⵙⵙⴽⵜⵉ ⵍⵅⴰⵟⵉⴱ ⵏ ⵓⵙⵉⵎⵡⴰⵙ ⵎⴰⵙ ⴳⴰⵏ ⵡⴰⵎⴰⵏ ⵢⴰⵏ ⵉⵙⴽⴽⵉⵏ ⵉⵅⴰⵜⴰⵔⵏ, ⵍⵍⵉ ⵢⴼⴽⴰ ⵕⴱⴱⵉ ⵉ ⵎⴷⴷⵏ ⵏⵏⵙ, ⵎⴰ ⵢⴰⴷ ⵉⵜⵜⵓⵜⵔⴰⵏ ⴰⵙⵏⵉⵎⵔ ⴰⵎⵖⵍⴰⵍ ⴷ ⴰⵃⴹⴹⵓ ⵖⴼⵙ, ⵉⵙⵓⵍ ⵉⵏⵏⴰ ⵎⴰⵙ ⵡⴰⵎⴰⵏ ⴳⴰⵏ ⴰⵙⴳⵓⵎ ⵏ ⵜⵓⴷⵔⵜ ⴷ ⵜⴰⵏⵜⵍⴰ ⵏ ⵜⵉⵍⵉⵜ, ⴷ ⵉⵎⴰⵏ ⵏ ⵓⵖⵔⵉⵎ ⴷ ⴰⴼⵔⴷⵉⵙ ⴰⵅⴰⵜⴰⵔ ⵏ ⴽⵔⴰ ⵢⴳⴰⵜⵜ ⵓⵎⵓⵙⵙⵓ ⴰⴷⵎⵙⴰⵏ, ⴷ ⵢⴰⴷⴷⵓⵔ ⴱⴰⵀⵔⴰ ⵉ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴰⴷⵍⵙⴰⵏⵜ ⴳ ⵜⵎⴰⵣⵉⵔⵜ.

ⴷ ⵉⵏⵣⵓ ⵎⴰⵙ ⵜⴳⵓⵔⵉ "ⴰⵎⴰⵏ" ⵜⵣⵔⵉ ⴳ ⵍⵇⵓⵕⴰⵏ ⴰⴽⵔⵉⵎ 63 ⵜⴽⵍⵉⵜ, ⵎⴰ ⵢⴰⴷ ⵉⵎⵍⴰⵏ ⴰⴷⴷⵓⵔ ⵏⵏⵙ ⴳ ⵓⵎⵙⴰⵡⵍ ⵏ ⵍⵇⵓⵕⴰⵏ ⴷ ⵉⵎⵣⵔⴰⵢⵏ ⵏⵏⵙ, ⵉⴼⵔⴰ ⵢⵏⵏⴰ ⵎⴰⵙ ⵍⴼⵉⵇⵀ ⵓⵙⵍⵉⵎ ⵉⴼⴽⴰ ⴰⴷⴷⵓⵔ ⵉ ⵡⵙⴳⵓⵎ ⵏ ⵡⴰⵎⴰⵏ, ⴷ ⵙⴰⵡⵍⵏ ⵍⴼⵓⵇⴰⵀⴰ ⵅⴼ ⵎⵛⵜⴰ ⵏ ⵜⵖⴰⵡⵙⵉⵡⵉⵏ ⵉⵥⵍⵉⵏ ⵖⴼⵙ, ⵙⵡⴰ ⵡⵉⵏⵏ ⵉⵥⵍⵉⵏ ⵅⴼ ⵉⵏⴰⵡⵏ ⵏ ⵡⴰⵎⴰⵏ ⵏⵖⴷ ⵉⵍⵓⴳⵏ ⵉⵥⵍⵉⵏ ⵅⴼ ⵓⵙⵎⵔⵙ ⵏⵏⵙ ⴷ ⵜⴰⵏⴰⴼⵓⵜ ⵏⵏⵙ.

ⵍⵍⵉⵖ ⵉⵜⵎⵎⴰ ⵍⵅⵟⴱⴰ ⵏⵏⵙ, ⵉⵜⵜⵔ ⵍⵉⵎⴰⵎ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷ ⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⴷ ⵉⵜⵜⵔ ⵟⵟⴰⵍⴱ ⵏ ⵜⵎⵣⴳⵉⴷⴰ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 26 ⵉⴱⵔⵉⵔ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B4%BD%E2%B5%94-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%83%E2%B5%99%E2%B5%99%E2%B4%B0%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F