Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ

14 ⵎⴰⵢⵢⵓ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵖⵔⵎⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵏⴰⵜ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⵉⵏⵏⴰ ⵜⴰⵎⵙⵙⵉⵔⴷⵜ ⴰⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵎⴰⵙⵙ ⴷⵉⴽⵔ ⵕⵕⴰⵃⵎⴰⵏ, ⴰⵙⵍⵎⴰⴷ ⵏ ⵜⵙⴷⵡⵉⵜ ⴷ ⴰⵏⵎⵀⴰⵍ ⵏ ⵓⵎⵎⴰⵙ ⵏ ⵜⴷⵍⵙⴰ ⴰⵎⵓⵙⵍⵉⵎ ⴰⵀⵉⵏⴷⵉ ⴳ ⵏⵢⵓⴷⵉⵍⵀⵉ, ⵍⵍⵉ ⵔⴰⴷ ⵉⵙⴰⵡⵍ ⵅⴼ ⵓⵙⴳⵓⵎ "ⴰⵙⴳⵎⵉ ⵅⴼ ⵜⵎⵙⵜⴳⴳⴰⵔⵜ".

ⴳ ⵉⵏⴰⵡ ⵏⵏⵙ, ⵉⵏⵏⴰ ⵡⵎⴰⵏⴰⵡ ⵎⴰⵙⵙ ⵓⵙⴳⵎⵉ ⴳ ⵍⵉⵙⵍⴰⵎ ⵉⵜⵜⵓⵙⵔⴰⵙ ⴳ ⵓⵙⴰⵜⵉ ⵏ ⵎⵏⵏⴰⵡ ⵏ ⵜⵉⵎⵉⵜⴰⵔ, ⵣⵓⵏⴷ ⵜⴰⵎⴰⵜⴰⵔⵜ ⵉⵏⵏⴰⵏ ⵉⵙ ⵉⴳⴰ ⵍⵇⵓⵕⴰⵏ ⵍⴽⴰⵔⵉⵎ ⴽⵓⵍⵍⵓ ⵜ ⵉⵙⵡⴰⵍⴰⵏ ⵏ ⵓⵙⴳⵎⵉ ⵉⵄⵎⵎⵕⵏ ⵙ ⵛⴰⴼⴰⵇⴰ ⵅⴼ ⵓⴼⴳⴰⵏ ⵍⵍⵉ ⵜ ⵉⵙⵜⴰ ⵕⴱⴱⵉ ⴰⴷ ⴱⴷⴷⴰ ⵢⵉⵍⵉ ⴳ ⵓⵙⵡⵉⵔ ⵉⴼⵓⵍⴽⵉⵏ, ⵖⵉⴽ ⵍⵍⵉ ⵜⵎⵍⴰ ⴰⵙⴼⴰⵡ ⵏ ⵍⵓⵇⵎⴰⵏ ⴰⵏⵥⵉⵥ ⵉ ⵢⵡⵉⵜ. 

ⴰⵎⵎⴰⵙ ⵏ ⵜⵎⵉⵜⴰⵔ ⴰⴷ, ⵜⵍⵍⴰ ⵅⵜⴰⵏⵏ ⵉⵏⵏⴰⵏ ⵉⵙ ⵉⵅⵚⵚⴰ ⴳ ⴽⵔⴰ ⵢⴳⴰⵜⵜ ⴰⵙⵙ ⴳ ⵓⵣⵎⵣ ⴰⴷ, ⴰⴷ ⵊⵜⴰⵀⴷⵏ ⵉⵎⵙⴳⵉⵡⵏ ⴰⴼ ⴰⴷ ⵎⵍⵉⵏ ⵉⵙ ⵓⵔ ⵉⴼⵓⵍⴽⵉ ⴰⴷ ⵜⵜⵓⵙⵎⵔⴰⵙ ⵜⴰⴷⵔⴼⵉ ⵍⵍⵉ ⴼ ⵉⵎⵎⴰⵖ ⵓⴼⴳⴰⵏ ⴰⵎⵎⴰⵙ ⵏ ⵎⵓⵣⵔⵓⵢ ⵉⵛⵛⴰⵔⵏ ⵏⵏⵙ, ⵙ ⵢⴰⵜ ⵜⴱⵔⵉⴷⵜ ⵍⵍⵉ ⵢⵙⴷⵉⴷⴷⵉⵏ ⵍⴰⵅⵍⴰⵇ. 

ⴼ ⵖⵉⴽⴰⵏⵏ, ⵉⵏⵏⴰ ⵎⴰⵙⵙ ⴷⵉⴽⵔ ⵕⵕⴰⵃⵎⴰⵏ ⵎⴰⵙⵙ ⵉⴳⴰ ⵡⵙⴳⵎⵉ ⵅⴼ ⵜⴰⴷⵔⴼⵉ ⴰⵙⴳⵎⵉ ⵅⴼ ⵜⵎⵙⵜⴳⴳⴰⵔⵜ, ⵎⴰ ⵢⴰⴷ ⵉⴳⴰⵏ ⵢⴰⵜ ⵜⵖⴰⵡⵙⴰ ⵍⵍⵉ ⵔⴰⴷ ⵉⵎⵓⵏ ⴷ ⵓⴼⴳⴰⵏ ⴰⵔ ⴰⵙⵙ ⵏ ⵍⵇⵉⵢⴰⵎⴰ, ⵉⵔⵏⵓ ⵢⵏⵏⴰ ⵉⵙ ⵓⵔ ⵜⵍⵍⵉ ⴽⵔⴰ ⵢⴳⴰⵜⵜ ⵍⵄⵉⴱⴰⴷⴰ ⵏ ⵕⴱⴱⵉ ⴱⵍⴰ ⵜⴰⴷⵔⴼⵉ, ⵓⵍⴰ ⴽⵔⴰ ⵢⴳⴰⵜⵜ ⵜⴰⴷⵔⴼⵉ ⴱⵍⴰ ⵜⵎⵙⵜⴳⴳⴰⵔⵜ. ⴼ ⵖⵉⴽⴰⵏⵏ, ⵉⵏⵏⴰ ⵉⵙ ⵜⴳⴰ ⵜⵖⵍⴰⴼⵜ ⵏ ⵍⵓⵇⵎⴰⵏ ⴰⵣⵓⵔⵜ ⵉⵅⴰⵜⴰⵔⵏ, ⵙⵍⴰⵡⴰⵏ ⴰⴽⴽⵯ ⴰⵛⴽⵓ ⵉⴼⴽⴰⵜ ⵍⵓⵇⵎⴰⵏ ⵉ ⵢⵉⵡⵉⵜ ⵍⵍⵉ ⵓⵔ ⵢⵓⵎⵏⵏ ⵙ ⵕⴱⴱⵉ, ⴷ ⵉⵇⵇⴰⵎⴰ ⵙⵓⵍ ⵍⵓⵇⵎⴰⵏ ⴰⵔ ⵉⵙⴰⵡⴰⵍ ⴷ ⵢⵉⵡⵉⵜ ⴰⵔ ⵍⵍⵉⵖ ⵢⵓⵎⵏ. 

ⵍⵍⵉⵖ ⵢⴰⴷⵍⵍⵉ ⵢⴱⴷⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⴰⴷ, ⵉⵎⵍⴰ ⵡⵎⴰⵏⴰⵡ ⴰⵀⵉⵏⴷⵉ ⴰⵏⴰⵔⵓⵣ ⵏⵏⵙ ⴰⴷ ⵜⵙⵓⵖⵍⵏⵜ ⵜⵉⵎⵙⵙⵉⵔⴷⵏ ⵜⵉⵃⴰⵙⴰⵏⵉⵏ, ⵖⵉⴽ ⵍⵍⵉ ⵢⴳⴰ ⵍⵃⴰⵍ ⵙ ⵜⴰⵏⴳⵍⵉⵣⵉⵜ ⴷ ⵜⴰⴼⵕⴰⵏⵚⵉⵙⵜ ⴷ ⵜⴰⵚⴱⵍⵢⵓⵏⵉⵜ ⴷ ⵜⴰⵔⵓⵙⵉⵜ, ⵙ ⵜⵓⵜⵍⴰⵢⵜ ⵜⵓⵔⴷⵓⵜ ⵍⵍⵉ ⵢⵙⴰⵡⴰⵍ ⵕⴱⵄ ⴰⵎⵍⵢⴰⵕ ⵏ ⵉⵎⵓⵍⵙⵎⵏ ⴳ ⵍⵀⵉⵏⴷ. 

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵎⵙⵜⴳⴳⴰⵔⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⴰⵙⵢⴰⵡⵉⵢⵏ. 

Dernière modification : 14 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F