Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵚⴹⵉⵚ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵚⴹⵉⵚ ⴳ ⵡⴰⵢⵢⵓⵔ ⵏ ⵕⵎⴹⴰⵏ

30 ⵎⴰⵢⵢⵓ 2019 Version Imprimable
ⵕⵕⴱⴰⵟ -  ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴰⵙⵙ ⵏ ⵓⴽⵡⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵖⵔⵎⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵚⴹⵉⵚ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⵢⵉⵏⵉ ⵜⴰⵎⵙⵙⵉⵔⴷⵜ ⴰⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵓⵙⵍⵎⴰⴷ ⵄⴱⴷⵍⵡⵀⵀⴰⴱ ⵣⴰⵢⴷ, ⴰⵎⵙⵇⴰⴷ ⵏ ⵜⵉⵔⴰⵜⵉⵏ ⵜⵉⴼⵓⵍⴽⵉⵏ ⵏ ⵜⵏⵎⴰⵍⴰⵢⵜ ⵜⴰⵎⵙⴰⴷⵓⵔⵜ ⴷ ⵜⵙⵏⴼⵍⴰⵃⵜ ⴳ ⵜⵎⵜⵜⴰ ⵢⵎⴰⵏⵏ, ⵍⵍⵉ ⵔⴰⴷ ⵉⵙⴰⵡⵍ ⵅⴼ "ⴰⴳⵯⵊⵊⵉⴼ ⴳ ⵍⵇⵓⵕⴰⵏ ⴷ ⵙⵓⵏⵏⴰ".

ⵉⴱⴷⴰ ⵡⵎⵙⵉⵡⵍ ⵙⴳ ⵎⴷ ⵏⵏⴰⵏ ⵉⵎⵣⵔⵓⵢⵏ ⵎⴰⵙ ⵎⵓⵍⴰⵢ ⵏ ⵍⵃⴰⵙⴰⵏ ⴷⴷⴰⵅⵍ , ⵎⴰⵙ ⵜⴰⵎⵏⵜⵉⵍⵜ ⵏ ⵉⵍⴽⵎ ⵙ ⵍⵎⵖⵔⵉⴱ ⴳ ⵜⴰⵙⵓⵜ ⵙⴰ ⴰⵀⵉⵊⵔⵉ , ⵎⴰⵙ ⵎⵉⴷⴷⵏ ⵏ ⵙⵉⵊⵍⵎⴰⵙ ⵖⵔⴰⵏⵜ ⴰⴼⴷ ⵢⵓⵛⴽⴰⴷ ⴳⵉⵙⵏ ⴷ ⴰⴷ ⵉⴷⴷⵓ ⵙⴼ ⵓⵙⴳⵓⵎ ⵏ ⵓⴳⵯⵊⵊⵉⴷ , ⴷ ⵜⵜⵓⵜⵔⴰ ⵏ ⵜⴰⴱⵔⵓⴽ ⴳ ⵚⵍⴰⵃ ⵏ ⵓⴳⵯⵊⵊⵉⴷ ⵏⵏⵙ , ⴷ ⵉⵙⴽⵔ ⵕⵕⴱⵉ ⵜⵜⵓⵜⵔⴰ ⵏⵏⵙⵏ.

ⴷ ⵉⵙⵎⵖⵔ ⵏ ⵉⴽⵎⵎⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷⴷⵓⵔ ⵏⵏⵙ ⵉ ⵢⴳⵔ ⵏ ⵜⴰⵙⵏⴼⵍⴰⵃⵜ ⵏ ⵓⴳⵯⵊⵊⵉⴷ ⴷ ⵜⵙⵢⴰⴼⵓⵜ ⵏ ⵜⵉⵏⵉ , ⴷ ⵉⵙⵙⴽⵜⵉ ⴳ ⵓⵙⴰⵜⵉ ⴷⵖ ⵎⴰⵙ ⵉⴹⵉⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜⵓⵣⵣⵓⵜ ⴽⵕⴰⴹ ⵏ ⴰⵎⵍⵢⵓⵏ ⵜⴳⵯⵊⵊⵉⴷ ⴳ ⴽⵔⴰ ⵢⴳⴰⵜ ⵏ ⵉⵏⴰⵡⵏ ⵉⴼⵓⵍⴽⵉⵏ ⴷ ⵜⴰⵙⵏⴼⵍⴰⵃⵜ ⵏⵏⵙ ⴳ ⵜⵖⵍⴰⵏ ⴰⵛⴽⵓ ⵉⵍⵍⴰ ⴳ ⵜⴳⵍⴷⵉⵜ ⵙⴳ ⵎⵔⴰⵡ ⵏ ⵉⵡⴰⵏⴽⵏ ⵉⵎⵣⵡⵓⵔⴰ ⴳ ⵓⵎⴰⴹⴰⵍ ⴳ ⴰⵙⴰⵢⵔⴰⵔ ⵃⴰⵡⴰⵍⵉ 60 ⵉⴼⴹ ⵀⵉⴽⵜⴰⵔ , ⴷ ⵉⵍⵍⴰ ⴰⵎⵎⴰⵙ ⵏⵏⵙ 7 ⵎⵍⵢⵓⵏ ⵓⴳⵯⵊⵊⵉⴷ .

ⴷ ⵜⵙⵎⵖⵔ ⵙⵓⵏⵏⴰ ⵏ ⵏⵏⴱⵉ ⵢⴰⵏ ⴰⴷⴷⴰⴳ ⴷ ⵜⵏⵏⴰ ⵉ ⵡⴼⴳⴰⵏ ⵎⴰⵙ ⴳ ⵓⵣⵎⵣⵣⵓ ⵏ ⵉⵍⴽⵎ ⵏ ⴰⴽⵓⴷ , ⴰⴷ ⵉⵇⵇⵏ ⵏ ⵜⵡⵓⵔⵉ ⵏⵏⵙ ⴳ ⴷⴷⵓⵏⵉⵜ ⴳ ⵜⴼⵓⵍⴽⵉ , ⴷ ⵜⵙⴰⵡⵍ ⴰⵎⵎ ⵏ ⵣⵣⵓ ⵏ ⵢⴰⵏ ⵓⴳⵯⵊⵊⵉⴷ ⴰⵎⵣⵢⵏ , ⴰⵛⴽⵓ ⵜⵡⵓⵔⵉ ⴰⴷ ⵖⵓⵔⵙ ⵓⵜⵉⴳ ⵓⵔ ⵉⵎⵎⵜⴰ ⵏ ⴰⴷⴷⴰⴳ ⴷ ⵉⵙⴱⵖⵓⵔⵏ ⵏ ⵜⵎⵜⵜⴰ ⴷ ⵉⵙⵙⴽⵜⵉ ⵡⵎⵙⵉⵡⵍ ⵏ ⴰⵢⵢⴰⵜ ⵍⵍⵉ ⵙⵎⵖⵔⵏ ⴳ ⵓⵙⵜⵉⴳ ⵏ ⵓⴳⵯⵊⵊⵉⴷ .

ⴷ ⵉⵙⵙⴽⵜⵉ ⵎⴰⵙⵙ  ⵄⴱⴷⵍⵡⵀⵀⴰⴱ ⵣⴰⵢⴷ ⴳ ⵓⴰⵙⵜⵉ ⴷⵖ ⵎⴰⴷ ⵉⵏⵏⴰ ⵅⴼ ⵓⵕⵇⵇⴰⵙ ⵏ ⵕⵕⴱⵉ ⵜⴰⵣⴰⵍⵍⵉⵜ ⵅⴼⵙ ⵏ ⵉⴼⵓⵍⴽⵉⵏ ⵏ ⵜⵉⵏⵉ (ⵍⴼⴰⵊⵡ) ⴰⵎⵎⴰⵙ ⵏⵏⵙⵏ ⴰⵎⵙⵏⵏⵊⵉ ⵙⴳ ⵓⵙⵜⵛⵉ .

ⴷ ⵉⵇⵇⵏ ⵓⵎⵙⵉⵡⵍ ⴰⵡⴰⵍ ⵏⵏⵙ ⵎⴰⵙ ⵓⴳⵯⵊⵊⵉⴷ ⵉⵍⵍⴰ ⵖⵓⵔⵙ ⵍⴱⴰⵔⴰⴽⴰ ⴷ ⵎⵏⵏⴰⵡ ⵏ ⵜⴼⵉⵍⴽⵉⵏ ⴷ ⵉⵅⵚⵚⴰ ⴰⵏⴼⵍⴰⵙ ⴰⴷ ⵉⴳ ⴰⵎⵎ ⵏⵜⴰ ⴳ ⵜⴼⴰⵡⵜ ⵜⴼⵓⵍⴽⵉⵏ ⴷ ⴷⵔⵓⵏ ⵉⵖⴰⵔⴰⵙⵏ ⵏ ⵓⵙⵍⵎⴷ ⵏ ⵉⵎⴰⵏ ⴳⵉⵙ ; ⴰⵛⴽⵓ ⵉⴳⴰ ⵡⵏⴼⵍⵓⵙ ⵙⵙⵍⴰⵎⵜ ⴷ ⵜⵏⴼⵓⵔⵜ , ⴷ ⵉⵃⵙⴰⵏ , ⴰⵎⵙⵓⵔⵓⴼ ⴷ ⵢⴰⵜⵜⵓⵢⵏ , ⴷ ⵜⵓⵎⵔⵜ .

 ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵚⴹⵉⵚ  ⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵎⵙⵜⴳⴳⴰⵔⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⵉⴳⵔⴰⵖⵍⴰⵏ.

Dernière modification : 30 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F