Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵓⵔⵉⵡⵉⵏ ⵏ ⵓⵣⵣⴳⵉⵔ ⵏ ''ⴰⵎⵎⴰⵙ ⴰⵎⵙⵙⵏⵊⵉ ⵏ ⵡⴰⴷⴰⵙ - ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ" ⴳ ⵜⵙⵓⴽⵜ ⵏ ⴽⴰⵔⵉⵎⴰ ⴳ ⵙⵍⴰ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵓⵔⵉⵡⵉⵏ ⵏ ⵓⵣⵣⴳⵉⵔ ⵏ ''ⴰⵎⵎⴰⵙ ⴰⵎⵙⵙⵏⵊⵉ ⵏ ⵡⴰⴷⴰⵙ - ⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ" ⴳ ⵜⵙⵓⴽⵜ ⵏ ⴽⴰⵔⵉⵎⴰ ⴳ ⵙⵍⴰ

31 ⵎⴰⵢⵢⵓ 2019 Version Imprimable
ⵙⵍⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⴹⵚⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵙⵓⴽⵜ ⵏ ⵜⵎⵏⴱⴰⴹⵜ ⵜⴰⴱⵔⵉⴽⵜ ⴳ ⵙⵍⴰ, ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵣⵣⴳⵉⵔ ⵏ "ⴰⵎⵎⴰⵙ ⴰⵎⵙⵙⵏⵊⵉ ⵏ ⵡⴰⴷⴰⵙ - ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵏⴱⴷⴰⴷⵜ", ⵙ ⵓⵙⵙⴰⵔⵓ ⵉⵙⵎⴰⵏⵏ 67 ⴰⵎⵍⵢⵓⵏ ⵏ ⴷⴷⵔⵀⵎ.

ⵉⵎⵍⴰ ⵡⵙⵏⵜⵉ ⵏ ⵜⵏⴱⴷⴰⴷⵜ ⴰⴷ, ⵍⵍⵉ ⵢⴳⴰⵏ ⵉ ⵡⵙⴷⵓⵙ ⵏ ⵓⴼⵙⴰⵔ ⵏ ⵓⵎⵙⵙⵏⵊⵉ ⴳ ⵓⵙⵡⵉⵔ ⵏ ⵜⵖⵔⵎⵜ ⵏ ⵙⵍⴰ, ⵜⴰⵏⴰⵢⵜ ⵜⴰⵅⴰⵜⴰⵔⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵢⴰⵊⵊ ⴰⵣⵔⴼ ⵏ ⵓⵙⴳⵛⵎ ⵙ ⵜⵢⴰⴼⵓⵜⵉⵏ ⵏ ⵜⴷⵓⵙⵉ ⴰⴷ ⵉⴽⵛⵎ ⴰⵎⵎⴰⵙ ⵏ ⵉⵙⴱⴷⴰⴷⵏ ⵉⴷⵍⵙⴰⵏⵏ ⵏ ⵓⵙⴷⵓⵙ ⵏ ⵜⵎⵓⵔⵉ ⴷ ⵜⵉⵔⴰⵜ ⵏⵏⵙ ⴰⴷ ⵉⵏⴽⵔ ⵙ ⵓⴼⵙⴰⵔ ⵏ ⵜⴷⵓⵙⵉ ⵙ ⵜⵉⴽⴽⵉ ⵏ ⵜⵢⴰⴼⵓⵜⵉⵏ ⵏ ⵡⴰⴷⴰⵙ ⵖⵓⵔⵙⵏ ⵜⵖⵔⴰ ⴷ ⵉⵔⴰⵔⵏ ⵅⴼ ⵜⵜⵓⵜⵔⴰⵢⵉⵏ ⵉⵏⴰⵎⵓⵔⵏ.

ⴷ ⵉⴽⵛⵎ ⵓⵎⵎⴰⵙ ⴰⴷ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵍⵍⵉ ⵢⵜⵜⵓⵙⴽⴰⵔⵏ ⵙⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵔⴰ ⴰⴷ ⵉⵏⵏⵍ ⴰⵙⴳⵛⵎ ⵏ ⵎⴷⴷⵏ ⵉⵥⵍⴰⴹⵏ ⵙ ⵉⵎⵙⵙⵏⵊⵉⵏ ⵉⴷⵍⵙⴰⵏⵏ, ⴷ ⴰⵖⴰⵡⵍ ⵏ ⵓⴽⵛⵓⵎ ⴳ ⵉⵎⴷⵢⴰ ⵉⵖⴰⵡⵍⵏ, ⴷ ⵜⴰⵏⴼⵔⵓⵜ ⵏ ⵉⵎⴹⴼⴰⵕⵏ ⵏ ⵜⴷⵓⵙⵉ ⴳ ⵜⵡⴰⵍⴰ ⴷ ⵉⵙⵏⵎⴰⵍⴰ ⵏ ⵎⴷⴷⵏ ⵍⵍⵉ ⵔⴰⵏ ⵉⵎⴷⵢⴰⵏⵏ ⵏⵏⵙⵏ ⵜⴰⵏⴰⵢⵜ ⵉⵥⵍⵉⵏ.

ⵔⴰⴷ ⵢⵉⵍⵉ ⵓⵍⴰ  ⴳ ⵡⴰⵎⵎⴰⵙ ⴰⴷ ⵓⴳⵣⵓⵎ ⵏ ⴰⵎⵙⵙⵏⵊⵉ ⵉⵎⵣⵡⵓⵔⴰ ⵢⴰⴷ ⵜⵣⵇⴰⵏ ⵏ ⵓⵣⵔⵔⴰⵢ ⴷ ⵏ ⵓⵎⵙⵙⵏⵊⵉ ⴷ ⵏ ⵓⴳⵣⵣⴰⵢ ⴷ ⵏ ⵜⴷⵓⵙⵉ ⴷ ⵏ ⵉⵎⴰⵏⵏ ⴷ ⵏ ⵉⴼⵔⵅⴰⵏ/ⴰⵙⴷⵓⵙ ⵏ ⵜⵡⵊⵊⴰ) ⴷ ⵏ ⵓⴳⵣⵣⵓⵎ ⵏ ⵜⵜⵕⵡⵉⴹ, ⴷ ⴰⴳⵣⵣⵓⵎ ⵏ ⵓⵎⵙⵙⵏⵊⵉ ⵏ ⵉⵎⵉ, ⴷ ⵜⵖⵎⴰⵙ, ⴷ ⵜⵡⵍⴰⴼⵜ ⵏ ⵜⴷⵓⵙⵉ, ⴷ ⵓⵙⴰⵔⵎ ⵏ ⵓⵙⴼⵙⵉ, ⴷ ⵓⴳⵣⵣⵓⵎ ⵏ ⵓⵙⵉⵣⴷⴳ, ⴷ ⵢⴰⴹⵏⵉⵏ ⵏ ⵓⵙⵙⵏⵊⵉ (14 ⵜⵣⵇⴰ ⵜⴰⵙⵓⴽⵏⵓⵜ), ⴷ ⵜⴰⵙⴰⵙⴼⵔⵜ, ⴷ ⴰⵏⵙⴰ ⵏ ⵉⵎⵜⵜⵉⵏ.

ⵉⴽⵛⵎ ⵓⵙⴰⵏⵜⵉ ⵢⴰⴷ ⴳ ⵜⵍⴽⵉⵎⵜ ⵏ ⵜⴷⵔⴰⵡⵜ ⴳⵔ ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ, ⵓⵍⴰ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵓⵣⵎⵣ ⵏ 24 ⴰⵢⵢⵓⵔ, ⵎⵔⴰ ⴰⴷ ⵉⵙⴷⵓⵙ ⵎⵏⵏⴰⵡ ⵏ ⵜⵙⵏⵜⴰⵢⵉⵏ ⵍⵍⵉ ⵜⵣⵣⴳⵔ ⵜⵎⵔⵙⴰⵍⵜ ⴳ ⵉⴳⵔⵏ ⵏ ⵜⴷⵓⵙⵉ ⴷ ⵓⵏⴼⴳⴰⵏ, ⵎⴰ ⵢⴰⴷ ⵉⵎⵍⴰⵏ ⴰⵍⴰⵜⵖ ⵏ ⵎⵛⵍⴰ ⵏ ⵜⵡⵍⴰⴼⵉⵏ ⵏ ⵜⵎⵔⵙⵍⵜ, ⴰⴼ ⴰⴷ ⵉⴼⵙⵙⵓⵙ ⵓⵙⵡⵔⵉ ⵅⴼ ⵉⵎⵣⴷⴰⵖⵏ ⵉⵥⵍⴰⴹⵏ. 
 

Dernière modification : 31 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%A3%E2%B5%A3%E2%B4%B3%E2%B5%89%E2%B5%94-%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8E%E2%B5%99%E2%B5%99%E2%B5%8F%E2%B5%8A%E2%B5%89-%E2%B5%8F-%E2%B5%A1%E2%B4%B0%E2%B4%B7%E2%B4%B0%E2%B5%99-%E2%B5%8F-%E2%B5%9C%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C