Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⴳ ⵡⴰⵢⵢⵓⵔ ⵏ ⵕⵎⴹⴰⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⴳ ⵡⴰⵢⵢⵓⵔ ⵏ ⵕⵎⴹⴰⵏ

01 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵖⵔⵎⵜ ⵏ ⵕⵕⴱⴰⵟ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⴳ ⵓⵎⵎⴰⵙ ⵏ ⵓⵙⵎⵏⵉⴷ ⵏⵏⵙ ⵏ ⵜⵎⵙⵙⵉⵔⴷⵜ, ⵜⵏⵏⴰ ⵜⵙⵍⵎⴰⴷⵜ ⵀⵔⵎⴰⵙ ⵎⴰⵙ ⵜⵉⵎⵏⵜⵉⵍⵉⵏ ⵏ ⵓⵙⴰⵡⵍ ⵅⴼ ⵓⵙⴳⵓⵎ ⵏ ⵉⵄⴱⴰⵏ ⵏ ⵜⵎⵖⴰⵔⵜ ⴳⴳⵓⵜⵏ, ⵉⵍⵍⴰ ⴳⵉⵜ ⵎⴰⴷ "ⵏⵥⵕⴰ ⴳ ⵉⵙⴳⴳⵯⴰⵙⵏ ⴰⴷ ⵉⴳⴳⵯⵔⴰⵏ ⵏ ⵓⴽⵛⵛⵓⵎ ⵏ ⵉⵄⴱⴰⵏ ⵙⴳ ⴱⵕⵕⴰ ⴳ ⵓⴳⵏⵙⵓ ⴳ ⴰⵎⵓⵏ ⵏⵏⵅ, ⵎⴰ ⵢⴰⴷ ⵉⴳⴰⵏ ⵉⵄⴱⴰⵏ ⵍⵍⵉ ⵓⵔ ⵊⵊⵓ ⵢⵜⵜⵓⵙⵙⴰⵏⵏ, ⵓⵍⴰ ⵢⵄⴱⴰⵏ ⵢⴰⴹⵏⵉⵏ ⵏ ⵜⵎⵖⴰⵔⵜ ⵍⵍⵉ ⵢⵓⵛⴽⴰⵏ ⵙⴳ ⵓⵕⵓⴱⴱⴰ ⴳ ⵜⴰⵙⵓⵜ ⵜⵉⵙⵙ 20 ⴷ ⵓⵎⵣⵔⵓⵢ, ⵎⴰⵛ ⴰⵙⴰⵜⵉ ⵍⵍⵉ ⵅⴼ ⵏⵙⴰⵡⵍ ⵉⵣⴷⵉ ⵢⵄⴱⴰⵏ ⴷ ⵓⵙⴳⴷ, ⴷ ⵉⵏⵏⴰ ⵎⴰⵙ ⴳⴰⵏ ⵉⵄⴱⴰⵏ ⵏ ⵛⵛⵕⵄ ⵉⵅⵚⵚⴰ ⴰⴷ ⵜⵜⵓⵍⵙⵏⴰ. ⴼ ⵖⵉⴽⴰⵏⵏ, ⵉⵅⵚⵚⴰ ⴰⴷ ⵜⵜⵓⵙⵔⵙ ⵜⵉⴼⴰⵡⵜ ⵅⴼ ⵓⵙⵇⵙⵉ ⵢⴰⴷ.

ⵜⴼⵔⴰ ⵜⵏⵏⴰ ⵎⴰⵙ ⴱⴰⵢⵏⵏ ⵉⵎⵏⵉⴷⵏ ⵢⴰⴹⵏⵉⵏ, ⵍⵍⵓⵎⵏ ⴳ ⵜⵎⵉⵣⴰⵔ ⵏ ⴱⵕⵕⴰ, ⵍⵍⵉⵖ ⵙⴰⵡⵍⵏ ⵅⴼ ⵜⵎⴰⴳⵉⵜ ⵍⵍⵉ ⵃⴹⴰⵏ ⵉⵄⴱⴰⵏ ⵏ ⵜⵎⵖⴰⵕⵉⵏ ⵜⵉⵎⵓⵙⵍⵎⵏ, ⵎⴰ ⵢⴰⴷ ⵢⵉⵡⵉⵏ ⵜⴰⵎⵓⴽⵔⵉⵙⵜ ⵉ ⵢⵎⵙⵍⵎⵏ ⴳ ⴰⴽⴽⵯ ⵓⵎⴰⴹⴰⵍ, ⴰⵛⴽⵓ ⴰⵡⴰⵍ ⴰⴷ ⵉⵙⵎⴰⵏ ⵍⵉⵙⵍⴰⵎ ⴳ ⵜⴰⵏⴰⵢⵜ ⵏ ⴱⵕⵕⴰ ⵎⴰ ⵢⴰⴷ ⵉⴳⴰⵏ ⵉⵄⴱⴰⵏ, ⵣⵓⵏⴷ ⵉⵖ ⵉⵙⵎⴰⵏ ⴰⴼⵓⵍⴽⵉ ⴰⵖⵔⵎⴰⵏ ⴷ ⴰⵢⵏⴰⵡ ⴰⴷⵍⵙⴰⵏ ⵍⵍⵉ ⵙⴽⵔⵏ ⵉⵎⵓⵙⵍⵎⵏ ⴳ ⵓⵎⵣⵔⵓⵢ ⵏⵏⵙⵏ ⴰⵎⵇⵕⴰⵏ.

ⵜⵔⵏⵓ ⵜⵏⵏⴰ ⵜⵙⵍⵎⴰⴷⵜ ⴳ ⵓⵙⴰⵜⵉ ⴷⵖ, ⵎⴰⵙ ⴰⵙⵔⵙ ⵏ ⵜⵎⵖⵔⴰⵜ ⴳ ⵜⵖⴰⵡⵙⴰ ⵢⴰⴷ ⴰⵎⵎ ⵓⵏⴳⵉⵙ, ⵙⵡⴰ ⵉⵖ ⵜⴳⴰ ⵜⵔⴱⴰⵜ ⴳ ⵜⵉⵏⵎⵍ ⵏⵖⴷ ⵜⴰⵎⵖⴰⵔⵜ ⵏ ⵜⴷⴷⴰⵔⵜ ⴳ ⵓⵡⵏⴰⴹ ⴰⵏⴰⵎⵓⵏ ⵏⵖⴷ ⵜⵎⵙⵡⵓⵔⵉⵜ ⴳ ⵜⴷⵓⵔⵜ; ⴰⵏⴳⵉⵙ ⵏ ⵓⵔⴳⴰⵣ ⵍⵍⵉ ⵓⵔ ⵜ ⵉⵔⵉ ⵏⵖⴷ ⴰⵔ ⴰⵢⵜ ⵉⴼⵜⵉ ⵏⵖⴷ ⴰⴷ ⵢⴰⵎⵥ ⵅⴼ ⵜⵙⴱⴷⴷⵉⵜ ⵏ ⵜⵎⴳⵉⵜ ⴷ ⴰⵏⴰⵙ ⵏ ⵜⵖⴰⵡⵙⵉⵡⵉⵏ ⵜⵖⴱⵏ ⵏ ⴰⴷⴷⴰⴷ ⴰⵢⵏⴰⵡ ⴳ ⵎⴰⴷ ⵙⴼⵓⵍⴽⵉⵏ ⵎⵉⴷⴷⵏ ⴷ ⵉⴼⵓⵍⴽⵉ ⵏ ⵉⵙⵍⴰⵎ.

ⵜⵙⵓⵍ ⵜⵏⵏⴰ ⵎⴰⵙⵙⴰ ⵀⵔⵎⴰⵙ ⵎⴰⵙ ⵓⵎⵏⵉⴷ ⵍⵍⵉ ⵢⵔⴰⵏ ⴰⴷ ⵉⵙⴽⵔ ⵙⴳ ⵜⵎⵖⴰⵔⵜ ⵉⵄⴱⴰⵏ ⴳ ⵜⴰⵡⵍⴰⴼⵜ ⵜⵎⵢⵉⵏⵡⵏⵜ, ⵓⵔ ⵉⴳ ⵙⴳ ⴰⵃⴽⴰⵏ ⵏ ⵛⵛⵕⵄ ⴽⴰ , ⴷ ⵢⴰⵎⵣ ⴽⵔⴰ ⵢⴳⴰⵜ ⵉⵙⴽⴽⵉⵏⵉ ⵉⴱⴰⵢⵏⵉⵏ , ⴷ ⵉⵜⵜⵓⵙⴽⴰⵔ ⵜⴰⵎⵙⴽⵉⵔⵜ ⴳ ⵉⵎⵣⵢⴰⵏ ⵏ ⵓⵙⴳⴷ ⴳ ⵜⴰⵏⴰⵢⵜ ⵏ ⵓⵙⵡⵉⵔ ⵏ ⵜⵖⴰⵡⵙⵉⵡⵉⵏ ⵜⵅⴰⵜⴰⵔⵉⵏ ⵍⵍⵉ ⵜⵓⴹⴽⴰⵏ ⴳ ⵉⵙⴱⴷⴷⵉⴷ ⵏⵏⵙ ⵉⵎⵙⵍⵎⵉⵏ ⴰⵎⵢⴰⵏⴰⵡⵏ ⵉⴼⵓⵍⴽⵉⵏ ⵏ ⵓⵙⴳⴷ ⴷ ⵔⵅⵓ ⵏⵏⵙ. 

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⴰ ⵢⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵎⵙⵜⴳⴳⴰⵔⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⵉⴳⵔⴰⵖⵍⴰⵏ.

Dernière modification : 01 ⵢⵓⵏⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B4%B0-%E2%B4%B3-%E2%B5%A1%E2%B4%B0%E2%B5%A2%E2%B5%A2%E2%B5%93%E2%B5%94-%E2%B5%8F-%E2%B5%95%E2%B5%8E%E2%B4%B9%E2%B4%B0%E2%B5%8F