Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵄⵉⴷ ⵍⴼⵉⵟⵕ: ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵓⵔⴼ ⵏⵏⵙⵏ ⵢⴰⵜⵜⵓⵢⵏ ⵉ 755 ⵏ ⵓⴼⴳⴰⵏ
  1. Accueil
  2. Activités royales

ⵜⴰⴼⵓⴳⵍⴰ ⵏ ⵄⵉⴷ ⵍⴼⵉⵟⵕ: ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵓⵔⴼ ⵏⵏⵙⵏ ⵢⴰⵜⵜⵓⵢⵏ ⵉ 755 ⵏ ⵓⴼⴳⴰⵏ

04 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵏ ⵄⵉⴷ ⵍⴼⵉⵟⵕ 1440 / 2019, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵓⵔⴼ ⵏⵏⵙ ⵢⴰⵜⵜⵓⵢⵏ ⵉ 755 ⵏ ⵓⴼⴳⴰⵏ ⴳ ⵎⵏⵏⴰⵡ ⵏ ⵜⵙⴳⵉⵡⵉⵏ ⵏ ⵜⴳⵍⴷⵉⵜ, ⵖⵎⴽⵍⵍⵉ ⵙ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵜⵍⴻⵍⵍⵉⵡⵉⵏ.

ⵉⵏⴰⵎⵓⵥⵏ ⴰⴷ ⴳⵉⵙⵏ ⵡⵉⵍⵍⵉ ⵍⵍⴰⵏⵉⵏ ⵖ ⵓⵖⵣⵓ ⴷ ⵡⵉⵍⵍⵉ ⵍⵍⴰⵏⵉⵏ ⵖ ⵜⵍⴻⵍⵍⵉ.

ⴳ ⵓⵣⵎⵣⵣⵓ ⵢⴰⴷ, ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵙⵓⵔⴼ 11 ⵙⴳ ⵡⵉⵏⵏ ⵍⵍⵉ ⵉⵜⵜⵢⵓⵎⴰⵥⵏ ⴳ ⵜⵖⴰⵡⵙⵉⵡⵉⵏ ⵏ ⵜⵉⵟⵟⵓⵕⴼⴰ ⴷ ⵓⴱⵔⵙⵉⵡⴷ, ⵍⵍⵉ ⵢⴷⵔⴰⵏ ⴳ ⵜⵡⴰⵍⴰ ⵜⵉⵙⵙ ⴽⵕⴰⴹ ⵏ ⵓⵖⴰⵡⴰⵙ "ⵎⵓⵚⴰⵍⴰⵃⴰ" ⴷ ⵏⵏⴰⵏ ⵙ ⵢⴰⵜ ⵜⴱⵔⵉⴷⵜ ⵜⴰⵎⴰⴷⴷⵓⴷⵜ ⵉⵙ ⵓⴳⵉⵏ ⴽⵔⴰ ⵢⴳⴰⵜⵜ ⵜⵍⵖⴰ ⵏ ⵜⵉⵟⵟⵓⵕⴼⴰ ⴷ ⵓⴱⵔⵙⵉⵡⴷ ⴷ ⵓⵙⵓⴼⵓ ⵏⵏⵙⵏ ⵉ ⵜⵉⵙⵉⵏ ⵏ ⵜⵎⵜⵜⵉ ⴷ ⵜⵎⵔⵙⵍⵉⵏ ⵜⵉⵏⴰⵎⵓⵔⵉⵏ ⵏⵏⵙ.

ⴳ ⵓⵣⵎⵣⵣⵓ ⴷⴰⵖ ⵙⵓⵍ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵓⵔⴼ ⵏⵏⵙ ⵉ 107 ⵏ ⵉⵏⴰⵎⵓⵥⵏ ⴳ ⵓⵙⴰⵜⵉ ⵏ ⵜⵎⵙⴰⵔⵉⵏ ⵏ ⵍⵃⵓⵙⵉⵎⴰ ⴷ ⵊⵕⴰⴹⴰ, ⵙⴳ ⵡⵉⵏⵏ ⵍⵍⵉ ⵓⵔ ⵙⴽⵉⵔⵏ ⴽⵔⴰ ⵢⴳⴰⵜⵜ ⵓⴱⴽⴽⵉⴹ ⵏⵖⴷ ⵜⵉⴳⴰⵡⵜ ⵉⵅⵛⵛⵏⵏ ⴰⵎⵎⴰⵙ ⵏ ⵜⵎⵙⴰⵔⵉⵏ ⴰⴷ. ⴼ ⵖⵉⴽⴰⵏⵏ, ⴼⴼⵖⵏ ⵙⴳ ⵓⵖⵣⵓ 60 ⵉⵏⴰⵎⵓⵥⵏ ⴳ ⵓⵙⴰⵜⵉ ⵏ ⵜⵎⵙⴰⵔⵉⵏ ⵏ ⵍⵃⵓⵙⵉⵎⴰ ⴷ 47 ⴳ ⵓⵙⴰⵜⵉ ⵏ ⵜⵎⵙⴰⵔⵉⵏ ⵏ ⵊⵕⴰⴹⴰ.

ⴰⴷ ⵉⵏⵚⵕ ⵕⴱⴱⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⴰⴳⵯⵎ ⵏ ⵕⵕⵃⵎⵜ ⴷ ⵜⵎⵍⵍⴰ ⵉⵏⵀⵍ ⴰⵙ ⵜⵉⵣⵉ ⵢⴰⵊⵊ ⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴰⴽⴽⵯ ⵉⴳⵯⵎⴰⵎⵏ ⵏ ⵜⴰⵡⵊⴰ ⵜⴰⴳⵍⴷⴰⵏⵜ.

Dernière modification : 06 ⵢⵓⵏⵢⵓ 2019
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%84%E2%B5%89%E2%B4%B7-%E2%B5%8D%E2%B4%BC%E2%B5%89%E2%B5%9F%E2%B5%95-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%99%E2%B5%93%E2%B5%94%E2%B4%BC-%E2%B5%8F%E2%B5%8F%E2%B5%99%E2%B5%8F-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-755-%E2%B5%8F-%E2%B5%93%E2%B4%BC%E2%B4%B3%E2%B4%B0%E2%B5%8F