Published on MAPNews (https://www.mapnews.ma/am)

Accueil > ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵜⴼⵓⴳⵍⴰ ⵏ "ⵄⵉⴷ ⵍⴼⵉⵟⵕ" ⴷ ⵉⵙⵏⵓⴱⴳ ⵉⵙⵙⵔⵖⵓⴷⵏ ⵏ ⵜⴼⵓⴳⵍⴰ ⵢⴰⴷ ⵉⵖⵓⴷⴰⵏ
  1. Accueil
  2. Activités royales

ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵥⴰⵍⵍⵉⵜ ⵏ ⵜⴼⵓⴳⵍⴰ ⵏ "ⵄⵉⴷ ⵍⴼⵉⵟⵕ" ⴷ ⵉⵙⵏⵓⴱⴳ ⵉⵙⵙⵔⵖⵓⴷⵏ ⵏ ⵜⴼⵓⴳⵍⴰ ⵢⴰⴷ ⵉⵖⵓⴷⴰⵏ

05 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵉⵥⵥⵓⵍ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴳ ⵜⵉⴼⴰⵡⵜ ⵏ ⴰⵙⵙ ⵏ ⵓⴽⵕⴰⵙ, ⵜⴰⵥⴰⵍⵍⵉⵜ ⵏ ⵜⴼⵓⴳⵍⴰ ⵏ "ⵄⵉⴷ ⵍⴼⵉⵟⵕ" ⵖ ⵜⵎⵣⴳⵉⴷⴰ "ⴰⵀⵍ ⴼⴰⵙ" ⴳ ⵍⵎⵉⵛⵡⴰⵕ ⴳ ⵕⵕⴱⴰⵟ, ⴷ ⵉⵙⵏⵓⴱⴳ ⵉⵙⵙⵔⵖⵓⴷⵏ ⴳ ⵜⴼⵓⴳⵍⴰ ⵢⴰⴷ ⵉⵖⵓⴷⴰⵏ.

ⵢⵓⵛⴽⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵍⵍⵉⵖ ⵉⵍⴽⵎ ⵙ ⵜⵎⵣⴳⵉⴷⴰ "ⴰⵀⵍ ⴼⴰⵙ", ⵉⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵉ ⵉⵎⵔⵔⴰⵙⵏ ⵉⴳⵍⴷⴰⵏⵏ, ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.

ⴷⴼⴼⵉⵔ ⵏ ⵜⵥⴰⵍⵍⵉⵜ, ⵉⵙⴰⵡⵍ ⵍⵉⵎⴰⵎ ⴳ ⵜⵉⵏⴰⵡⵜ ⵏ ⵜⴼⵓⴳⵍⴰ ⵅⴼ ⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ ⵉⵣⵔⵉⵏ, ⴷ ⵉⵏⵏⴰ ⵎⴰⵙ ⵕⵎⴹⴰⵏ ⵉⴼⵓⵍⴽⵉ ⴳⵉⵙ ⵎⵏⵏⴰⵡ ⵏ ⵜⵎⴰⵎⴰⴽⵉⵏ ⴷ ⴳⵉⵙ ⵜⴳⴳⵯⴰⵣ ⵕⵕⵃⵎⵜ ⵏ ⵎⵓⵍⴰⵏⴰ. ⵉⵏⵏⴰ ⵙⵓⵍ ⵉⵙ ⵉⵙⵙⵏ ⵡⴰⵢⵢⵓⵔ ⴰⴷ ⵜⵉⵎⵙⵙⵉⵔⴷⵏ ⵜⵉⵃⴰⵙⴰⵏⵉⵏ ⵍⵍⵉ ⵢⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵖ ⵜⴳⴰⵔⴰ ⵏⵏⵙ, ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⴰⴷ ⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵢⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵙⵓⵍ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵉⴳⵍⵉⵏⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⵙⵇⴰⴷⵏ ⵏ ⵜⵎⵉⵣⴰⵔ ⵜⵉⵏⵙⵍⵎⵉⵏ ⵉⵍⵍⴰⵏ ⴳ ⵍⵎⵖⵔⵉⴱ ⵍⵍⵉ ⵢⵙⴰⵜⵎⵏ ⵉ ⴱⴰⴱ ⵏ ⵡⴰⴷⴷⵓⵔ ⵜⴰⴼⵓⴳⵍⴰ ⵉⵖⵓⴷⴰⵏ.

ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⵉⵙⵉⵜⵎⵏ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ.

ⵣⵓⵍⵏ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵙⵙⵉⵜⵎⵏ ⴰⵙ ⵍⵄⵉⴷ ⴰⵎⴱⴰⵕⴽⵉ, ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵎⴰⵔⵉⵜⵏ ⵢⴰⵜⵜⵓⵢⵏ, ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵜⵎⵏⴹⴰⵡⵜ, ⴷ ⵉⵚⵀⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⵏⵎⵀⴰⵍⵏ ⵏ ⵓⴱⵔⵙⵉⵔⴰ ⴰⴳⵍⴷⴰⵏ, ⴷ ⵉⵏⵙⵙⵉⵅⴼⵏ ⵉⵏⴰⴼⵍⵍⴰⵏ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏⵉⵏ.

Dernière modification : 05 ⵢⵓⵏⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%84%E2%B5%89%E2%B4%B7-%E2%B5%8D%E2%B4%BC%E2%B5%89%E2%B5%9F%E2%B5%95-%E2%B4%B7-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%89%E2%B5%99%E2%B5%99%E2%B5%94%E2%B5%96%E2%B5%93%E2%B4%B7%E2%B5%8F-%E2%B5%8F-%E2%B5%9C%E2%B4%BC%E2%B5%93%E2%B4%B3%E2%B5%8D%E2%B4%B0