Published on MAPNews (https://www.mapnews.ma/am)

Accueil > ⵔⴰⴷ ⵉⵙⴼⵓⴳⵍⵓ ⵡⴳⴷⵓⴷ ⴰⵎⵖⵔⵉⴱⵉ ⴰⵙⴽⴽⴰ ⵏ ⴰⵙⵙ ⵏ ⵓⴽⵡⴰⵙ ⴰⵙⵙ ⵏ ⵜⴰⵍⴰⵍⵉⵜ ⵡⵉⵙⵙ 49 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵔⴰⴷ ⵉⵙⴼⵓⴳⵍⵓ ⵡⴳⴷⵓⴷ ⴰⵎⵖⵔⵉⴱⵉ ⴰⵙⴽⴽⴰ ⵏ ⴰⵙⵙ ⵏ ⵓⴽⵡⴰⵙ ⴰⵙⵙ ⵏ ⵜⴰⵍⴰⵍⵉⵜ ⵡⵉⵙⵙ 49 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ

19 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵜⴰⵡⴰⵛⵓⵏⵜ ⵜⴰⴳⵍⴷⴰⵏⵜ ⴷ ⴰⴳⴷⵓⴷ ⴰⵎⵖⵔⵉⴱⵉ ⵔⴰⴷ ⵙⴼⵓⴳⵍⵓⵏ, ⴰⵙⴽⴽⴰ ⵏ ⴰⵙⵙ ⵏ ⵓⴽⵡⴰⵙ 20 ⵢⵓⵏⵢⵓ, ⴰⵙⵙ ⵏ ⵜⵍⴰⵍⵉⵜ ⵡⵉⵙⵙ 49 ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵣⵎⵣⵣⵓ ⵉⵎⵙⴷⴷⵓⵔⵏ ⵉⵎⵍⴰⵏ ⴰⵙⵖ ⵏ ⵓⴳⴷⵓⴷ ⴷ ⴰⴷⴰⴱⵓ ⴰⵄⴰⵍⴰⵡⵉ.

ⵜⴳⴰ ⵜⵎⵙⴰⵔⵜ ⵉⵅⴰⵜⴰⵔⵏ ⴰⴷ ⵢⴰⵏ ⵓⵣⵎⵣⵣⵓ ⴰⴼⴰⴷ ⴰⴷ ⵉⴼⴽ ⵓⴳⴷⵓⴷ ⴰⵎⵖⵔⵉⴱⵉ ⵜⴰⵀⴰⵏⵉ ⵏⵏⵙ ⴷ ⵉⵙⵉⵜⵎⵏ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴽⵓⵍⵍⵓ ⵜⵡⴰⵛⵓⵏⵜ ⵜⴰⴳⵍⴷⴰⵏⵜ.

ⵉⵍⴰⵍ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴳ 20 ⵢⵓⵏⵢⵓ 1970 ⴳ ⵕⵕⴱⴰⵟ, ⵢⵓⵎⵥ ⴳ ⵎⴰⵢⵢⵓ 1993 ⵜⵓⵔⴰⴳⵜ ⴳ ⴰⵣⵔⴼ ⴰⴳⴷⵓⴷ (ⵜⴰⵎⵙⵙⵓⴳⵓⵔⵜ ⵜⴰⴳⵏⵙⵓⵜ) ⴷ ⵢⴰⵏ ⴰⴷⵉⴱⵍⵓⵎ ⴳ ⵓⵣⵔⴼ ⵏ ⵓⵙⵎⵣⴰⵣⴰⵍ ⴰⵎⵎⴰⵙ ⵏ ⵜⵖⵉⵡⴰⵏⵜ ⵏ ⵜⵉⵎⴰⵙⵙⴰⵏⵉⵏ ⵉⵣⵔⴼⴰⵏ,

ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵊⴷⴷⴰ ⴰⴼ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵇⵉⵛⵛⵉⵜ ⵜⴰⵎⵙⵍⵉⴷⵜ ⵜⴰⵄⵕⴰⴱⵜ ⴷ ⵜⵇⵉⵛⵛⵉⵜ ⵏ ⵓⵙⵓⴷⵙ ⵏ ⵓⵎⵢⴰⵡⴰⵙ ⵉⵙⵍⴰⵎⵉ, ⵍⵍ ⵔⴰⴷ ⵜⵙⵏⵓⴱⴳ ⵎⴽⴽⴰ.

ⵉⵙⵎⴰⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵎⴰⵕⴰⵚⵉⵎ ⵏ ⵜⵜⵓⵎⴰⴹⵍⴰⵏ ⵏ ⴰⴹⵓⵇ ⴰⵎⵇⵕⴰⵏ ⵊⴰⵏ , ⴰⴹⵓⵇ ⵏ ⵍⵓⴽⵙⵓⵎⴱⵓⵔⴳ , ⵍⵍⵉ ⵢⵜⵜⵓⵙⴽⴰⵔ ⴰⵙⵙ ⵏ ⵓⵙⵉⴹⵢⴰⵙ ⴳ ⴽⴰⵜⵉⴷⵕⴰⵉⵢⴰ ⵏ ⵏⵓⵜⵔⴷⴰⵎ.

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⴰⵎⴰⵙ ⴳ ⵓⴱⴰⵔⴰⵣ ⵏ ⵍⴳⵓⵍⴼ ⴰⴳⵍⴷⴰⵏ ⴹⴰⵕ ⵙⵙⴰⵍⴰⵎ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵜⵉⴽⴽⵉ ⵏ ⵜⵉⵎⵙⵖⵓⵔⵉⵏ ⵏ ⵜⵡⴰⵍⴰ ⵜⵉⵙⵙ 46 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵡⴰⵍⴰ ⵜⵉⵙⵙ 25 ⵏ ⵜⴽⵓⵙⵜ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ, ⵍⵍⵉ ⵢⵜⵙⵏⵓⴱⴳⵏ ⵙⴳ 22 ⴰⵔ 28 ⵉⴱⵔⵉⵔ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⴹⵢⴰⵙ ⴳ ⵕⵕⴱⴰⵟ, ⵢⴰⵏ ⵉⵎⵏⵙⵉ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⴰⴷⴷⵓⵔ ⵏ ⵉⵎⵖⵔⴰⵏ ⵏ ⵜⵡⴰⵍⴰ ⵜⵉⵙⵙ 46 ⵏ ⵜⴽⵓⵙⵜ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵍⴳⵓⵍⴼ ⴷ ⵜⵡⴰⵍⴰ ⵜⵉⵙⵙ 25 ⵏ ⵜⴽⵓⵙⵜ ⵍⴰⵍⵍⴰ ⵎⵔⵢⵎ ⵏ ⵍⴳⵓⵍⴼ, ⵍⵍⵉ ⵢⵜⵙⵏⵓⴱⴳⵏ ⵙⴳ 22 ⴰⵔ 28 ⵉⴱⵔⵉⵔ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵙ ⵉⵏⴹ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⵏⴰⵙ ⴳ ⴰⵙⵖⵉⵎ ⵏ ⵜⵎⵣⴷⴰⵖⵜ ⵏⵏⵙ ⴳ ⵕⵕⴱⴰⵟ, ⵎⴰⵙⵙ ⵙⵉⴷⵉ ⵎⵓⵃⵎⵎⴷ ⵡⵍⴷ ⵎⵃⵎ, ⴰⵎⴰⵣⴰⵏ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⵎⵓⵙⵍⵎⵜ ⵏ ⵎⵓⵕⵉⵟⴰⵏⵢⴰ, ⵎⴰⵙⵙ ⵎⵓⵃⵎⵎⴷ ⵡⵍⴷ ⵄⴱⴷ ⵍⵄⵣⵉⵣ, ⵍⵍⵉ ⵢⴼⴽⴰⵏ ⵢⴰⵜ ⵜⴱⵔⴰⵜ ⵙⴳ ⵓⵏⵙⵙⵉⵅⴼ ⵏ ⵎⵓⵕⵉⵟⴰⵏⵢⴰ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴼ ⴰⴷ ⵜ ⵉⵙⵙⵍⴽⵎ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⵎⴰⴷⴷⵓⴷ ⵏ ⵉⵎⴰⵍⴰⵙⵙ ⵏ ⵜⵙⵓⵍⴰⵏⵜ ⴳ ⴰⴱⵓ ⴹⴰⴱⵉ 2019, ⵓⵍⴰ ⵜⵉⴽⴽⵉ ⵏ ⵡⴰⵜⵉⴳ ⵏ ⵜⵡⴰⵍⴰ ⵜⵉⵙⵙ 11 ⵏ "ⵜⴰⵙⵎⵖⵓⵔⵜ ⵛⵛⵉⵅ ⵣⴰⵢⴷ ⵏ ⵜⵙⵓⵍⴰⵏⵜ"

Dernière modification : 19 ⵢⵓⵏⵢⵓ 2019
Source URL: https://www.mapnews.ma/am/activites-princieres/%E2%B5%94%E2%B4%B0%E2%B4%B7-%E2%B5%89%E2%B5%99%E2%B4%BC%E2%B5%93%E2%B4%B3%E2%B5%8D%E2%B5%93-%E2%B5%A1%E2%B4%B3%E2%B4%B7%E2%B5%93%E2%B4%B7-%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89-%E2%B4%B0%E2%B5%99%E2%B4%BD%E2%B4%BD%E2%B4%B0-%E2%B5%8F-%E2%B4%B0%E2%B5%99%E2%B5%99-%E2%B5%8F-%E2%B5%93%E2%B4%BD%E2%B5%A1%E2%B4%B0%E2%B5%99-%E2%B4%B0%E2%B5%99%E2%B5%99-%E2%B5%8F-%E2%B5%9C%E2%B4%B0%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%A1%E2%B5%89%E2%B5%99%E2%B5%99-49-%E2%B5%8F-%E2%B4%B1%E2%B4%B0%E2%B4%B1-%E2%B5%8F