Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⵓⵏⵙ ⴰⴼ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⵍⴱⴰⵊⵉ ⵇⴰⵢⴷ ⵙⵙⴱⵙⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵙ ⵜⵓⵏⵙ ⴰⴼ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⵍⴱⴰⵊⵉ ⵇⴰⵢⴷ ⵙⵙⴱⵙⵉ

27 ⵢⵓⵍⵢⵓⵣ 2019 Version Imprimable
ⵜⵓⵏⵙ - ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏ ⵓⵙⵉⴹⵢⴰⵙ ⵙ ⵜⵓⵏⵙ ⴰⴼ ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⴹⴰⵍ ⵏ ⵓⵏⵙⵙⵉⵅⴼ ⴰⵜⵓⵏⵙⵉ ⵢⴳⵍⵍⵉⵏ ⵍⴱⴰⵊⵉ ⵇⴰⵢⴷ ⵙⵙⴱⵙⵉ, ⵍⵍⵉ ⵢⵎⵎⵓⵜⵏ ⴰⵙⵙ ⵏ ⵓⴽⵡⴰⵙ.

ⵍⵍⵉⵖ ⵉⵍⴽⵎ ⵙ ⵓⵣⴰⴳⵯⵣ ⵉⴳⵔⴰⵖⵍⴰⵏ ⵏ ⵇⵕⵟⴰⵊ, ⵙⵏⵓⴱⴳⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵎⵉⵔⵉ ⵏ ⵓⵡⴰⵏⴽ ⴰⵜⵓⵏⵙⵉ ⴷⴰⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙⵙ ⵚⴱⵕⵉ ⴱⴰⵛⵜⵓⴱⵊⵉ, ⴷ ⵍⵄⵓⵎⴷⴰ ⵏ ⵜⵖⵔⵎⵜ ⵏ ⵜⵓⵏⵙ, ⵎⴰⵙⵙⴰ ⵙⴰⵄⵉⴷⴰ ⵄⴱⴷⵔⵔⴰⵃⵉⵎ, ⵓⵍⴰ ⵡⵏⴱⴱⴰⴹ ⵏ ⵜⵓⵏⵙ, ⵛⴰⴷⵍⵉ ⴱⵓⵄⵍⴰⴳ, ⴷ ⵓⵎⵙⴽⴰⴷ ⵏ ⵜⴳⵍⴷⵉⵜ ⴳ ⵜⵓⵏⵙ, ⵎⴰⵙⵙ ⵃⴰⵙⴰⵏ ⵟⴰⵕⵉⵇ.

ⵢⵓⵣⵏ ⵢⴰⴷ ⵍⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴱⵔⴰⵜ ⵏ ⵓⴼⵛⴰⴷ ⵉ ⵎⴰⵙⵙ ⵎⵓⵃⵎⵎⴷ ⵏⵏⴰⵚⵕ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵎⴰⴷⴰⵏ ⴰⵜⵏⵓⵙⵉ, ⴷⴼⴼⵉⵔ ⵍⵍⵉⵖ ⵉⵎⵎⵓⵜ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⵜⵓⵏⵙⵉⵜ, ⵎⴰⵙⵙ ⵍⴱⴰⵊⵉ ⵇⴰⵢⴷ ⵙⵙⴱⵙⵉ.

ⵢⵓⵛⴽⴰⴷ ⴳ ⵜⴱⵔⴰⵜ ⴰⴷ ⵏ ⴱⴰⴱ ⵏ ⵡⴰⴷⴷⵓⵔ "ⵏⵙⵙⵏ ⵙ ⵜⴳⵓⴹⵉ ⵜⴰⵇⴱⵕⴰⵏⵜ ⵜⴰⵎⵜⴰⵏⵜ ⵏ ⵉⴳⵍⵍⵉⵏ ⵍⴱⴰⵊⵉ ⵇⴰⵢⴷ ⵙⵙⴱⵙⵉ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⵜⵓⵏⵙⵉⵜ, ⴰⴷ ⵜ ⵉⵕⵃⵎ ⵕⴱⴱⵉ".

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴳ ⵓⵣⵎⵎⵣⵓ ⵢⵛⵇⵇⴰⵏ ⴰⴷ, ⵙ ⵉⵙⵎ ⵏⵏⵙ ⴷ ⵉⵙⵎ ⵏ ⵓⵎⴰⴷⴰⵏ ⴰⵎⵖⵔⴰⴱⵉ, ⵉ ⵡⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⵎⴰⴷⴰⵏ, ⵉ ⵜⵡⵊⴰ ⵏ ⵉⴳⵍⵍⵉⵏ ⴷ ⵓⵎⴰⴷⴰⵏ ⴰⵜⵓⵏⵙⵉ ⴰⴳⵯⵎⴰ "ⴰⴼⵛⴰⴷ ⵉⵕⵖⴰⵏ ⴷ ⵜⴰⵙⴱⴷⴰⴷⵜ ⵉⵖⵥⴰⵏⵏ ⵍⵍⵉⵖ ⵉⴷⴷⴰ ⵢⴰⵏ ⴰⵔⴳⴰⵣ ⴰⵎⵇⵕⴰⵏ ⵏ ⵜⵓⵏⵙ, ⵍⵍⵉ ⵢⴼⴽⴰⵏ ⵜⵓⴷⵔⵜ ⵏⵏⵙ ⵉ ⵜⴰⵢⴰⴼⵓⵜ ⵏ ⵜⵎⴰⵣⵉⵔⵜ ⵏⵏⵙ ⴳ ⵜⵖⵍⵉⴼⵜ ⴷ ⵜⵓⵚⴽⴰ ⵏ ⵓⵡⴰⵏⴽ ⴰⵜⵔⴰⵔ".

ⴷ ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⵏⵙⵙⴽⵜⵉ ⴳ ⵓⵣⵎⵣⵣⵓ ⵢⴰⴷ ⵉⵛⵇⵇⴰⵏ ⵜⵉⵖⴰⵡⵙⵉⵡⵉⵏ ⵉⵃⵍⴰⵏ ⴷ ⵢⴰⴷⴷⵓⵔⵏ ⵏ ⵜⵙⵔⵜⵉⵜ ⵢⴰⵜⵜⵓⵢⵏ, ⵍⵍⵉ ⵢⵎⵍⴰ ⵢⴳⵍⵍⵉⵏ ⴰⵎⵎⴰⵙ ⵏ ⵜⵏⵙⵙⵉⵅⴼⵜ ⵉⴼⵓⵍⴽⵉⵏ ⵏ ⵜⵎⴰⵣⵉⵔⵜ ⵏⵏⵙ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵍⵍⵉⵖ ⵉⵜⵜⵓⵙⵜⴰ ⴰⴷ ⵉⴳ ⵓⵏⵙⵙⵉⵅⴼ ⵏ ⵓⵡⴰⵏⴽ, ⵍⵍⵉⵖ ⵉⵡⵡⵓⵔⵉ, ⴰⴷ ⵜ ⵉⵕⵃⵎ ⵕⴱⴱⵉ, ⵙ ⵉⵎⴰⵏ ⴰⵏⴰⵎⵓⵔ ⵎⵔⴰ ⴰⴷ ⵉⵇⵇⵏ ⵜⵉⵙⵏⵙⵉ ⵏ ⵓⵖⴰⵔⴰⵙ ⴰⴷⵉⵎⵓⵇⵕⴰⵟⵉ ⴳ ⵜⵎⴰⵣⵉⵔⵜ ⵏⵏⵙ, ⴷ ⵜⵏⴽⵔⴰ ⵙ ⵜⴳⵎⵉ ⵏⵏⵙ ⵉⵎⴰⵏⵏ ⴷ ⵜⴰⵏⴼⵔⵓⵜ ⴷ ⵓⴳⵣⵣⵓⵎ ⵏ ⵡⴰⴽⴰⵍ ⵏⵏⵙ".

Dernière modification : 27 ⵢⵓⵍⵢⵓⵣ 2019
Source URL: https://www.mapnews.ma/am/activites-princieres/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%99-%E2%B5%9C%E2%B5%93%E2%B5%8F%E2%B5%99-%E2%B4%B0%E2%B4%BC-%E2%B4%B0%E2%B4%B7-%E2%B5%89%E2%B5%99%E2%B5%8E%E2%B4%B7%E2%B5%A2%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94