Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴰⵎⴰⵜⴰⵢ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 66 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴰⵎⴰⵜⴰⵢ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 66 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ

20 ⵖⵓⵛⵜ 2019 Version Imprimable
ⵍⵃⵓⵙⵉⵎⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ, ⵢⴰⵏ ⵉⵏⴰⵡ ⵉ ⵜⵎⵜⵜⵉ ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 66 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵉⵏⴰⵡ ⴰⵎⴰⵜⴰⵢ ⴰⴷ ⵉⵙ ⵉⵔⴰ ⴰⴷ ⵉⵙⵔⵙ ⵓⵏⵎⵓⵔⵉ ⴰⵎⵖⵔⴰⴱⵉ ⴳ ⵜⵓⵥⵥⵓⵎⵜ ⵏ ⵜⵎⵀⵍⴰ ⵏ ⵜⴳⵎⵉ, ⴼ ⵖⵉⴽⴰⵏⵏ, ⵔⴰⴷ ⵜⵜⴼⴼⵖ ⵜⵙⵇⵇⵉⵎⵜ ⵏ ⵓⵣⵓⵔⵜ ⵏ ⵜⴳⵎⵉ.

ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵔⴰⴷ ⵜⵟⵟⴼ ⵜⵙⵇⵇⵉⵎⵜ ⴷ ⵓⵣⵓⵔⵜ ⵏ ⵜⴳⵎⵉ ⴰⵎⴰⵢⵏⵓ ⵢⴰⴷ ⵢⴰⵏ ⵓⴷⵎ ⴰⵏⴰⵎⵓⵔ ⵍⵍⵉ ⵏⵔⴰ ⴰⴷ ⵏⵍⴽⵎ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵣⵓⵔⵜ ⴰⵎⵖⵔⴰⴱⵉ - ⴰⵎⵖⵔⴰⴱⵉ.

ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵉⵔⴰ ⴰⴷ ⵉⴳ ⵓⵣⵓⵔⵜ ⴰⴷ, ⴳ ⵜⵍⵖⴰ ⵏⵏⵙ ⵜⴰⵎⴰⵢⵏⵓⵜ, ⵢⴰⵜ ⵜⴰⵙⵉⵍⴰ ⵉⵚⵃⴰⵏ ⵉⵥⴹⴰⵕⵏ ⴰⴷ ⵜⵙⵙⵓⴼⵖ ⵢⴰⵏ ⵜⵎⵖⵓⵏⵜ ⵜⴰⵏⴰⵎⵓⵏⵜ ⵜⴰⵎⴰⵢⵏⵓⵜ.

ⵉⴼⵔⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙⵙ ⵉⵙⵎⵉⵍⵏ ⵍⵍⵉ ⵢⵎⵔⵔⵜⵏ ⴱⴰⵀⵔⴰ ⵙⴳ ⵜⵉⵎⵙⵓⵜⴰⵍ ⵏ ⵜⵓⴷⵔⵜ ⵉⵛⵇⵇⴰⵏ ⵍⵍⴰⵏ, ⵙⵍⴰⵡⴰⵏ ⴰⴽⴽⵯ, ⴳ ⵉⴳⵔ ⴰⴼⴰⵔⴰⵏ ⴷ ⴳ ⴱⵕⵕⴰ ⵏ ⵜⵖⵔⵎⵉⵏ.  

ⴼ ⵖⵉⴽⴰⵏⵏ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵜⵜⵓⵏⴽⴰⵔ ⵙ ⵓⵎⴰⴹⴰⵍ ⴰⴼⴰⵔⴰⵏ, ⵉⵏⵏⴰ ⵙⵓⵍ ⵎⴰⵙⵙ ⴳ ⵓⵙⴰⵜⵉ ⵢⴰⴷ ⴰⴷ ⵉⴽⵛⵎ ⵓⵖⴰⵡⴰⵙ ⴰⵏⴰⵎⵓⵔ ⴰⴷ ⵍⵍⵉ ⵢⵔⴰⵏ ⴰⴷ ⵉⵙⴱⵉⴷⴷ ⵉⵎⵣⴰⵔⴰⵢⵏ ⴳ ⵓⵎⴰⴹⴰⵍ ⴰⴼⴰⵔⴰⵏ, ⵍⵍⵉ ⵢⵓⵎⵥⵏ ⵍⴰⵃⵡⴰⵍ ⵏ 50 ⵓⵎⵍⵢⴰⵕ ⵏ ⴷⴷⵔⵀⵎ ⴳ ⵓⵣⵎⵣ ⴳⵔ 2016 ⴷ 2022.

ⴳ ⵢⴰⵜ ⵜⵙⴳⴰ ⵢⴰⴹⵏⵉⵏ, ⵉⵅⵙⵙⴰ ⵉ ⵢⵙⵎⵉⵍⵏ ⴰⴷ ⴰⴷ ⵡⵡⵓⵔⵉⵏ ⴰⴼ ⴰⴷ ⵙⵙⵏⴼⵍⵏ ⴰⵙⵔⵙ ⴰⵏⴰⵎⵓⵏ ⵏⵏⵙⵏ ⴷ ⴰⴷ ⵙⵙⴼⴰⵍⴽⵉⵏ ⵜⵉⵎⵙⵓⵜⴰⵏ ⵏⵏⵙⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴰⵎⵎⴰⵙ ⵏ ⵉⵎⴰⵙⵙⵏ ⵉⵥⴹⴰⵕⵏ ⴰⴷ ⵙⵙⵍⴽⴰⵎⵏ ⵙ ⵡⵎⵙⵖⴰⵔⵓ ⵢⴰⴷ, ⵍⵍⴰⵏ ⴰⵙⴱⵖⵓⵔ ⵙⴳ ⵓⵙⵎⵓⵜⴰⵢ ⵏ ⵓⵙⵍⵎⴷ, ⴷ ⵙⴳ ⵉⵣⵎⵣⵏ ⵍⵍⵉ ⴰⵔ ⵉⵜⵜⵢⴰⴽⴽⴰ ⵡⵙⵎⵓⵜⵜⴳ ⴰⵣⵣⵓⵍⴰⵏ, ⵓⵍⴰ ⵢⵖⴰⵡⴰⵙⵏ ⵉⵏⴰⵎⵓⵏⵏ ⵉⵏⴰⵎⵓⵔⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵜⴰⵎⴰ ⵏ ⵖⵉⴽⴰⵏⵏ, ⵉⵅⵚⵚⴰ ⴰⴷ ⵙⵙⵓⵔⵓⵏ ⵉⵏⴰⵎⵓⵔⵏ ⴰⴷ ⴽⵔⴰ ⵢⴳⴰⵜⵜ ⵜⴱⵖⵓⵔⵜ ⵉⵍⵍⴰⵏ ⴳ ⵓⵎⴰⴹⴰⵍ ⴰⴼⴰⵔⴰⵏ, ⵙⵍⴰⵡⴰⵏ ⴰⴽⴽⵯ ⴰⴽⴰⵍ ⴰⵏⴼⵍⴰⵃ ⴰⵙⵓⵍⴰⵍⵉ, ⵍⵍⵉ ⵏⵖⵕⴰ ⴰⴷ ⵉⵎⵓⵏ ⴰⴼⴰⴷ ⴳⵉⵜ ⵜⵜⵓⵙⴽⴰⵔⵏ ⵉⵙⵏⵜⵉⵏ ⵉⵙⵙⴰⵔⵓⵏ ⴳ ⵉⴳⵔ ⴰⵏⴼⵍⴰⵃ, ⵎⴰ ⵢⴰⴷ ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⴼ ⵖⵉⴽⴰⵏⵏ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵜⵓⴳⴳⴰⵣ ⵏ ⵓⵡⴰⵏⴽ ⵡⴰⵃⴷⵓⵜ ⵓⵔ ⴽⴼⴰⵏ ⵉ ⵜⵏⴼⵔⵓⵜ ⵏ ⵓⵎⵓⵔⵙ ⴳ ⵜⵎⵀⵍⴰ ⵜⴰⵎⵇⵔⴰⵏⵜ ⴰⴷ, ⴷ ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵅⵚⵚⴰ ⴰⴷ ⵜⵓⵏⵏⴰⵍ ⵏ ⵜⵙⵏⵜⴰⵢⵉⵏ ⴷ ⵉⵙⵏⵜⵉⵏ ⵏ ⵉⴳⵔ ⵓⵙⵍⵉⴳ ⵎⵔⴰ ⴰⴷ ⵜⵢⴰⴽⴽⴰ ⵢⴰⵜ ⵜⴰⴷⵉⵏⴰⵎⵉⵜ ⵜⴰⴷⵓⵙⵜ ⵉ ⵡⵙⵙⴰⵔⵓ ⴰⵏⴼⵍⴰⵃ ⴷ ⵉ ⵜⵙⵖⵏⵉⵏ ⵏ ⵜⵢⴰⴼⵓⵜ ⵖⵓⵔⵙⵏ ⵜⵓⵇⵇⵏⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⴰⴼⴰⵔⴰⵏ.

ⴳ ⵓⵙⴰⵜⵉ ⴷⵖ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵎⴰⵙ ⴰⴷ ⵜⵜⵓⵙⵢⴰⴼⴰⵏ ⵉⵣⵎⵣⵏ ⵍⵍⵉ ⴼⴽⴰⵏ ⵉⴳⵔⵏ ⵢⴰⴹⵏⵉⵏ ⵓⵔ ⴳⴰⵏ ⵉⵏⴼⵍⴰⵃⵏ, ⴰⵎⵎ ⵜⴰⵎⵍⵍⴰⵢⵜ ⵜⴰⴼⵔⴰⵏⵜ ⴷ ⵜⴰⵙⴱⴱⴰⴱⵜ ⴷ ⵜⴳⵓⵔⵉⵏ ⵜⵉⴷⵖⵔⴰⵏ ⴷ ⵅⵜⵉⵏⵏ ⵢⴰⴹⵏⵉⵏ, ⴰⴼⴰⴷ ⴰⴷ ⵜⵢⴰⵙⵉ ⵜⴳⵎⵉ ⴷ ⴰⴷ ⵜⵏⵏⵍ ⵜⵙⵏⵜⴰⵢⵉⵏ ⵏ ⵓⵙⵍⵉⴳ ⴷ ⵜⵡⵓⵔⵉ ⵙ ⵉⵅⴼ. 

ⴷ ⵓⵣⵎⵎⵣⵓ ⵢⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷⴷⵓⵔ ⵍⵍⵉ ⵢⵟⵟⴰⴼ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵜⵏⴽⵔⴰ ⵙ ⵜⵄⵓⵔⵎⴰ, ⵙⵡⴰ ⴳ ⵉⵣⵣⵓⵍⴰⵏ ⵏ ⵜⵎⴳⵓⵔⵉ ⵜⵇⴱⵓⵔⵜ ⴷ ⵍⵍⵉ ⵜⴼⴽⴰ ⵉ ⵎⴷⴷⵏ ⵏⵏⵙ ⵏ ⵓⴳⵛⵓⵎ ⴷ ⵜⵓⴷⵔⵜ ⵜⴰⵖⵓⴷⴰⵏⵜ, ⵓⵍⴰ ⵜⵎⴳⵓⵔⵉ ⵏ ⵓⵎⵙⴰⴷⵓⵔ ⴷ ⵜⵡⵓⵔⵉⵏ ⵉⵣⴷⵉⵏ ⴷ ⵜⵏⴼⵍⴰⵃⵜ ⴷ ⵍⵍⵉ ⵢⵅⵚⵚⴰⵏ ⴰⴷ ⵉⵍⵉⵏ ⴳ ⵉⵎⴰⵙⵏ ⵏ ⵜⵙⵢⴰⴼⵓⵜ, ⵓⵍⴰ ⵜⵉⵥⴹⵕⴰ ⵜⵉⵏⵎⵓⵔⵉⵏ ⴳ ⵜⵎⵍⴰⵢⵜ ⴷ ⵜⵉⵢⴰⴼⵓⵜⵉⵏ ⴷ ⵜⵡⵓⵔⵉⵡⵉⵏ ⵜⵉⵎⴰⵢⵏⵓⵏ ⴳ ⵍⵎⵖⵔⵉⴱ ⵣⵓⵏⴷ ⵜⴰⵎⴳⵓⵔⵉ ⵏ ⵜⵀⵉⵔⵉⵜⵉⵏ ⴷ ⵜⵉⵢⵍⴰⵍⵉⵏ, ⴷ ⴳ ⵉⴳⵔ ⵏ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ.

ⵉⵔⵏⴰ ⵢⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵎⵇⵇⴰⵕ ⵍⵍⵉⵖ ⵍⵍⴰⵏ ⵜⵓⴳⴳⴰⵣ ⴷ ⵉⴹⵕⵉⵚⵏ ⵉⵣⵔⴼⴰⵏ, ⵍⵍⴰⵏ ⵓⴽⴰⵏ ⵙⵓⵍ ⵎⵏⵏⴰⵡ ⵏ ⵉⵙⴷⴰⵡⵏ ⵍⵍⵉ ⵓⵔⵜⴰ ⴼⵙⵉⵏ ⴷ ⴰⵔ ⵙⵓⵍ ⵜⵙⴰⴳⴳⵯⴰⵎⵏ ⴳ ⵕⵕⴱⴰⵟ, ⵉⵙⴰⵡⵍ ⵙⵓⵍ ⵅⴼ ⵜⵉⵎⵏⵜⵉⵍⵉⵜⵉⵏ ⵏ ⵓⵎⴰⵟⵍ ⵏ ⵉⵜⵜⵓⵙⴽⴰⵔⵏ ⵏ ⵉⵙⵏⵜⵉⵏ ⵏⵖⴷ ⴰⴽⴽⵯ ⵓⵙⴱⵉⴷⴷ ⵏⵏⵙⵏ ⵍⵍⵉ ⴷ ⵢⵓⵛⴽⴰⵏ ⴷⴼⴼⵉⵔ ⵏ ⵖⵉⴽⴰⵏⵏ. 

ⴳ ⵓⵙⴰⵜⵉ ⴷⵖ, ⵉⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⴰⴷ ⴰⴷ ⵜⴼⴽ ⵜⵏⴱⴰⴹⵜ ⴰⴷⴷⵓⵔ ⴰⵎⵣⵡⴰⵔⵓ ⵉ ⵡⴼⵙⵙⴰⵢ ⵏ ⵓⵙⴳⵓⵎ ⴰⴷ, ⴷ ⴰⴷ ⵜⵙⵙⴰⵖⴷ ⵜⵎⵓⴽⵔⵉⵙⵉⵏ ⵏ ⵜⵎⵙⵙⵓⴳⵔⵉⵏ ⴷ ⴰⴷ ⵜⴰⴼ ⵜⵥⵉⴹⵕⴰ ⵉⵅⵚⵚⴰⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⴷⵖⵔⴰⵏ ⵎⵔⴰ ⴰⴷ ⵜⵜⵢⴰⵙⵉⵏ ⵜⵣⴰⵕⵉⵏ ⵏ ⵜⴽⵍⵉⵜ ⵜⴰⵎⴰⵢⵏⵓⵜ ⴰⴷ ⵢⵓⵛⴽⴰⵏ.

Dernière modification : 20 ⵖⵓⵛⵜ 2019
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89-%E2%B5%99-%E2%B5%93%E2%B5%A3%E2%B5%8E%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-66-%E2%B5%8F