Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ: ⵢⴰⵏ ⴰⵣⵎⵣⵣⵓ ⴰⵅⴰⵜⴰⵔ ⵏ ⵓⵣⵣⵓⵍ ⵏ ⵜⵓⴳⴳⴰⵣ ⵅⴼ ⵜⵏⴽⵔⴰ ⵙ ⵜⵎⵖⴰⵔⵜ ⴷ ⵓⵔⴱⴰⵜⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⴰⴼⵓⴳⵍⴰ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ: ⵢⴰⵏ ⴰⵣⵎⵣⵣⵓ ⴰⵅⴰⵜⴰⵔ ⵏ ⵓⵣⵣⵓⵍ ⵏ ⵜⵓⴳⴳⴰⵣ ⵅⴼ ⵜⵏⴽⵔⴰ ⵙ ⵜⵎⵖⴰⵔⵜ ⴷ ⵓⵔⴱⴰⵜⵏ

26 ⵖⵓⵛⵜ 2019 Version Imprimable
ⵕⵕⴱⴰⵟ - ⵙⴼⴼⵓⴳⵍⴰⵏ ⵜⵡⵊⴰ ⵜⴰⴳⵍⴷⴰⵏⵜ ⴷ ⵓⴳⴷⵓⴷ ⴰⵎⵖⵔⴰⴱⵉ, ⴰⵙⵙ ⵏ ⵓⵢⵏⴰⵙ (26 ⵖⵓⵛⵜ), ⴰⵙⵙ ⵏ ⵜⵍⴰⵍⵉⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵍⵍⵉ ⵢⵜⵜⴰⵡⵙⴰⵏ ⵙ ⵓⵙⴰⵏⵜⵍ ⵏⵏⵙ ⵙ ⵜⵏⴽⵔⴰ ⵙ ⵜⵎⵖⴰⵔⵜ ⵜⴰⵎⵖⵔⴰⴱⵉⵜ ⴷ ⵓⵙⴷⵍ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⴰⵔⴱⴰⵜⵏ, ⵙⵍⴰⵡⵏ ⴰⴽⴽⵯ ⵙ ⵛⴰⵢⴳⴰⵏ ⵏ ⵜⵢⴰⴼⵓⵜⵉⵏ ⵉⵖⵓⴷⴰⵏ ⵉⵜⵜⵓⵙⴽⵔⵏ ⵙ ⵜⵓⴳⴳⴰⵣ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⴳ ⵢⵉⴳⵔ ⴰⴷ.

ⴰⵔ ⵜⵉⴽⴽⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴰⴷⴷⵓⵔ ⴰⵅⴰⵜⴰⵔ ⵉ ⵢⵄⵔⵔⵉⵎⵏ, ⵍⵍⵉ ⵢⴳⴰⵏ ⵉⵎⴰⵍ ⵏ ⵜⵎⵓⵔⵜ ⵏⵏⵖ, ⴷ ⵜⵙⴽⵔ ⴷⴰⵖ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵛⴰⵢⴳⴰⵏ ⵏ ⵜⵓⴳⴳⴰⵣ ⴳ ⵢⵉⴳⵔ ⴰⵏⴰⵎⵓⵏ ⴷ ⵜⵉⴳⵎⵉ, ⵙⵍⴰⵡⵏ ⴰⴽⴽⵯ ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ.

ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⵎⵏⵏⴰⵡ ⵏ ⵜⵎⴰⵙⵙⴰⵢⵉⵏ ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵏ ⵉⵡⵉⵔⵉⵏ ⵉⵏⴰⵎⵓⵏⵏ ⵏ ⵜⴳⴳⴰⵍⵉⵏ ⵜⵉⵍⴰⵍⵉⵏ ⵜⵉⴳⵍⴷⴰⵏⵉⵏ ⴷ ⵓⵙⵉⴷⵔ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵉⵎⵖⵔⴰⴱⵉⵢⵏ ⵉⵣⴷⵖⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⵜⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵓⵙⵎⴰⵜⴳ ⵏ « ⵍⵢⵓⵏⵉⵙⵉⴼ » ⴷ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⵜⵎⵖⵔⴰⴱⵉⵏ ⴷ ⵓⵙⴰⵎⴰⵜⵔ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴷ ⵓⴱⵕⵍⴰⵎⴰⵏ ⵏ ⵉⵄⵔⵔⵉⵎⵏ.

ⴼ ⵖⵉⴽⴰⵏⵏ, ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵜⵎⵓⵏⵜ ⵜⴰⵏⴰⵎⵓⵔⵜ ⵏ ⵜⵎⵖⴰⵔⵉⵏ ⴳ ⵍⵎⵖⵔⵉⴱ ⴳ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⴼⵓⴳⵍⵓ ⵏ ⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ.

ⵜⵙⵙⵉⵅⴼ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⴽⵜⵜⴰⵢ ⵏ ⵜⵎⴽⵜⵉⵜ ⵜⵉⵙⵙ 50 ⵏ ⵜⵓⴳⵉ ⵏ ⵜⵎⵙⵎⵓⵏⵜ "ⵍⵎⴰⵏⴰⵕ" ⵏ ⵉⴼⵔⵅⴰⵏ ⵉⵎⵄⴹⵓⵕⵏ ⵉⵏⵢⴰⵎⴰⵏⵏ.

ⵜⵙⴽⵔ ⴷⴰⵖ ⵍⴰⵍⵍ ⵏ ⵡⴰⴷⴷⵓⵔ ⵜⴳⵍⵍⵉⴷⵜ ⵍⵉⵜⵉⵣⵢⴰ, ⵜⴰⴳⵍⵍⵉⴷⵜ ⵏ ⵚⴱⵍⵢⵓⵏ, ⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ, ⵜⴰⵏⵙⵙⵉⵅⴼⵜ ⵏ ⵓⵙⴰⴹⴰⴼ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵉⴼⵔⵅⴰⵏ, ⵢⴰⵏ ⵓⵔⵣⴰⴼ ⵉ ⵜⵉⵏⵎⵍ ⵏ ⵓⵣⵎⵣ ⵡⵉⵙⵙ ⵙⵉⵏ (ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵙⵉⵔⴽ "ⵜⴰⴼⵓⴽⵜ ⵉⵏⵏⵓ" (ⵛⴰⵎⵙⵉ)) ⴳ ⵙⵍⴰ, ⵎⴰ ⵢⴰⴷ ⵉⵔⴰⵏ ⴰⴷ ⵜⵙⵔⵙ ⴰⵙⴷⴼ ⴷ ⵜⴰⵣⵔⴰⴼⵜ ⵜⴰⵏⴰⵎⵓⵏⵜ ⴰⴼ ⴰⴷ ⵜⵍⴽⵎ ⵜⴳⵎⵉ ⵜⴰⵙⵓⵎⵓⵜ.

Dernière modification : 26 ⵖⵓⵛⵜ 2019
Source URL: https://www.mapnews.ma/am/activites-princieres/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8D%E2%B4%B0%E2%B5%8D%E2%B5%89%E2%B5%9C-%E2%B5%8F-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B5%8E-%E2%B5%A2%E2%B4%B0%E2%B5%8F-%E2%B4%B0%E2%B5%A3%E2%B5%8E%E2%B5%A3%E2%B5%A3%E2%B5%93-0