Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⵙⵙⵓⵜⵍⵜ ⵜⵉⵙⵙ 12 ⵏ ⵚⵚⴰⵍⵓⵏ ⵏ ⵡⴰⵢⵢⵉⵙ ⵖ ⵊⵊⴷⵉⴷⴰ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵜⴰⵙⵙⵓⵜⵍⵜ ⵜⵉⵙⵙ 12 ⵏ ⵚⵚⴰⵍⵓⵏ ⵏ ⵡⴰⵢⵢⵉⵙ ⵖ ⵊⵊⴷⵉⴷⴰ

14 ⴽⵟⵓⴱⵕ 2019 Version Imprimable
ⵊⵊⴷⵉⴷⴰ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵢⵏⴰⵙ ⴳ ⵊⵊⴷⵉⴷⴰ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵙⵓⵜⵍⵜ ⵜⵉⵙⵙ 12 ⵏ ⵚⵚⴰⵍⵓⵏ ⵏ ⵡⴰⵢⵢⵉⵙ ⵍⵍⵉ ⵢⵜⵜⵓⵙⵏⵎⴰⵍⴰⵏ ⴰⵔ ⴰⵙⵙ ⵏ 20 ⴽⵟⵓⴱⵕ ⴷⵖ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵍⵍⵉⵖ ⵉⵍⴽⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵎⵎⴰⵙ ⵏ ⵉⵙⴼⵙⵔⵏ "ⵎⵓⵃⵎⵎⴷ ⵡⵉⵙⵙ ⵚⴹⵉⵚ" ⴳ ⵊⵊⴷⵉⴷⴰ, ⵢⵓⴼⴰ ⴳ ⵓⵙⵏⵓⴱⴳ ⵏⵏⵙ ⵎⵓⵍⴰⵢ ⵄⴱⴷⵍⵍⴰ ⵍⵄⴰⵍⴰⵡⵉ, ⴰⵏⵙⵙⵉⵅⴼ ⵏ ⵜⴼⵉⴷⵉⵔⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵓⵏⵏⵓⵏⵜ ⵏ ⵉⵢⵢⵙⴰⵏ, ⴷⴰⵜ ⴰⴷ ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.

ⴷ ⵉⵣⵣⵓⵍ ⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴷ ⵍⵡⴰⵍⵉ ⵏ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ-ⵚⵟⵟⴰⵜ, ⴰⵏⴱⴰⴹ ⵏ ⵍⵄⴰⵎⴰⵍⴰ ⵏ ⴹⴹⴰⵕⵍⴱⵉⴹⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ, ⴷ ⵓⵏⴱⴱⴰⵟ ⵏ ⵜⵙⴳⴰ ⵏ ⵊⵊⴷⵉⴷⴰ, ⴷ ⵎⵏⵏⴰⵡ ⵏ ⵉⵎⵙⵜⴳⴳⵯⴰⵔⵏ ⵢⴰⴹⵏⵉⵏ.

ⴳ ⵓⵣⵎⵣⵣⵓ ⵢⴰⴷ, ⵉⵔⵣⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵙⴰⵢⵔⴰⵔⵏ ⵏ ⵚⵚⴰⵍⵓⵏ. ⴷⴼⴼⵉⵔ ⵏ ⵖⵉⴽⴰⵏⵏ, ⵉⵃⴰⴹⵕ ⵉ ⵢⴼⵕⵕⵊⵏ ⵉⵎⵙⵉⵙⵔⴼⵏ ⵍⵍⵉ ⵙⵎⵏⵉⴷⵏ ⵉ ⵎⵏⴰⵢⵏ ⵉⴷⵔⵓⵏ ⴳ ⵜⵡⴰⵍⴰ ⴷⵖ, ⴷⴰⵜ ⴰⴷ ⵢⴰⵎⵥ ⵢⴰⵜ ⵜⵡⵍⴰⴼⵜ ⴷ ⵉⵙⵙⵉⵅⴼⵏ ⵏ ⵙⵙⵔⴱⴰⵜ ⵍⵍⵉ ⴷ ⵜⵢⵓⵛⴽⴰⵏ ⵙⴳ ⴰⴽⴽⵯ ⵜⵙⴳⵉⵡⵉⵏ ⵏ ⵍⵎⵖⵔⵉⴱ.

ⵚⵚⴰⵍⵓⵏ ⵏ ⵡⴰⵢⵢⵉⵙ ⵖ ⵊⴷⵉⴷⴰ ⵉⵙⵙⵏ ⴰⵙⴳⴳⵯⴰⵙ ⴰⴷ ⵜⴰⴷⵔⴰⵡⵜ ⵏ ⵓⴳⴳⴰⵔ ⵏ 700 ⵉⵎⴷⵔⴰⵡⵏ ⵙⴳ ⵍⴰⵃⵡⴰⵍ ⵏ 40 ⵓⵡⴰⵏⴽ, ⵓⵍⴰ ⵜⵉⵎⵔⵙⵍⵉⵏ ⵉⵏⴰⵎⵓⵔⵏⵉⵏ ⴷ ⵉⴳⵔⴰⵖⵍⴰⵏⵉⵏ ⴷ ⵜⵉⵎⵙⵎⵓⵏⵉⵏ ⵉⵣⵣⵓⵍⴰⵏⵏ.

Dernière modification : 15 ⴽⵟⵓⴱⵕ 2019
Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%95%E2%B5%9B%E2%B5%89%E2%B4%B7-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-12-%E2%B5%8F-%E2%B5%9A%E2%B5%9A%E2%B4%B0%E2%B5%8D%E2%B5%93%E2%B5%8F-%E2%B5%8F