ⴰⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ "ⴱⴰⵢⵜ ⴷⴷⴰⴽⵉⵔⴰ" : ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵎⵏⵙⵉ ⵅⴼ ⴰⴷⴷⵓⵔ ⵏ ⵉⴳⵎⴰⵎⵏ ⵏ ⵜⴳⵔⴰⵡⵜ ⵜⵓⴷⴰⵢⵜ ⵜⴰⵎⵖⵔⵉⴱⵉⵜ ⴷ ⵎⴷⴷⵏ ⵉⵜⵜⵓⵖⵔⴰⵏⵉⵏ

16 ⵉⵏⵏⴰⵢⵔ 2020 Version Imprimable

ⵜⴰⵚⵚⵓⵕⵜ - ⵙ ⵓⵣⵎⵎⵣⵓ ⵏ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵙ "ⴱⴰⵢⵜ ⴷⴷⴰⴽⵉⵔⴰ" ⴳ ⵜⴰⵚⵚⵓⵕⵜ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹ ⵍⵍⵉ ⵏ ⴰⵙⵙ ⵏ ⵓⴽⵕⴰⵙ ⴳ ⵜⵖⵔⵎⵜ ⵏ ⵓⵣⵡⵓ, ⵢⴰⵏ ⵉⵎⵏⵙⵉ ⵅⴼ ⴰⴷⴷⵓⵔ ⵏ ⵜⴳⵔⴰⵡⵜ ⵜⵓⴷⴰⵢⵜ ⴷ ⵎⴷⴷⵏ ⵉⵅⴰⵜⴰⵔⵏ ⵍⵍⵉ ⵢⵓⵛⴽⴰⵏ ⵙⴳ ⵎⵏⵏⴰⵡ ⵏ ⵜⵎⵏⴰⴹⵉⵏ ⵏ ⵓⵎⴰⴹⴰⵍ ⵎⵔⴰ ⴰⴷ ⵃⴰⴹⵕⵏ ⴳ ⵓⵎⵓⵙⵙⵓ ⴰⵎⵇⵕⴰⵏ ⴰⴷ.

ⵉⵙⵙⵏ ⵉⵎⵏⵙⵉ ⵢⴰⴷ ⵜⵉⵍⵉⵜ ⵏ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⴰⵙⵙ ⴰⵏⴷⵕⵉ ⴰⵣⵓⵍⴰⵢ, ⴷ ⵎⴰⵙⵙ ⵢⴰⵙⵉⵔ ⵣⵣⵏⴰⴳⵉ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵜⴰⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵍⴰⵢⵜ ⵏ ⵜⵎⵜⵜⴰ ⵢⵎⴰⵏ ⵏ ⵓⵙⴳⵎⵉ ⴷ ⵉⵎⴰⵙⵙⵏ ⴷ ⵜⴷⵍⵙⴰ (ⵢⵓⵏⵉⵙⴽⵓ), ⵓⴷⵔⵉ ⴰⵣⵓⵍⴰⵢ, ⴷ ⵓⵎⵙⵇⴰⴷ ⵏ ⴰⵍⵎⴰⵏⵢⴰ ⵖ ⵕⵕⴱⴰⵟ, ⴷⵓⴽⵜⵓⵔ ⴳⵓⵜⵣ ⵛⵎⵉⵜ ⴱⵉⵔⵎ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴳⵔⴰⵡⵜ ⵜⵓⴷⴰⵢⵜ ⵖ ⵍⵎⵖⵔⵉⴱ, ⵎⴰⵙⵙ ⵙⵉⵔⵊ ⴱⵉⵔⴷⵉⴳⵓ, ⴷ ⵓⵃⴰⵅⴰⵎ ⴰⵎⵇⵕⴰⵏ ⵏ ⵊⵓⵏⵉⴼ, ⵎⴰⵙⵙ ⵉⵙⵃⴰⵇ ⴷⴰⵢⴰⵏ, ⴷ ⵓⵏⵎⵀⴰⵍ ⴰⵎⵙⴽⴰⵔ ⵏ ⵜⴼⵉⴹⵉⵕⴰⵍⵉⵜ ⵜⴰⵙⵉⴼⴰⵔⴰⴷⵉⵜ ⵜⴰⵎⴰⵔⵉⴽⴰⵏⵉⵜ, ⵎⴰⵙⵙ ⵊⵉⵙⵓⵏ ⴳⵓⴱⵔⵎⴰⵏ, ⴷ ⵓⵏⴰⵥⵓⵕ ⴰⴽⵓⵎⵉⴷⵉ ⴳⴰⴷ ⵍⵎⴰⵍⵃ, ⴷ ⵎⵏⵏⴰⵡ ⵏ ⵎⴷⴷⵏ ⵢⴰⵜⵜⵓⵢⵏ.

Dernière modification : 16 ⵉⵏⵏⴰⵢⵔ 2020

Source URL: https://www.mapnews.ma/am/activites-royales/%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99-%E2%B4%B1%E2%B4%B0%E2%B5%A2%E2%B5%9C-%E2%B4%B7%E2%B4%B7%E2%B4%B0%E2%B4%BD%E2%B5%89%E2%B5%94%E2%B4%B0-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8E%E2%B5%8F%E2%B5%99%E2%B5%89-%E2%B5%85%E2%B4%BC