"ⵜⵉⵣⵓⵣⴰⴼ" : ⴰⴷⵍⵉⵙ ⴰⵎⵓⵟⵟⵓⵏ ⴰⵎⵣⵡⴰⵔⵓ ⵉⵜⵜⵓⵣⵔⴰⴳⵏ ⵙⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ

16 ⵉⵏⵏⴰⵢⵔ 2020 Version Imprimable

ⵕⵕⴱⴰⵟ - ⵉⵣⵔⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ ⴰⴷⵍⵉⵙ ⴰⵎⵓⵟⵟⵓⵏ ⴰⵎⵣⵡⴰⵔⵓ ⵏⵏⵙ ⴷⴷⵓ ⵏ ⵓⵣⵡⴰⵏ "ⵜⵉⵣⵓⵣⴰⴼ", ⵎⴰ ⵢⴰⴷ ⵉⴳⴰⵏ ⵢⴰⵏ ⴰⴷⵍⵉⵙ ⵍⵍⵉ ⵢⵜⵜⵓⵙⵎⵏⴰⴷⵏ ⵉⴹ ⵍⵍⵉ ⵏ ⴰⵙⵙ ⵏ ⵓⴽⵕⴰⵙ ⵖ ⵕⵕⴱⴰⵟ ⵙ ⵜⵉⵍⵉⵜ ⵏ ⵓⵏⴱⴷⴰⴷ ⵏ ⵓⵙⵉⵏⴰⴳ ⴷ ⵉⵎⵉⵏⴰⴳⵏ ⴷ ⵎⴷⴷⵏ ⵉⴼⴽⴰⵏ ⴰⴷⴷⵓⵔ ⵉ ⵜⵖⴰⵡⵙⴰ ⵜⴰⴷⵍⵙⴰⵏⵜ.

ⵜⴽⵛⵎ ⵜⵣⵔⵉⴳⵜ ⵏ ⵓⴷⵍⵉⵙ ⴰⴷ, ⵍⵍⵉ ⵢⵓⵔⴰ ⵡⵎⵉⵏⴰⴳ ⵄⴱⴷⵙⵙⵍⴰⵎ ⴰⵎⴰⵔⵉⵔ, ⴳ ⵓⵙⴰⵜⵉ ⵏ ⵜⵏⴽⵔⴰ ⵙ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵣⵔⵉⴳⵜ ⵏⵏⵙ, ⵙⵍⴰⵡⴰⵏ ⴰⴽⴽⵯ ⴳ ⵓⵣⵎⵣ ⴰⴷ ⵍⵍⵉ ⵢⵙⵙⵏ ⵢⴰⵜ ⵜⴳⵔⴰⵡⵍⴰ ⵜⴰⵎⴰⵟⵟⵓⵏⵜ ⵜⴰⵎⵣⵡⴰⵔⵓⵜ.

ⴳ ⵢⴰⵜ ⵜⵙⴳⵓⵔⵉ ⵉ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ, ⵉⵏⵏⴰ ⵎⴰⵙⵙ ⵎⵓⵃⵎⵎⴷ ⵚⵍⵍⵓ, ⴰⵏⵎⵀⴰⵍ ⵏ ⵓⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵥⵓⵕⵉⵡⵉⵏ ⴷ ⵜⵡⵏⵉⵜⵉⵏ ⵜⵉⵙⴽⵍⴰⵜⵉⵏ ⴷ ⵓⴼⴰⵔⵙ ⴰⵙⵍⵉⵣⵕ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ, ⵎⴰⵙ ⵉⴳⴰ ⵍⵃⴰⵍ ⵓⴷⵍⵉⵙ ⴰⵎⴰⵟⵟⵓⵏ ⴰⵎⵣⵡⵔⵓ ⵍⵍⵉ ⵊⵊⵓ ⵢⵙⴽⵔ ⵓⵙⵉⵏⴰⴳ, ⴷ ⵢⵉⵡⵉ ⵡⵙⵙⵓⴼⵖ ⵏⵏⵙ ⵢⴰⵏ ⵓⵙⴳⴳⵯⴰⵙ ⵏ ⵜⵡⵓⵔⵉ.

Dernière modification : 16 ⵉⵏⵏⴰⵢⵔ 2020

Source URL: https://www.mapnews.ma/am/dossier/%E2%B5%9C%E2%B5%89%E2%B5%A3%E2%B5%93%E2%B5%A3%E2%B4%B0%E2%B4%BC-%E2%B4%B0%E2%B4%B7%E2%B5%8D%E2%B5%89%E2%B5%99-%E2%B4%B0%E2%B5%8E%E2%B5%93%E2%B5%9F%E2%B5%9F%E2%B5%93%E2%B5%8F-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%89%E2%B5%9C%E2%B5%9C%E2%B5%93%E2%B5%A3%E2%B5%94%E2%B4%B0%E2%B4%B3%E2%B5%8F-%E2%B5%99%E2%B4%B3-%E2%B5%93%E2%B5%99%E2%B5%89%E2%B5%8F%E2%B4%B0%E2%B4%B3-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%8F-%E2%B5%9C%E2%B5%93%E2%B5%99%E2%B5%99%E2%B5%8F%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C