ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⵓⵣⵉⵏⵜ ⵉ ⵢⵉⵎⴷⵔⴰⵡⵏ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ 7 ⵏ ⵓⵙⴳⵎⵉ ⴰⵡⵏⴹⴰⵏ.

09 ⵢⵓⵏⵢⵓ 2013 Version Imprimable

ⵎⵕⵕⴰⴽⵯⵛ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⵓⵣⵉⵏⵜ ⵉ ⵢⵉⵎⴷⵔⴰⵡⵏ ⴳ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ 7 ⵏ ⵓⵙⴳⵎⵉ ⴰⵡⵏⴹⴰⵏ ⵍⵍⵉ ⵉⵜⵜⵓⵕⵥⵎⵏ ⴰⵙⵙ ⵏ ⵓⵙⵎⴰⵙ ⴳ ⵜⴰⴳⴰⴷⵉⵔⵜ ⵏ ⵉⴳⵔⴰⵡⵏ ⵖ ⵎⵕⵕⴰⴽⵯⵛ ⴷⴷⵓ ⵜⴰⵏⵙⵙⵉⵅⴼⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ , ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ.

ⵜⵓⵣⵉⵏⵜ ⴰⴷ ⵜⵖⵔⴰⵜ ⵜ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵓⵣⵉⵏⵜ ⴰⴷ ⵎⴰⵙ ⵜⵉⴳⵎⵉ ⵜⴰⴷⴰⵎⵙⴰⵜ ⵍⵍⵉ ⵢⵉⵍⵍⴰⵏ ⴳ ⵍⵎⵖⵔⵉⴱ ⴷ ⵍⵍⵉ ⵢⵉⵎⵓⵏⵏ ⴷ ⵜⵎⵔⵏⵉⵡⵜ ⵜⴰⵏⴰⵎⵓⵏⵜ, ⵜⵅⵚⵚⴰ ⵜⵜ ⵢⴰⵜ ⵜⵙⵔⵜⵉⵜ ⵏ ⵓⵔⴰⵢ ⵏ ⵓⵡⵏⴰⴹ. ⵜⴰⵙⵔⵜⵉⵜ ⵉⴱⵉⴷⴷⵏ ⵅⴼ ⵜⵎⵓⵏⵜ ⵏ ⵜⵥⴹⴰⵕⵉⵏ ⵜⵉⵏⴰⵎⵓⵔⵉⵏ ⴰⴼⴰⴷ ⴰⴷ ⵜⵉⵍⵉ ⵜⴳⵎⵉ ⵜⴰⵙⵓⵍⴰⵏⵜ.

ⵉⵏⵔⵓ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴳⴰ ⵜⴰⵎⵓⵔⵜ ⵏⵏⵖ ⴳ ⵜⵎⵣⵡⵓⵔⴰ ⵍⵍⵉ ⵢⵉⵍⵜⵖⵏ ⴳ ⵉⵎⵏⵣⴰⵢ ⵏ « ⵜⴰⵙⴳⵓⵔⵉ ⵏ ⵔⵉⵢⵓ » ⴷ « ⵜⵎⵙⵙⴽⵜⵉⵜ 21 » ⵓⵍⴰ ⵙⵓⵍ ⴳ ⵉⵎⵙⴰⵙⴰⵜⵏ ⵉⴳⵔⴰⵖⵍⴰⵏ ⵉⴳⵜⵉⵔⴰⵏⵏ. ⵖ ⵜⵙⴳⴰ ⵢⴰⴷ, ⵉⵙⴽⵔ ⵍⵎⵖⵔⵉⴱ ⵜⵉⵖⴰⵡⵙⵉⵡⵉⵏ ⴳⴳⵓⵜⵏⵉⵏ ⴳ ⵉⴳⵔ ⵏ ⵓⵣⵔⴼ ⴷ ⵜⵎⵔⵙⴰⵍ ⵃⵎⴰ ⴰⴷ ⵜⵉⵍⵉ ⵜⵙⵏⵙⵉ ⵏ ⵉⵖⴰⵡⴰⵙⵏ ⵏ ⵓⵡⵏⴰⴹ ⵖ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵜⴰⵏⴰⵎⵓⵔⵜ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵉⵙ ⴷⵓ ⵢⵉⵜⵇⵇⵍ ⵙ ⵜⵢⴰⴼⵓⵜⵉⵏ ⵍⵍⵉ ⵔⴰⴷ ⵉⵍⴽⵎ ⵓⵍⵎⵓⵇⵇⴰⵕ ⴰⴷ ⵉⴳⴰⵏ ⴰⵎⵙⴷⴷⵓⵔ, ⴷ ⵍⵍⵉ ⵔⴰ ⴰⴷ ⵢⴰⵡⵉ ⴰⵎⴷⴰⵇⴰⵕ ⵅⴼ ⵉⵎⴰⵙⵙⵏ ⵥⵉⵍⵏⵉⵏ ⵏ ⵜⵙⴳⵎⵉ ⵏ ⵓⵎⵏⵉⵡⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.

Dernière modification : 09 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%A2%E2%B4%B0%E2%B5%9C-%E2%B5%9C%E2%B5%93%E2%B5%A3%E2%B5%89%E2%B5%8F%E2%B5%9C-%E2%B5%89-%E2%B5%A2%E2%B5%89%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F#comment-0