ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵔⵣⴼ ⵜⴰⵎⵙⵎⵓⵏⵜ ⵏ « ⵍⴽⴰⵡⵜⴰⵕ

ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵜⵔⵣⴼ ⵜⴰⵎⵙⵎⵓⵏⵜ ⵏ « ⵍⴽⴰⵡⵜⴰⵕ » ⴳ ⵎⵕⵕⴰⴽⵯⵛ

13 ⵢⵓⵏⵢⵓ 2013 Version Imprimable

ⵎⵕⵕⴰⴽⵯⵛ - ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵔⴰⵢ ⵏ ⵓⵡⵏⴰⴹ, ⵜⵔⵣⴼ, ⴰⵙⵙ ⵏ ⵓⴽⵕⴰⵙ ⴳ ⵜⵓⴷⴷⵓⵔⵜ ⵏ ⵍⵎⵡⴰⵙⵎ ⴳ ⵜⵎⴷⵉⵏⵜ ⵜⴰⵇⴱⵓⵔⵜ ⵏ ⵎⵕⵕⴰⴽⵯⵛ, ⵜⴰⵎⵙⵎⵓⵏⵜ ⵏ « ⵍⴽⴰⵡⵜⴰⵕ » ⵏ ⵜⵎⵖⴰⵕⵉⵏ ⵉⴽⴽⵓⵛⵎⵏ.

ⵢⵓⵛⴽⴰ ⵡⵔⵣⴰⴼ ⴰⴷ ⴳ ⵉⴳⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⵡⵉⵙⵙ 7 ⵏ ⵓⵙⴳⵎⵉ ⴰⵡⵏⴹⴰⵏ, ⵍⵍⵉ ⵢⵉⵍⵍⴰⵏ ⴳ ⵎⵕⵕⴰⴽⵯⵛ ⵙⴳ 9 ⴰⵔ 14 ⴳ ⵡⴰⵢⵢⵓⵔ ⴰⴷ.

ⴳ ⵓⵣⵎⵣⵣⵓ ⴰⴷ, ⵜⵥⵕⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⵙⴰⵡⵔⵜ ⵏ ⵜⵓⴳⵉ ⵏ ⵉⵇⵔⴰⴱⵏ ⵏ ⵓⵥⵟⵟⴰ.
ⵓⴽⴰⵏ ⵜⵜⵓⴼⴽⴰⵏ ⵉⵙⵙⴼⵔⵓⵜⵏ ⵉ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⵜⵎⵙⵎⵓⵏⵜ ⴰⴷ, ⵜⵉⵙⵎⵉⴳⵍⵜⵉⵏ ⵏⵏⵙ ⴷ ⵉⵡⵜⵜⴰⵙⵏ ⵏⵏⵙ.

ⴳ ⵓⴽⵛⴰⵎ ⵏ ⵜⵎⵙⵎⵓⵏⵜ ⵏ « ⵍⴽⴰⵡⵜⴰⵕ », ⵜⵣⵓⵍ ⵎⴰⵙⵙⴰ ⵥⵀⵕⴰ ⴱⵓⵀⴰⵢⴰ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⴰⴷ, ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ.

ⵜⴰⵎⵙⵎⵓⵏⵜ ⵏ « ⵍⴽⴰⵡⵜⴰⵕ » ⵜⵙⵙⵓⵏⴼⵍ ⴳ ⵏⵓⵡⴰⵏⴱⵉⵔ 2006, ⵜⵙⵎⵓⵏ ⵓⴳⴳⴰⵔ ⵏ30 ⵏ ⵜⵎⵖⴰⵕⵉⵏ. ⵜⵓⵎⵥ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⴷ ⴰⵔ ⵜⵖⵏⵙⴰ ⵅⴼ ⵜⵏⴽⵔⴰ ⵙ ⵜⵎⵖⴰⵕⵉⵏ ⵉⴽⴽⵓⵛⵎⵏ ⵏ ⵎⵕⵕⴰⴽⵯⵛ ⴷ ⵜⵏⵉⵍⴰ ⵏⵏⵙ.

Fichier attaché :

sar_la_princesse_lalla_hasnaa_visite_l-association_al_kawtar-g41.zip

Dernière modification : 13 ⵢⵓⵏⵢⵓ 2013

Source URL: https://www.mapnews.ma/am/activites-princieres/%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%9C%E2%B5%94%E2%B5%A3%E2%B4%BC-%E2%B5%9C%E2%B4%B0%E2%B5%8E%E2%B5%99%E2%B5%8E%E2%B5%93%E2%B5%8F%E2%B5%9C-%E2%B5%8F-%C2%AB-%E2%B5%8D%E2%B4%BD%E2%B4%B0%E2%B5%A1%E2%B5%9C%E2%B4%B0%E2%B5%95-%C2%BB-%E2%B4%B3#comment-0