Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⵏ "ⵓⵎⵎⴰⵙ ⵏ ⵜⴷⵓⵙⵉ ⵏ ⴰⴽⵎⵓⵔ - ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ" ⴳ ⵜⵙⵓⴽⵜ ⵏ ⴱⵏⵙⵓⴷⴰ, ⴷ ⵉⴼⴽⴰ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵎⵔⴰ ⴰⴷ ⵜⵜⵓⵙⴽⴰⵔⵏ ⵙⵉⵏ ⵉⵎⵎⴰⵙⵏ ⵢⴰⴹⵏⵉⵏ ⴳ ⴼⴰⵙ ⴷ ⵟⴰⵏⵊⴰ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⵏ "ⵓⵎⵎⴰⵙ ⵏ ⵜⴷⵓⵙⵉ ⵏ ⴰⴽⵎⵓⵔ - ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ" ⴳ ⵜⵙⵓⴽⵜ ⵏ ⴱⵏⵙⵓⴷⴰ, ⴷ ⵉⴼⴽⴰ ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵎⵔⴰ ⴰⴷ ⵜⵜⵓⵙⴽⴰⵔⵏ ⵙⵉⵏ ⵉⵎⵎⴰⵙⵏ ⵢⴰⴹⵏⵉⵏ ⴳ ⴼⴰⵙ ⴷ ⵟⴰⵏⵊⴰ

04 ⵎⴰⵕⵚ 2020 Version Imprimable
ⴼⴰⵙ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⵙⵓⴽⵜ ⴱⵏⵙⵓⴷⴰ ⴳ ⵜⵎⵏⴱⴰⴹⵜ ⵏ ⵣⵡⴰⵖⴰ ⴳ ⴼⴰⵙ, ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵙⵓⴼⵖ ⵏ ⵓⵎⵎⴰⵙ ⵏ ⵜⴷⵓⵙⵉ ⵏ ⵓⴽⵎⵓⵔ - ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵙ ⵉⵙⵙⴰⵔⵓⵏ ⵉⵙⵎⴰⵏⵏ 75 ⵓⵎⵍⵢⵓⵏ ⵏ ⴷⴷⵔⵀⵎ, ⴷ ⵉⴼⴽⴰ ⵙⵓⵍ ⵉⴹⵏ ⵢⴰⵜⵜⵓⵢⵏ ⵏⵏⵙ ⴰⴼ ⴰⴷ ⵜⵜⵓⵙⴽⴰⵔⵏ ⵙⵉⵏ ⵉⵎⴰⵙⵙⵏ ⵢⴰⴹⵏⵉⵏ ⴳ ⴼⴰⵙ ⴷ ⵟⴰⵏⵊⴰ.

ⵉⵔⵏⴰ ⵡⵎⵎⴰⵙ ⵏ ⵜⴷⵓⵙⵉ ⵏ ⵓⴽⵎⵓⵔ - ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴳ ⵜⵙⵓⴽⵜ ⵏ ⴱⵏⵙⵓⴷⴰ, ⵉ ⵙⵉⵏ ⵉⵎⵎⴰⵙⵏ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵙⵓⴽⵜ ⵏ ⵍⵢⵓⵙⵓⴼⵢⵢⴰ ⴳ ⵕⵕⴱⴰⵟ ⴷ ⵜⵙⵓⴽⵜ ⵏ ⵙⵉⴷⵉ ⵎⵓⵎⵏ ⴷ ⴹⴹⴰⵕⵍⴱⵉⴹⴰ, ⴷ ⵉⵎⵎⴰⵙⵏ ⵍⵍⵉ ⵜⵎⵎⴰⵏ ⵜⵡⵓⵔⵉⵡⵉⵏ ⴳⵉⵙⵏ ⴳ ⵜⵎⴰⵔⴰ ⴷ ⵜⵎⵏⴱⴰⴹⵜ ⵏ ⴱⵏⵉ ⵎⴰⴽⴰⴷⴰ ⴳ ⵟⴰⵏⵊⴰ ⴷ ⵜⵖⵔⵎⵜ ⵜⴰⵎⴰⵢⵏⵓⵜ ⵏ ⵕⵕⵃⵎⴰ ⴹⴹⴰⵕⵍⴱⵉⴹⴰ ⴷ ⵓⵎⵎⴰⵙ ⵏ ⵜⵙⵓⴽⵜ ⵏ ⴽⴰⵔⵉⵎⴰ ⴳ ⵙⵍⴰ ⵍⵍⵉ ⵙⵓⵍ ⵉⵜⵜⵓⵙⴽⴰⵔⵏ, ⵓⵍⴰ ⵢⵎⵎⴰⵙⵏ ⵉⵍⵍⴰⵏ ⴳ ⵓⵙⵖⵉⵡⴰⵙ ⴳ ⵜⵙⵓⴽⵜ ⵏ ⵍⵉⵙⴰⵙⴼⴰ ⴹⴹⴰⵕⵍⴱⵉⴹⴰ ⴷ ⵓⴳⴰⴷⵉⵔ ⴷ ⵎⵕⵕⴰⴽⵯⵛ.

ⴳ ⵓⵣⵎⵎⵣⵓ ⴷⵖ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵏⴹⵏ ⵢⴰⵜⵜⵓⵢⵏ ⵏⵏⵙ ⵏ ⵓⵙⵙⵓⴼⵖ ⵏ ⵙⵉⵏ ⵉⵎⵎⴰⵙⵏ ⵏ ⵓⴽⵎⵓⵔ ⵏ ⵜⴷⵓⵙⵉ ⵢⴰⴹⵏⵉⵏ ⴳ ⴼⴰⵙ ⴷ ⵟⴰⵏⵊⴰ ⵙⴳ ⵜⵎⵔⵙⴰⵍⵜ ⵎⵓⵃⵎⵎⵙ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ.

ⵔⴰⴷ ⵙⴱⵖⵔⵏ ⵙⴳ ⵓⵎⵎⴰⵙ ⵏ ⵜⴷⵓⵙⵉ ⵏ ⵓⴽⵎⵓⵔ - ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵏ ⵜⵙⵓⴽⵜ ⵏ ⴱⵏⵙⵓⴷⴰ, 300.000 ⵓⵎⵣⴷⴰⵖ, ⵎⴰⵔ ⴰⴷ ⵢⴰⵡⵉ ⵡⴳⴳⴰⵔ ⵏ ⵜⵏⴼⵔⵓⵜ ⵏ ⵓⵖⴰⵡⴰⵙ ⵏ ⵜⴷⵓⵙⵉ ⴳ ⵓⵙⵡⵉⵔ ⵏ ⵜⵎⵏⴰⴹⵜ, ⴷ ⵉⵙⴼⵙⵙⵓⵙ ⵜⴰⵥⵥⴰⵢⵜ ⵅⴼ ⵜⵎⵔⵙⵍⵉⵏ ⵏ ⵜⴷⵓⵙⵉ ⵢⵍⵍⴰⵏ.

ⵔⴰⴷ ⵉⵟⵟⴼ ⵓⵎⵎⴰⵙ ⴰⵎⴰⵢⵏⵓ, ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵓⴳⵣⵣⵓⵎ ⵏ ⵡⴰⴽⴰⵍ ⵏ 14.080 ⴰⵎⵉⵜⵔⵓ ⴰⵎⴽⴽⵓⵥ, ⴰⴳⵊⴷⵉ ⵏ ⵓⵖⴰⵡⵍ ⵏ ⵜⴷⵓⵙⵉ ⵏ ⵓⴽⵎⵓⵔ ⴷ ⵓⴳⵊⴷⵉ ⵏ ⵉⴼⵙⴰⵢⵏ ⵉⵥⵍⵉⵏ, ⴷ ⵓⴳⵊⴷⵉ ⵏ ⵜⴷⵓⵙⵉ-ⴰⵜⵉⵇⵏⵉ ⵉⵟⵟⴰⴼⵏ ⴰⵏⵙⴰ ⵏ ⵜⵎⵀⵍⵉⵡⵉⵏ.

ⵉⵍⵍⴰ ⴳⵉⵙ ⵙⵓⵍ ⵓⴳⵊⴷⵉ ⵏ ⵜⴷⵓⵙⵉ ⵏ ⵜⵎⴰⵔⴰⵡⵜ ⴷ ⵉⵎⵣⵉ, ⵍⵍⵉ ⴳⵉⵙ ⵉⵍⵍⴰⵏ ⵢⴰⵏ ⵓⴳⵣⵣⵓⵎ ⴰⵜⵉⵇⵏⵉ ⵏ ⵜⵔⵡⴰ (4 ⵏ ⵜⵣⵇⵇⴰⵏⵉⵏ ⵏ ⵜⵔⵡⴰ), ⴷ ⵢⴰⵜ ⵜⵣⵇⵇⴰ ⵏ ⵓⴼⵙⴰⵢ, ⴷ ⵓⵙⵏⵊⵊⵉ ⵏ ⵉⵎⵣⵢⴰⵏⵉ ⵉⵎⴰⵢⵏⵓⵏ, ⴷ ⵉⴳⵣⵣⵓⵎⵏ ⵏ ⵓⵙⵏⵏⵊⵉⵏ ⵉⵎⵣⵡⵓⵔⴰⵏ (ⵜⵣⵇⵇⴰⵏⵉⵏ ⵏ ⵓⴼⵙⴰⵢ, ⵏ ⵓⵙⵏⵏⵊⵉ, ⴷ ⵏ ⵓⴳⵣⴰⵢ, ⴷ ⵏ ⵜⴷⵓⵙⵉ ⵏ ⵜⵎⵔⵏⴰⵡⵜ / ⴰⵙⵏⵎⴰⵍ ⵏ ⵜⵡⵊⴰ), ⴷ ⵓⴳⵣⵣⵓⵎ ⵏ ⵜⴷⵓⵙⵉ (13 ⵜⵣⵇⵇⴰ ⵏ ⵜⵣⴹⵕⴰ ⵢⵓⵙⵉⵏ 26 ⵜⵉⵙⵉ), ⴷ ⵜⴰⵙⴰⵙⴼⵔⵜ, ⴷ ⵓⵏⵙⴰ ⵏ ⵉⵎⵎⵓⵜⵏ.

ⵉⴳⴰ ⵡⵙⵏⵜⵉ ⵢⴰⴷ ⵜⴰⵍⴽⵎⵜ ⵏ ⵜⴷⵔⴰⵡⵜ ⴳⵔ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⴼⴰⵙ-ⵎⴽⵏⴰⵙ, ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⴳ ⵓⵣⵎⵣⵣⵓ ⵏ 24 ⴰⵢⵢⵓⵔ.

Dernière modification : 04 ⵎⴰⵕⵚ 2020
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B1%E2%B4%B7%E2%B5%93-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B5%8F-%E2%B4%B0%E2%B4%BD%E2%B5%8E%E2%B5%93%E2%B5%94-%E2%B5%9C%E2%B4%B0%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C