"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ 16 ⵕⴰⵊⴰⴱ 1441 ⴰⵀⵉⵊⵔⵉ, ⵉⵎⴰⵏⵏ ⴷ 11 ⵎⴰⵕⵚ 2020, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⴹⴹⴰⵕⵍⴱⵉⴹⴰ, ⴽⴽⵓⵥ ⵏ ⵉⴳⵎⴰⵎⵏ ⵉⵎⴰⵢⵏⵓⵏ ⵉⵜⵜⵓⵙⵜⴰⵢⵏ ⴳ ⵜⵙⵏⴱⴹⴰⵢⵜ ⵜⴰⴷⵓⵙⵜⵓⵔⵉⵜ, ⵖⵉⴽ ⵍⵍⵉ ⵢⵏⵏⴰⵏ ⵡⴷⵓⵙⵜⵓⵔ ⴷ ⵓⵙⵍⴳⴰⵏ ⴰⵎⵙⵙⴷⵓⵙ ⵏ ⵜⵙⵏⴱⴹⴰⵢⵜ ⴰⴷ, ⵙⴰⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵜⵜⵓⵍⵓⵜ ⵏ ⵉⴳⵎⴰⵎⵏ ⵏⵏⵙ:
ⵉⴳⴰ ⵍⵃⴰⵍ:
- ⵎⴰⵙⵙⴰ ⵍⴰⵟⵉⴼⴰ ⵍⵅⴰⵍ ⴷ ⵎⴰⵙⵙ ⵍⵃⵓⵙⴰⵢⵏ ⵄⴱⵓⵛⵉ : ⵉⴳⵎⴰⵎⵏ ⵉⵜⵜⵓⵙⵜⴰⵢⵏ ⵙⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ.
- ⵎⴰⵙⵙ ⵎⵓⵃⵎⵎⴷ ⵄⴰⵍⴰⵎⵉ, ⴰⴳⵎⴰⵎ ⵉⵜⵜⵓⵙⵜⴰⵢⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ.
- ⵎⴰⵙⵙ ⵅⴰⵍⵉⴷ ⴱⵕⵊⴰⵡⵉ, ⴰⴳⵎⴰⵎ ⵉⵜⵜⵓⵙⵜⴰⵢⵏ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⴳ ⵓⵙⵏⵓⴱⴳ ⴰⴷ, ⴼⴽⴰⵏ ⴽⴽⵓⵥ ⵏ ⵉⴳⵎⴰⵎⵏ ⵜⴳⴰⵍⵍⵉⵜ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵖⵉⴽ ⵍⵍⵉ ⵢⵏⵏⴰ ⵓⵙⵍⴳⴰⵏ ⴰⵎⵙⵙⴷⵓⵙ ⵏ ⵜⵙⵏⴱⴹⴰⵢⵜ ⵜⴰⴷⵓⵙⵜⵓⵔⵉⵜ, ⴷ ⵔⴰⴷ ⴱⴷⵓⵏ ⵜⵡⵓⵔⵉⵡⵉⵏ ⵏⵏⵙⵏ ⴳ ⵍⴱⴷⵓ ⵏ 04 ⵉⴱⵔⵉⵔ 2020, ⴰⵎⵣⵔⵓⵢ ⵏ ⵓⵜⵎⵎⴰ ⵏ ⵜⵎⵉⵔⵉⵜ ⵏ ⵜⵜⵓⵍⵓⵜ ⵏ ⵉⴳⵎⴰⵎⵏ ⵏ ⵜⵙⵏⴱⴹⴰⵢⵜ.
ⵃⴰⴹⵕⵏ ⴳ ⵓⵙⵏⵓⴱⴳ ⴰⴷ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵜⴰⴷⵓⵙⵜⵓⵔⵉⵜ, ⵎⴰⵙⵙ ⵙⴰⵄⵉⴷ ⵉⵀⵔⴰⵢ".