Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵏⵎⵍ ⵜⴰⴳⵍⴷⴰⵏⵜ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2012-2013
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵏⵎⵍ ⵜⴰⴳⵍⴷⴰⵏⵜ ⴳ ⵕⵕⴱⴰⵟ ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2012-2013

15 ⵢⵓⵏⵢⵓ 2013 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⵏⵎⵍ ⵜⴰⴳⵍⴷⴰⵏⵜ ⵍⵍⵉ ⵢⵍⵍⴰⵏ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2012-2013.

ⵎⴰⵏⵏ ⴷ ⵓⴳⵍⵍⵉⴷ ⴳ ⵜⴼⵓⴳⵍⵓ ⵢⴰⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⵎ ⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ.

ⵜⴰⴼⵓⴳⵍⴰ ⵢⴰⴷ, ⵍⵍⵉ ⵢⵣⵔⵉⵏ ⵙ ⵜⵉⵍⵉⵜ ⵏ ⴰⵃⵜ ⵏ ⵜⴰⵜⵜⵓⵢⵜ ⵉⴳⵍⴷⴰⵏ ⴷ ⵜⴳⵍⴷⵓⵏⵜⵉⵏ, ⵜⵙⵙⵏⵜⵉ ⵙ ⴽⵔⴰ ⵏ ⵍⴰⵢⴰⵜ ⵏ ⵍⵇⵓⵔⴰⵏ ⵍⴽⴰⵔⵉⵎ ⵎⴰⵢⴰⴷ ⴰⴷ ⵉⵖⵔⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ.

ⴷⴼⴼⵉⵔ ⵏ ⵖⵉⴽⴰⵏ, ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵏ ⵉⵏⴰⵡ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵎⵍⴰ ⴳⵉⵜ ⵜⵓⵎⵔⵜ ⵏⵏⵙ ⵉⵎⵇⵇⵓⵔⵏ ⵅⴼ ⵓⵙⵔⴼ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⴰⴼⵓⴳⵍⴰ ⵢⴰⴷ.

ⵜⵕⵛⵎ ⵜⴼⵓⴳⵍⴰ ⵢⴰⴷ ⵙ ⵉⵕⴽⴰⴹⵏ ⴷ ⵉⵖⵏⵏⵉⵊⵏ ⴷ ⵜⵎⵣⴳⵓⵏⵜⵉⵏ ⵍⵍⵉ ⵙⴽⵔⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵅⴰⴷⵉⵊⴰ ⴷ ⵜⵉⵎⴷⴷⵓⴽⴽⴰⵍ ⵏⵙⵙ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⵉⵎⴷⴷⵓⴽⴽⴰⵍ ⵏⵏⵙ ⵙ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⴷ ⵜⵏⴳⵍⵉⵣⵉⵜ ⴷ ⵜⵚⴱⵍⵢⵓⵏⵉⵜ.  

ⴰⵏⵎⵀⴰⵍ ⵏ ⵜⵏⵎⵍ ⵜⴰⴳⵍⴷⴰⵏⵜ, ⵎⴰⵙⵙ ⵄⴰⵣⵉⵣ ⵍⵃⵓⵙⵉⵏ, ⵉⴼⴽⴰ ⵢⴰⵏ ⵉⵏⴰⵡ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵙⴰⵡⵍ ⴳⵉⵙ ⴼ ⵉⵙⵎ ⵏⵏⵙ ⵡⵍⴰ ⵡⵉⵏ ⴽⵓⵍⵍⵓ ⵉⵙⴰⵜⵉⵏ ⵏ ⵜⵏⵎⵍ, ⴰⴼⴰⴷ ⴰⴷ ⵢⵉⵏⵉ ⵜⵓⵎⵔⵜ ⵏⵏⵙ ⵅⴼ ⴰⴱⵖⵓⵔ ⵢⴰⵜⵜⵓⵢⵏ ⵍⵍⵢ ⵢⴼⴽⴰ ⵓⴳⵍⵍⵉⴷ ⵉ ⵜⴰⴼⵓⴳⵍⴰ ⵢⴰⴷ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵎⵖⵓⵔⵜ ⵏ ⵓⵙⵖⵓⴷⵓ ⴷ ⵡⵉⵏⵏ ⵏ ⵜⵉⵏⵎⵍ ⵜⴰⴳⵍⴷⴰⵏⵜ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵅⴰⴷⵉⵊⴰ ⴷ ⵎⵏⵏⴰⵡ ⵏ ⵜⵙⵎⵖⵓⵔⵜⵉⵏ ⵢⴰⴹⵏⵉⵏ ⵉ ⵢⵎⴷⴷⵓⴽⴽⴰⵍ ⵜ ⵜⵉⵎⴷⴷⵓⴽⴽⴰⵍⵉⵏ ⵏ ⵡⵎⴽⴽⵓⵙⵓ ⵏ ⵜⴳⵍⴷⵉⵜ ⴷ ⵉ ⵜⴳⵍⴷⵓⵏⵜ.

ⵃⴰⴹⵕⵏ ⵉ ⵜⴰⴼⵓⴳⵍⴰ ⵢⴰⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴱⴷⵍⵉⵍⴰⵀ ⴱⵏⴽⵉⵔⴰⵏ ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⵎⴰⵙⵙ ⵎⵓⵃⵎⵎⴷ ⵍⵡⴰⴼⴰ.

 

Fichier attaché :
Icône paquet sm_le_roi_-ecole_royale-ceremonie_de_fin_annee_scolaire_-g2.zip
Dernière modification : 15 ⵢⵓⵏⵢⵓ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9C%E2%B5%8F%E2%B5%8E%E2%B5%8D-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B4%B3%E2%B4%B3%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99#comment-0