"ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ 17 ⵎⴰⵕⵚ 2020 ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⵢⴰⵜ ⵜⵉⵔⵎⵜ ⵏ ⵜⵡⵓⵔⵉ ⵉⴳⴰ ⵉ ⵡⴹⴼⴰⵕ ⵏ ⵓⵙⵡⵓⴷⴷⵓ ⵏ ⵓⵣⵣⵉⴳⵉⵣ ⵏ ⵓⴱⴰⵢⵢⵓⵕ "ⴽⵓⵕⵓⵏⴰ" ⴳ ⵜⵎⴰⵣⵉⵔⵜ ⵏⵏⵖ ⴷ ⵓⴹⴼⵕ ⵏ ⵜⵡⵓⵔⵉⵡⵏ ⵉⵜⵜⵓⵙⴽⴰⵔⵏ ⴰⴼ ⴰⴷ ⵜⴱⵉⴷⴷ ⵜⵎⵔⵏⵉⵡⵜ ⵏⵏⵙ.
ⴳ ⵍⴱⴷⵓ ⵏ ⵜⵙⵎⵓⵏⵉ ⵢⴰⴷ, ⵉⵙⵇⵇⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⵏ ⵜⴷⵓⵙⵉ ⵅⴼ ⵜⵎⵔⵏⵉⵡⵉⵏ ⵉⴳⴳⵯⵔⴰⵏ ⵏ ⵓⵙⵓⵔⵙ ⵜⴰⴷⵓⵙⴰⵏⵜ ⴳ ⵜⵎⴰⵣⵉⵔⵜ, ⴷ ⵜⵉⵥⵥⵉⴹⵕⴰ ⵏ ⵓⵙⵏⵓⴱⴱⴳ ⵏ ⵚⵚⴱⵉⵟⴰⵕⴰⵜ ⴷ ⵏ ⵉⴳⵣⵣⵓⵎⵏ ⵏ ⵜⴷⵓⵙⵉ ⴳ ⴽⵔⴰ ⵢⴳⴰⵜⵜ ⵜⵙⴳⴰ ⵏ ⵜⴳⵍⴷⵉⵜ, ⴷ ⵜⵡⵓⵔⵉⵡⵉⵏ ⵉⵜⵜⵓⵙⴽⴰⵔⵏ ⴰⴼ ⵉⵜⵜⴻⵔⴰⵔ ⵅⴼ ⵜⵉⵔⴰⵜⵉⵏ ⴳ ⵜⵏⴼⵔⵓⵜ ⵜⴰⴷⵓⵙⴰⵏⵜ.
ⵅⴼ ⵜⴰⵙⵉⵍⴰ ⵏ ⵜⵎⵓⵛⴰ ⵍⵍⵉ ⵢⴼⴽⴰ ⵡⵎⴰⵡⵙⴰⵙ ⵏ ⵜⴷⵓⵙⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵙ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴷ ⵉⵙⵙⵖⵍⵉ ⵜⵉⵥⵉⴹⴰⵕ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ ⴰⴼ ⴰⴷ ⵉⴱⵉⴷⴷ ⵓⴱⴰⵢⵢⵓⵕ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⵏ ⵓⵏⵙⵙⵉⵅⴼ ⵍ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴰⵍⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵡⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴰⵍⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴰⴼ ⴰⴷ ⵙⵙⴽⵛⵎⵏ ⵜⵓⵚⴽⵉⵡⵉⵏ ⵏ ⵜⴷⵓⵙⵉ ⵉⵜⵜⵓⵎⴰⵡⴰⵏⵏ, ⵍⵍⵉ ⵢⴰⴷ ⵍⵍⵉ ⵢⵜⵜⵓⵙⴽⴰⵔⵏ ⴷⴼⴼⵉⵔ ⵏ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⴽⵔⴰ ⵢⴳⴰⵜⵜ ⵜⵙⴳⴰ ⵏ ⵜⴳⵍⴷⵉⵜ, ⴰⵎⵎⴰⵙ ⵏ ⵓⵏⴳⵔⴰⵡ ⵏ ⵜⴷⵓⵙⵉ, ⵉⵖ ⵜⵏ ⵉⵃⵜⴰⵊⵊⴰ.
ⵜⴳⴰ ⵜⵙⵎⵓⵏⵉ ⵢⴰⴷ ⴰⵣⵎⵣ ⵏ ⵓⵙⴰⵡⵍ ⵅⴼ ⴰⴽⴽⵯ ⵜⵖⴰⵡⵙⵉⵡⵉⵏ ⵉⵜⵜⵓⵙⴽⴰⵔⵏ ⵙ ⵉⵙⵡⴰⵍⴰⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵣⵓⵏⴷ ⴰⵇⵇⵏ ⵏ ⵜⵔⵉⵡⵜ ⵏ ⵡⴰⴹⵓ ⴷ ⵏ ⵉⵍⵍ ⴰⵎⵖⵔⴰⴱⵉ ⴷⴰⵜ ⵏ ⵉⵏⵎⴰⴷⴷⵓⵏ, ⴰⵙⴱⵉⴷⴷ ⵏ ⵜⵙⵎⵓⵏⵉⵏ ⴷ ⵉⵎⵓⵙⵙⵓⵏ ⵜⵓⵏⵏⵓⵏⵉⵏ ⴷ ⵜⵉⴷⵍⵙⴰⵏⵉⵏ ⴷ ⵜⵉⵏⴰⵥⵓⵕⵉⵏ, ⴷ ⵓⵙⵙⵓⴼⵖ ⵏ ⵜⴼⵏⵉⵇⵜ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ "ⴽⵓⵕⵓⵏⴰ" (ⴽⵉⴼⵉⴷ-19), ⴷ ⵓⵙⴱⵉⴷⴷ ⵏ ⵜⵖⵔⵉ ⴳ ⵜⵉⵏⵎⴰⵍ ⴷ ⵜⵉⵙⴷⴰⵡⵉⵏ, ⴷ ⵓⵇⵇⵏ ⵏ ⵜⵎⵣⴳⵉⴷⵉⵡⵉⵏ, ⴷ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⵢⴰⴹⵏⵉⵏ.
ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉ ⴰⴽⴽⵯ ⵜⵎⴰⵡⴰⵙⵉⵏ ⵜⵉⵎⵙⵜⴳⴳⴰⵔⵉⵏ ⴰⴷ ⵙⴽⵔⵏ ⴰⴽⴽⵯ ⵜⵖⴰⵡⵙⵉⵡⵉⵏ ⵉⵅⵚⵚⴰⵏ ⴰⴼ ⴰⴷ ⵜⵜⵓⵙⴽⴰⵔ ⵜⴽⵍⵉ ⵢⴰⴷ ⴰⴷ ⵢⵓⵛⴽⴰⵏ ⵉⵖ ⵜ ⵉⵔⴰ ⵍⵃⴰⵍ.
ⵜⵣⵔⵉ ⵜⵙⵎⵓⵏⵉ ⵢⴰⴷ ⵙ ⵜⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵎⴰⵙⵙ ⵄⴱⵍⵍⵟⵉⴼ ⵍⴼⵜⵉⵜ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ, ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴷ ⵓⵊⵉⵏⵉⵕⴰⵍ ⴷⵓ ⴽⵉⵕ ⴹⴰⵕⵎⵉ, ⵎⴰⵙⵙ ⵄⴱⴷⵍⴼⵜⵜⴰⵃ ⵍⵡⵕⵕⴰⵇ, ⴷ ⵓⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴰⵍⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵊⵉⵏⵉⵕⴰⵍ ⴷⵓ ⴽⵓⵕ ⴷⴰⵕⵎⵉ ⵎⴰⵙⵙ ⵎⵓⵃⵎⵎⴷ ⵀⴰⵔⴰⵎⵓ, ⴷ ⵓⵏⵙⵙⵉⵅⴼ ⵏ ⵜⵊⴰⴹⴰⵕⵎⵉⵜ ⵜⴰⴳⵍⴷⴰⵏⵜ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ, ⵎⴰⵙⵙ ⵄⴱⴷⵍⵍⵟⵉⴼ ⵃⵎⵎⵓⵛⵉ."