ⴰⵙⵏⵎⵍⴰ ⵏ ⵓⵎⵛⴰⵡⴰⵕ ⵢⵓⵙⵄⴰⵏ ⴳ ⵓⵎⵎⴰⵙ ⴰⵏⵎⵍⴰⵏ ⵅⴼ ⵓⵏⴰⵡ ⵏ ⵓⵏⴳⵎⵓ (ⵜⴰⵎⴰⵡⴰⵙⵜ)

02 ⵉⴱⵔⵉⵔ 2020 Version Imprimable

ⵕⵕⴱⴰⵟ - ⵔⴰⴷ ⵙⵏⵎⴰⵍⴰⵏ ⵓⴳⵔⴰⵡ ⵉⵥⵍⵉⵏ ⵅⴼ ⵓⵏⴰⵡ ⵏ ⵓⵏⴳⵎⵓ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵍⵎⴰⴷ ⴰⵏⴰⴼⴰⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⵢⴰⵏ ⵓⵎⵛⴰⵡⴰⵕ ⵢⵓⵙⵄⴰⵏ ⴳ ⵓⵎⵎⴰⵙ ⴰⵏⵎⵍⴰⵏ ⵅⴼ ⵓⵙⴳⵓⵎ "ⵍⵎⵖⵔⵉⴱ ⵏ ⴰⵙⴽⴽⴰ".

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⴰⵙⵙ ⵏ ⵓⴽⵡⴰⵙ ⵎⴰⵙ ⵓⵎⵛⴰⵡⴰⵕ ⴰⴷ ⵢⵓⵛⴽⴰ ⵙ ⵓⵣⵣⵉⴳⵔ ⵏ ⵉⵏⴹⵏ ⵉⴳⵍⴷⴰⵏ ⵢⴰⵜⵜⵓⵢⵏ ⵍⵍⵉ ⵢⵏⵏⴰⵏ ⵎⴰⵙ ⵜⵄⵄⵓⵔⵎⴰ ⵜⴳⴰ "ⴰⵢⴷⴰ ⵉⵎⵉⴷⵉ ⵏ ⵜⵎⴰⵣⵉⵔⵜ", ⴷ ⵖⵉⴽ ⵍⵍⵉ ⵢⵔⴰ ⵢⵎⵉⵔⵉ ⵡⵉⵙⵙ 33 ⵙⴳ ⵓⴷⵓⵙⵜⵓⵔ ⵍⵍⵉ ⵢⵏⵏⴰⵏ ⵎⴰⵙ ⵉⵅⵚⵚⴰ ⴰⴷ ⴷⵔⵓⵏ ⵉⵄⵔⵔⵉⵎⵏ ⵉⵎⵖⵔⴰⴱⵉⵏ ⴳ ⵜⵓⴷⵔⵜ ⵜⴰⵎⴰⵜⴰⵢⵜ, ⴰⵛⴽⵓ ⴳⴰⵏ ⵜⴰⵙⵉⵍⴰ ⵍⵍⵉ ⵅⴼ ⵉⴱⵉⴷⴷ ⵓⴷⴳⴰⵔ ⴰⵏⴼⴳⴰⵏ.

ⵜⴽⵛⵎ ⵜⵖⴰⵡⵙⴰ ⵢⴰⴷ ⵙⵓⵍ ⴳ ⵓⵙⴰⵜⵉ ⵏ ⵜⵡⵓⵔⵉ ⵏ ⵓⴳⵔⴰⵡ ⵉⵥⵍⵉⵏ ⵙ ⵓⵏⴰⵡ ⴰⵏⴳⵎⵓ ⵉⵔⴰⵏ ⴰⴷ ⵉⵕⵥⵎ ⵅⴼ ⴰⴽⴽⵯ ⵜⵎⵔⵙⴰⵍⵉⵏ ⴷ ⵉⵏⴳⵡⵓⵏ ⴷ ⵜⴳⴳⴰⵍⵉⵏ ⵉⴷⴷⵔⵏ, ⵓⵍⴰ ⴰⴷ ⵉⵙⵙⴷⵔⵓ ⵉⵏⵍⵎⴰⴷⵏ ⴳ ⴰⴽⴽⵯ ⵉⵔⵎⵉⵏ ⵏ ⵉⵏⵍⵎⴰⴷⵏ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⴳⴳⵓⵔⵜ ⵏ ⵜⴷⵔⴰⵡⵜ ⴳ ⵓⵎⵛⴰⵡⵕ ⵜⵕⵥⵎ ⵙⴳ ⴰⵙⵙ ⵏ ⵓⴽⵡⴰⵙ (2 ⵉⴱⵔⵉⵔ) ⴷⴰⵜ ⵏ ⵉⵏⵎⵍⴰⴷⵏ ⴳ ⵉⵥⵍⵉ ⵉⵛⵛⴰⵔⵏ ⴳ ⵉⵙⵉⵏⴰⵏ ⵏ ⵓⵙⵎⴷⵉ ⴷ ⵓⵙⵍⵉⴳ, ⴷ ⵔⴰⴷ ⵢⴰⵔⴰ ⴽⵓ ⵡⵎⴷⵔⴰⵡ ⵢⴰⵏ ⵓⵙⴳⵓⵎ ⵅⴼ ⵜⵡⵍⴰⴼⵜ ⵏⵏⵙ ⵏ ⵍⵎⵖⵔⵉⴱ ⵏ ⵓⵙⴽⴽⴰ ⵙ ⵜⵓⵜⵍⴰⵢⵉⵏ ⵜⵄⵕⴰⴱⵜ ⵏⵖⴷ ⵜⵎⴰⵣⵉⵖⵜ ⵏⵖⴷ ⵜⵓⵜⵍⴰⵢⵜ ⵜⴱⵕⵕⴰⵏⵉⵜ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B4%B0%E2%B5%99%E2%B5%8F%E2%B5%8E%E2%B5%8D%E2%B4%B0-%E2%B5%8F-%E2%B5%93%E2%B5%8E%E2%B5%9B%E2%B4%B0%E2%B5%A1%E2%B4%B0%E2%B5%95-%E2%B5%A2%E2%B5%93%E2%B5%99%E2%B5%84%E2%B4%B0%E2%B5%8F-%E2%B4%B3-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8F%E2%B5%8E%E2%B5%8D%E2%B4%B0%E2%B5%8F-%E2%B5%85%E2%B4%BC-%E2%B5%93%E2%B5%8F%E2%B4%B0%E2%B5%A1-%E2%B5%8F-%E2%B5%93%E2%B5%8F%E2%B4%B3%E2%B5%8E%E2%B5%93-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B4%B0%E2%B5%99%E2%B5%9C