ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⴰⴰⵡⴰⵙ ⴰⵏⵙⵉⴷⴼ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵜⵎⴷⵉⵏⵜ ⵏ ⵓⵊⴷⴰ 2013 2016

20 ⵢⵓⵏⵢⵓ 2013 Version Imprimable

ⵓⵊⴷⴰ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵓⵊⴷ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⴰⴰⵡⴰⵙ ⴰⵏⵙⵉⴷⴼ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵜⵎⴷⵉⵏⵜ ⵏ ⵓⵊⴷⴰ 2013 2016.

ⴰⵖⴰⵡⴰⵙ ⴰⴷ ⵉⵔⴰ ⴰⴷ ⵉⴹⴼⵕ ⵜⵉⴳⵎⵉ ⵜⴰⴷⴰⵎⵙⴰⵜ ⴷ ⵜⴰⵖⵔⵎⴰⵏⵜ ⵓⵍⴰ ⵉⵎⵣⴷⴰⵖⵏ ⵏ ⵜⵎⴰⵥⵓⵏⵜ ⵏ ⵜⵙⴳⴰ ⵏ ⵍⵇⴱⵍⵜ ⵏ ⵜⴳⵍⴷⵉⵜ.
ⵉⵜⵜⵢⴰⵡⴼⴽⴰ ⵓⵖⴰⵡⴰⵙ ⴰⴷ ⵢⴰⵜ ⵜⵏⵜⵜⴰⵍⵜ ⵜⴰⵎⵙⴰⵙⵜⵍⵜ ⵉⵇⵎⵏ826 ⵓⵎⵍⵢⵓⵏ ⵏ ⵓⴷⵔⵀⵎ. ⵉⴱⴹⴰ ⵓⵖⴰⵡⴰⵙ ⴰⴷ ⵅⴼ 5 ⵏ ⵉⵙⴳⵓⵎⵏ : ⴳⴰⵏ ⴰⵙⴷⵓⵙ ⵏ ⵓⵥⵟⵟⴰ ⵏ ⵉⴱⵔⵉⴷⵏ ⴷ ⵡⵎⴰⵏ ⵏ ⵜⵉⵙⵙⵉ ⴷ ⵓⵙⵣⴷⴳ ⴷ ⵡⵔⴰⵢ ⵏ ⵓⵡⵏⴰⴹ ⴷ ⵜⵎⵔⵏⵉⵡⵜ ⵏ ⵉⵎⴰⵡⴰⵏ ⵏ ⵜⵓⵏⵏⵓⵏⵜ ⵓⵍⴰ ⵜⴰⵏⴽⵔⴰ ⵙ ⵉⵎⵓⵙⵙⵓⵜⵏ ⵏ ⵜⴷⵍⵙⴰ ⴷ ⵜⴰⵡⵓⵔⵉ ⵜⴰⵏⴰⵎⵓⵏⵜ.

ⵙⴳⵎⴹⵙ ⵜⴰⵎⵢⴰⵇⵇⴰⵏⵜ ⴰⴷ ⵎⵏⵏⴰⵡ ⵉⵎⵙⵜⴳⴳⴰⵔⵏ ⴷ ⵉⵎⴰⵡⵙⴰⵙⵏ ⵖ ⵉⴳⴰ ⵎⵃⵏⴷ ⵍⵄⵏⵚⵕ ⴰⵎⴰⵡⵙⴰⵙ ⵏ ⵓåⵏⵙ ⴷ ⵎⵓⵃⵎⵎⴷ ⵏⴰⴱⵉⵍ ⴱⵏ ⵄⴱⴷⵍⵍⴰ, ⴰⵎⴰⵡⵙⴰⵙ ⵏ ⵓⵣⴷⴷⵓⵖ ⴷ ⵓⵥⴽⴰⵡ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⴷ ⵎⵓⵃⵎⵎⴷ ⵓⵣⵣⵉⵏ, ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴷ ⵔⴰⵣⵉⵣ ⵔⴱⴱⴰⵃ, ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵓⵙⵙⴰⵢ ,ⴷ ⴼⵓⴰⴷ ⴷⵡⵉⵔⵉ, ⴰⵎⴰⵡⵙⴰⵙ ⵏ ⵜⵥⴹⴰⵕⵜ ⴷ ⵓⵣⴰⵖⵓⵣ ⴷ ⵡⴰⵎⴰⵏ ⴷ ⵓⵡⵏⴰⴹ, ⴷ ⵎⵓⵃⵎⵎⴷ ⴰⵎⵉⵏ ⵕⵕⴱⵉⵃⵉ, ⴰⵎⴰⵡⵙⴰⵙ ⵏ ⵜⴷⵍⵙⴰ .

ⴳ ⵓⵣⵎⵣⵣⵓ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⴱⴷⵓ ⵉ ⵜⵓⵚⴽⴰ ⵏ ⵓⴱⵔⵉⴷ ⴳⵔ ⵜⴰⵙⵓⴽⵜ ⵏ « ⴼⴰⵕ » ⴷ ⵜⴰⴳⵓⵜ ⵏ ⵜⵎⴷⵉⵏⵜ ⵏ ⵓⵊⴷⴰ. ⴰⵙⵏⵜⵉ ⴰⴷ ⵍⵍⵉ ⵜⴳⴰ ⵜⵉⵖⵣⵉ ⵏⵏⵙ 2,5 ⵏ ⵓⴽⵉⵏⵓⵎⵉⵟⵕ ⵜⵜⵓⵥⵍⵉⵢⴰⵙ 65 ⵏ ⵓⵎⵍⵢⵓⵏ ⵏ ⵓⴷⵔⵀⵎ.

Dernière modification : 20 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B4%B0%E2%B4%B0%E2%B5%A1%E2%B4%B0%E2%B5%99-%E2%B4%B0%E2%B5%8F%E2%B5%99%E2%B5%89%E2%B4%B7%E2%B4%BC-%E2%B5%8F-%E2%B5%9C%E2%B4%B3%E2%B5%8E%E2%B5%89#comment-0