ⵉⵕⵥⵎ ⵓⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⵓⵊⴷⴰ, ⵜⵉⵎⵣⴳⵉⴷⴰ ⵏ « ⵍⴼⴰⴹⵉⵍⴰ », ⵉⵥⵥⵓⵍ ⴳⵉⵙ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ

21 ⵢⵓⵏⵢⵓ 2013 Version Imprimable

ⵓⵊⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⵉⵎⵣⴳⵉⴷⴰ ⵏ « ⵍⴼⴰⴹⵉⵍⴰ » ⴷⴰⵜ ⴰⴷ ⴳⵉⵙ ⵉⵥⵥⴰⵍ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ.

ⵜⵉⵎⵣⴳⵉⴷⴰ ⵜⴰⵎⴰⵢⵏⵓⵜ ⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵙⵎⴰⵢⵏⵓ ⵏ ⵓⵙⴰⵢⵙ ⵏ ⵙⵉⴷⵉ ⵄⴱⴹⵍⵍⴰ, ⵜⵓⵎⵥ ⵢⴰⵜ ⵜⵉⵔⵉⵡⵜ ⵜⵉⵖⵎⵙⵏⵜ ⵏ 2.948 ⵏ ⵓⵎⵉⵜⵔⵓ ⴰⵎⴽⴽⵓⵥ, ⵍⵍⴰⵏⵜ ⴳⵉⵙ ⵙⵏⴰⵜ ⵏ ⵜⴷⴰⵍⴰⵜⵉⵏ ⵏ ⵜⵥⴰⵍⵍⵉⵜ, ⵢⴰⵜ ⵜⴳⴰ ⵜⵉⵏ ⵉⵔⴳⴰⵣⵏ ⴷ ⵢⴰⵜ ⵜⵉⵏ ⵜⵎⵖⴰⵔⵉⵏ, ⴷ ⵜⵉⵎⵇⵚⵓⵕⵜⵉⵏ ⵏ ⵍⵉⵎⴰⵎ ⴷ ⵍⵎⵓⴷⴷⵏ ⴷ ⵎⵏⵏⴰⵡ ⵏ ⵜⴷⴰⵍⴰⵜⵉⵏ ⵏ ⵍⵓⴹⵓ.

ⵜⵉⵎⵣⴳⵉⴷⴰ ⴰⴷ ⵜⵥⴹⴰⵕ ⴰⴷ ⵜⴰⵙⵉ 1.600 ⵏ ⵓⴼⴳⴰⵏ, ⵜⵜⵓⵙⴽⴰⵔ ⵙ ⵉⵙⴱⴷⴰⴷⵏ ⵏ ⵜⵎⵙⴷⴰⴳⵜ ⵜⴰⵎⵖⵔⵉⴱⵉⵜ ⵜⴰⵥⵖⵓⵕⴰⵏⵜ ⵙ ⵜⵡⵉⵣⵉ ⵏ ⵜⵡⵍⵍⵓⵖⵜ (15 ⵏ ⵓⵎⵍⵢⵓⵏ ⵏ ⵓⴷⵔⵀⵎ).

ⴰⵕⵥⵥⵓⵎ ⵏ ⵜⵓⵚⴽⴰ ⴰⴷ, ⴰⵔ ⵉⵎⵎⴰⵍⴰ ⴰⵜⵉⴳ ⵉⴳⴳⵓⵜⵏ ⵍⵍⵉ ⵢⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵉ ⵜⵖⴰⵡⵙⵉⵡⵉⵏ ⵏ ⵓⵙⴳⴷ. ⴰⵔ ⵉⵎⵎⴰⵍ ⵓⵍⴰ ⵜⵉⵔⴰⵜ ⵏⵏⵙ ⴰⴷ ⵉⵍⵉⵏ ⵜⵜ ⵜⵎⵣⴳⵉⴷⵉⵡⵉⵏ ⵖⵓⴷⴰⵏⵉⵏ ⴳ ⵜⴳⵍⴷⵉⵜ ⴰⴼⴰⴷ ⴰⴷ ⵥⵥⴰⵍⵍⵉⵏ ⵉⵏⴼⵍⴰⵙ ⴳ ⵜⵎⵙⵓⵜⴰⵍ ⴼⵓⵍⴽⵉⵏⵉⵏ.

Dernière modification : 21 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%93%E2%B5%8A%E2%B4%B7%E2%B4%B0-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%C2%AB-%E2%B5%8D%E2%B4%BC%E2%B4%B0%E2%B4%B9%E2%B5%89%E2%B5%8D%E2%B4%B0-%C2%BB-%E2%B5%89%E2%B5%A5%E2%B5%A5%E2%B5%93%E2%B5%8D-%E2%B4%B3%E2%B5%89%E2%B5%99-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F#comment-0