ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡⵜ ⵏ ⵜⵉⵚⴽⵉⵡⵜⵉⵏ ⵜⵉⵏⴰⴷⴷⴰⵡⵜⵉⵏ ⵜⵉⵏⴰⵎⵓⵏⵜⵉⵏ

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡⵜ ⵏ ⵜⵉⵚⴽⵉⵡⵜⵉⵏ ⵜⵉⵏⴰⴷⴷⴰⵡⵜⵉⵏ ⵜⵉⵏⴰⵎⵓⵏⵜⵉⵏ - ⵜⵉⵎⴰⵏⵓⵏⵜⵉⵏ ⴳ ⵓⵊⴷⴰ

21 ⵢⵓⵏⵢⵓ 2013 Version Imprimable

ⵓⵊⴷⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵓⵊⴷⴰ, ⵜⴰⴷⴰⵍⴰ ⵜⵉⵖⵎⵙⵏⵜ ⵎⵓ ⵜⵓⴳⵜ ⵏ ⵡⴰⵎⵎⴰⴽⵏ ⵏ ⵜⵓⵏⵏⵓⵏⵜ ⵏ « 16 ⵎⴰⵢⵢⵓ » ⴷ ⵡⴰⵎⵎⴰⵙ ⴰⵏⴰⵎⵓⵏ - ⴰⵎⴰⵏⵓⵏ ⵏ ⵡⴰⴷⴰⵙ « ⵍⵄⵉⵔⴼⴰⵏ » ⴷ ⵢⴰⵏ ⵓⴱⴰⵔⴰⵣ ⵏ ⵓⵙⵙⵉⵔⵎ ⵏ ⵔⵔⵉⴳⴱⵉ.

ⵜⴰⴷⴰⵍⴰ ⵜⵉⵖⵎⵙⵏⵜ ⵏ « 16 ⵎⴰⵢⵢⵓ » ⵜⵜⵓⵙⴽⴰⵔ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ ⵙ ⵢⴰⵜ ⵜⵎⵙⴰⵙⵜⵍⵜ ⵏ 24 ⵏ ⵓⵎⵍⵢⵓⵏ ⵏ ⵓⴷⵔⵀⵎ. ⵜⵓⵎⵥ ⵢⴰⵜ ⵜⵉⵔⵉⵡⵜ ⵏ 3.600 ⵏ ⵓⵎⵉⵜⵔⵓ ⴰⵎⴽⴽⵓⵥ ⴷ ⵜⵟⵟⴰⴼ ⵢⴰⵏ ⵓⵙⴰⴳⴰⵔ ⴷ ⵢⴰⵏ ⵓⵙⵔⵉⵔ ⴱⵓ ⵜⵓⴳⵜ ⵏ ⵡⴰⵎⵎⴰⴽⵏ ⴷ ⵢⴰⵜ ⵜⴷⴰⴱⵓⵜ ⵏ ⵡⵓⴷⴷⵓⵔ ⴷ ⵜⴷⵓⵍⴰ ⵢⵉⵟⵟⴰⴼⵏ 500 ⵏ ⵉⵏⵙⴰⵏ.

ⴰⵎⵎⴰ ⴰⵎⵎⴰⵙ ⴰⵏⴰⵎⵓⵏ - ⴰⵎⴰⵏⵓⵏ ⵏ ⵡⴰⴷⴰⵙ « ⵍⵄⵉⵔⴼⴰⵏ », ⵉⵟⵟⴰⴼ ⴽⴽⵓⵥ ⵉⴱⴰⵔⴰⵣⵏ ⵏ ⵜⴰⵡⵊⵊⴰ ⵏ ⵓⴹⴰⵕ ⵉⵎⵥⵥⵉⵢⵏ ⵏ ⵔⵔⴱⵉⵄ ⵙⴰⵏⵜⵉⵜⵉⴽ ⴷ ⵢⴰⵏ ⵓⴱⴰⵔⴰⵣ ⴱⵓ ⵜⵓⴳⵜ ⵏ ⵡⴰⵎⵎⴰⴽⵏ ⵏ ⵜⵓⵏⵏⵓⵏⵜ ⴷ ⵎⵏⵏⴰⵡ ⵉⵙⵔⵉⵔⵏ.

ⵉⵍⵍⴰ ⵓⴱⴰⵔⴰⵣ ⵏ ⵓⵙⵙⵉⵔⵎ ⵏ ⵔⵔⵉⴳⴱⵉ (5.000 ⵏ ⵓⵎⵉⵜⵔⵓ ⴰⵎⴽⴽⵓⵥ) ⵙⴰⵎⴰ ⵏ ⵜⵎⴷⵉⵏⵜ.

ⵔⴰⴷ ⵜⵜⵓⵙⴽⴰⵔ ⴳ ⵜⵎⴷⵉⵏⵜ ⵏ ⵓⵊⴷⴰ ⵢⴰⵜ ⵜⴷⴰⵍⴰ ⵉⵕⵥⵎⵏ ⵏ ⵜⵓⵏⵏⵓⵏⵜ ⴳ ⵜⵓⴷⴷⵓⵔⵜ ⵏ “ⵏⵏⴰⵊⴷ” (13,5 ⵏ ⵓⵎⵍⵢⵓⵏ ⵏ ⵓⴷⵔⵀⵎ), ⴳ ⵓⵙⴰⵜⵉ ⵏ ⵢⴰⵏ ⵓⵎⵢⴰⵡⴰⵙ ⴳⵔ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ ⴷ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⴷ ⵜⴳⵔⴰⵡⵜ ⵏ ⵓⵊⴷⴰ. ⵉⵔⴰ ⴰⴷ ⵜⵜⵓⵙⴽⴰ ⵜⴷⴰⵍⴰ ⴰⴷ ⵍⵍⵉ ⵔⴰⴷ ⵉⵙⴰⵍⴰ ⴳ 2013, ⵉⴳⴳⵉ ⵏ 10.300 ⵏ ⵓⵎⵉⵜⵔⵓ ⴰⵎⴽⴽⵓⵥ.

ⵉⵔⴰ ⴰⴷ ⵜⵜⵓⵙⴽⴰⵔⵏ ⵓⵍⴰ 24 ⵏ ⵓⴱⴰⵔⴰⵣ ⵏ ⵡⴰⴷⴰⵙ ⴳ ⵎⵏⵏⴰⵡⵜ ⵏ ⵜⴷⴷⵓⵔⵉⵏ ⵏ ⵜⵎⴷⵉⵏⵜ ( ⵜⵜⵓⴼⴼⴰⵃ, ⵃⴰⵇⵇⵓ, ⵙⵉⴷⵉ ⵎⵄⴼⴰ, ⵣⵕⴰⵕⵇⴰ, ⵍⵉ ⵉⵔⵉⵙ, ⴰⵍ ⴼⴰⵜⵃ, ⵉⴱⵏⵓ ⵕⵓⵛⴷ, ⵣⵓⵀⵓⵕ, ⵙⵙⴰⵍⴰⵎ, ⵖⴰⵕ ⵍⴱⴰⵕⵓä, ⵙⴽⵉⴽⵔ, ⵙⵉⴷⵉ ⵢⵉⵃⵢⴰ, ⵙⵉⴷⵉ ⴷⵔⵉⵙ, ⵔⵢⴰⴹ ⵉⵙⵍⵉ). 19 ⴳ 24 ⵏ ⵉⴱⴰⵔⴰⵣⵏ ⴰⴷ ⵜⵜⵓⵙⴽⴰⵏ ⵢⴰⴷ.

Dernière modification : 21 ⵢⵓⵏⵢⵓ 2013

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1%E2%B5%9C-%E2%B5%8F-%E2%B5%9C%E2%B5%89%E2%B5%9A%E2%B4%BD%E2%B5%89%E2%B5%A1%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B4%B7%E2%B4%B7%E2%B4%B0%E2%B5%A1%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8E%E2%B4%B0%E2%B5%8F%E2%B5%93%E2%B5%8F%E2%B5%9C%E2%B5%89%E2%B5%8F-%E2%B4%B3#comment-0